Kulki Kaikanka 28:2 - DAWAN BÎLA AISKA

² “Israel luhpia nani ra wis, ai âuya tikbiara witin nani yu bani naku dauki kaia lilia daukaia piua ra, diara aikaia ba piua kat aiki kabia, brit aikaia ba ai kupia aiska wina aikbia, kîa pain, yang aitani kulkisna ba kat angki aikbia.

Kulki Kaikanka 28:2 ပူးပေါင်းရင်းမြစ်များ

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

1 Kronikas 23:31

daiwan aiska angki Dawan ra yabi ba ra, kati raya yua liliaka daukaia yua ra, yua tara nani liliaka dauki ba ra bara ris yua nani ra. Baha piua bani Libait nani ba wina kulki saki bliki kan, witin nani sika piu bani Dawan warkka ba dauki kan.

2 Kronikas 23:18

Baha ningkara Joiadá bui Dawan tempelka ra main kakaira nani mangkan, bara prîs nani bara Libait nani adarka munhtara mangkan, baha nani ra Debit bui Moses lâka ra ulban ba baku mangkan ba Dawan warkka daukaia dukiara, baku ba ra piua nani sin kulki saki yan, Dawan ra sakripaiska nani dauki yabaia, witin nani sin lilia aiwani kaia, dîa Debit win ba kat.

2 Kronikas 31:3

Baha purkara king ba, witin dîa bri ba wina yan, titan bara tutni ra sakripais angkaia, ris yua ra, kati raya mayunra wala yua nani ra, sakripais angki daukaia, dîa Dawan lâka ra ulban ba kat.

Esdras 3:2

Bara Jasua, Josadac luhpia ba, ai pânika prîs nani ba aikuki, baku sin Zorobabel, Salatiel luhpia ba, ai muihni aikuki, witin nani buan Israel Gâdka altarka ba paskaia, daiwan iki baha purara aiska angki Gâd ra yabaia dukiara, Moses, Gâd waitnika, ai wauhkataya ra ulban ba baku, witin nani daukan.

Esdras 3:3

Altar playka ba karna pali bapan, upla nani baha tasbaya ra iwi ba sibrinka bri kan ba mita. Bamna titan bara tutni bani, daiwan iki aiska angki Dawan ra pain kulki yabi kan.

Nihimaya 10:34

Baha purkara, prîs nani, Libait nani, upla wala nani yang nani taiya nani kulkanka ba kat, lat lulki kaiki banhwamna, lâ ra ulban ba kat daukaia, baku kaikaia ya kiamka nani ba pauta bri bal kaia mani bani Gâd tempelka ra, Dawan wan Gâdka altarka ra angkaia.

Lawana Nani 81:3

Kati raya yua balbia ba ra, trumpit kangbi bas; bara kati tilwan yua ra sin, baha sika yawan lilia tara daukaia yua;

Impakan Sturka 23:15

Brit îs âpu dauki yua ba, lilia dauki kaia sma, dîa daukaia yang mai wîri ba kat, baha yua nani ba wik kum ba brit îs âpu pi kaia sma. Baha yua tara ba sika Abib katka ba, baha katka ra sika man nani Idsip tasbaya wina takram ba, bara upla kumi sin ai mihta bîla baman yang ra bal ai kaikaia apia sa, sut diara kum bri balaia sa.

Impakan Sturka 29:18

Bara daiwan aiska ba altar ra suni angkbia, baha kîa yamni ba Dawan ra yamni kulki prisantka yabia.

Isikiel 16:19

Man ra brit maikri ba plawar kau pain ba ai daukan britka ba, bara batana laya nasma sin yang mai dakakri, bara baha nani ba man bui witin nani ra kîa pain prisantka dauki yaram. Yang, Dawan, kasak aisisna.

Isikiel 20:41

Nanara man nani mai yakaban kuntri wala nani ra nisan nani tilara sma ba, baha wina asla mai daukamna ba ra, upla nani sut mawanra holiki lâka man nani tilamra brisna ba marikamna ba ra, baha lika yang bui man nani wina kîa yamni nani angki aikaia prisantka nani ba brimna.

Isikiel 45:17

bara witin wîna aiska angkaia sakripaiska daiwra ba yabia, plun sâtka nani, bara wain kati raya taki ba ra, ris yua nani ra baha prisantka nani ba yabaia, Israel lilia dauki yua nani ba. Baha yua nani sin saurka swi tikaia sakripaiska nani daukaia mâ sâtka prisantka bri balaia, daiwan aiska angkaia sakripaiska bara kli wal uplika takaia sakripaiska sin, Israel luhpia nani pâtka ban swi tikaia dukiara daukaia.

Libait Lâka 1:13

Baha ningkara ai sakripaiska dauki waitnika ba, kli baha wîna nani ba, kuhma nani, biara nani ba sut sikbia, bara prîs bui baha nani ba brih altar purara angki, kîa pain dauki Dawan pain kiawali ba, prisantka dauki yabia.

Libait Lâka 1:17

Baha ningkara daiwra wîna ba, pîs wâl ra daukbia, tnawa kum ba wâl ra klahbia, sakuna tnawa wala ba lika kalkras kabia, bara baha ningkara wîna ba aiska altar purara angkbia, Dawan ra prisantka kum, kîa witin pain kiawali kaiki ba kat dauki yabia.

Libait Lâka 1:9

Witin wîna ba kau angkras ba ra, tâura biara bara kuhma nani ba sut sikbaia sa. Baha ningkara lika prîs ba baha brih, altar ba purara suni angki, kîa pain dauki, Dawan pain kiawali ba dauki yabia.

Libait Lâka 21:6

sakuna sunu pali Gâd lâka aiska ra sunu takaia sa, ai nina ba saura kulkaia apia, witin nani sika prisant nani ba, sakripais nani ba angki brit ba sin Gâd ra yabisa, bahamna witin nani sunu kaia sa.

Libait Lâka 21:8

Prîs ba bahmuna saura ba wina tnaya ra kabia, witin nani sika Gâd kaiki ba mawanra bal brit prisantka ba yabisa. Bamna sunu kaia sa, Gâd ba sunu sa bamna. Kan yang, Dawankam sunu sna, bara sunu mai daukisna.

Libait Lâka 3:11

Baha ningkara prîs ba bal wîna nani ba sut altar purara angki, plun prisantka kum dauki, Dawan ra pain kulki ba yabia.

Malaquía 1:12

Sakuna man nani lika kupi baikisma, lukisma altarki, yang tibilki ba bahki kulkaia sip sa, plun nani baha purara kahban ba sin bahki kulki kaia.

Malaquía 1:7

Angki aikaia pata nani saura kulkan ba, man nani ban altarki ra bri sal aikisma, bara kau maikabi walisma: ‘¿Yang nani dîa daukri kupiam sauhkaia?’ Man nani bahki ai kulkisma, kan lukisma diara apia sa altarki ba bahki kulkaia;

Kulki Kaikanka 15:24

“Bara saura daukan ba, ban kra witin ai kupia lâka apia kan, upla nani sin kupia lâka apia kan kaka, baku kaka upla nani sut wina bîp wainhka aiska angki kîa pain dauki aikbia, plun nani prisantka, wain sin, Gâd mita lâ mangkan ba kat. Baha purkara, guts lupia kum sin aiska angki aikbia, saurka daukan ba dukiara.

Kulki Kaikanka 15:3

bahara man nani bîp wainhka kum, sîp kum aikma, baha ba angki mayunra dauki aikaia dukiara, aiska angki kîa yamni aikbia. Bahara yang wal aisi lâ daukaia, baha sin kupiam aiska ni baku daukma, man nani yua tara lilia dauki aikisma ba piua ra.

Kulki Kaikanka 15:7

Kau baha purara wain sin batil kum bri balbia, baha ba kîa yamni angki yang ra aiki kabia.

Kulki Kaikanka 28:1

Dawan ba Moses ra aisi, naku win:

Kulki Kaikanka 29:39

“Daiwan aiska angki Dawan ra yabaia ba, baha purkara kupia aiska diara yaia lâ daukan, baha daiwan aiska angki kaia ba, barli mâ nani bara wain sin; apia kaka wal kli uplika taki lâka nani daukaia, naha lâka nani sika Dawan daukan ba, upla nani ba baku daukbia.”

Kulki Kaikanka 9:13

Ban sakuna, ani uplika tâski takras ba, laihura sin impakras kan ba, bara Insal luan Yua Liliaka tara ba kulkaia balras kabia kaka, baha uplika ba upla nani tila wina dakbi sakan kabia, Dawan ra prisant yaia yua ra ai prisantka yaras ba tâwan, baha uplika ai saurka ba ai purara kulkan kabia.

Kulki Kaikanka 9:7

bara witin nani bui Moses ra win: —Yang nani upla pruan kum ra alkri, baha mita yang nani tâski sna. ¿Bara baha wisi, yang nani na ai takaskaia ki, Israel uplika wala nani ai prisantka Dawan ra yabaia piua pat mangkan ba tilara, yang nani sin prisant yabaia sna ba wina?

2 Korint 2:15

Kan yawan na lika Kraist mita, Gâd ra kîa damni yamni painkira angki yabi ba baku sa, bara baha dus nani mâka kiawalisa, swaki saki uplika nani bara tanis tiwi uplika nani sin.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.