Kulki Kaikanka 28:1 - DAWAN BÎLA AISKA

¹ Dawan ba Moses ra aisi, naku win:

Kulki Kaikanka 28:1 ပူးပေါင်းရင်းမြစ်များ

1 Kronikas 23:31

daiwan aiska angki Dawan ra yabi ba ra, kati raya yua liliaka daukaia yua ra, yua tara nani liliaka dauki ba ra bara ris yua nani ra. Baha piua bani Libait nani ba wina kulki saki bliki kan, witin nani sika piu bani Dawan warkka ba dauki kan.

2 Kronikas 2:4

Man kaiks, yang Dawan Gâdki tempelka mâkaisna, bahara witin ra mayunra yabaia, kîa yamni nani angki brit nani painka ra tibil ra kahbaia bara ai piua kat Dawan ra tingki wiaia, titan ra bara tutni ra, daiwanka aiska angkaia ris yua nani ra, kati raya bara yua wala nani ra sin wan Dawan ra mayuni kulkaia, Israel luhpia nani tilara dauki ba baku.

2 Kronikas 23:18

Baha ningkara Joiadá bui Dawan tempelka ra main kakaira nani mangkan, bara prîs nani bara Libait nani adarka munhtara mangkan, baha nani ra Debit bui Moses lâka ra ulban ba baku mangkan ba Dawan warkka daukaia dukiara, baku ba ra piua nani sin kulki saki yan, Dawan ra sakripaiska nani dauki yabaia, witin nani sin lilia aiwani kaia, dîa Debit win ba kat.

2 Kronikas 31:3

Baha purkara king ba, witin dîa bri ba wina yan, titan bara tutni ra sakripais angkaia, ris yua ra, kati raya mayunra wala yua nani ra, sakripais angki daukaia, dîa Dawan lâka ra ulban ba kat.

2 Kronikas 8:13

Diara nani sut ai piua kat daukaia dukiara, Moses lâ mangki yan ba baku, ris yua nani ra, kati raya yua nani ra, yua tara mani bani aima yumhpa dauki kan ba, baha sika, brit îs âpu daukaia yua, Utla Papakni nani yua sin daukaia.

Esdras 6:9

Yu bani prîs nani ai warkka Jerusalem ra daukaia dukiara, dîa dîa want ba yabi bas, witin nani dîa makabi ba dukia nani, bîp wainhka bara sîp wainhka nani baha ba aiska angki Dawan ra yabaia dukiara sa, baku sin plawar, sâl, wain, oliv batana sin yabi bas,

Nihimaya 10:33

Tempel ra brit kahbi swin kaia dukiara, plun prisantka yu bani brih balaia dukiara, yu bani daiwan aiska angki kaia, ris yua nani sakripaiska nani, kati raya yua liliaka sin dauki kaia, yu wala nani ra Dawan liliaka daukaia yua nani, bara prisantka wala nani sin dauki kaia, Israel saura dauki saurka ba pâtka ban swih tikaia sakripaiska nani daukaia, pura sunra nani sin, bara wan Gâdka tempelka ra dauki kaia lâka nani.

Aiseya 1:13

Sakripais bahki nani kau yang ra bri balpara; kiasmika ba kau brin ai daukras. Kati raya yua, bara ris yua liliaka daukaia dukiara, man nani upla paiwisma ba, sakuna, yang sip kau ban kupi alki takaskras sna, baha uplika nani ai saurka dauki ba.

Isikiel 44:24

Aiklabanka tilara, witin nani wihta baku kaia sa, bara lâ daukbia yang lâika ba kat. Lâika nani ba kat daukbia bara smalkbia lilia daukaia yua nani ra, bara kulkan kaia yua nani holikira baku riski yua nani ba.

Isikiel 45:17

bara witin wîna aiska angkaia sakripaiska daiwra ba yabia, plun sâtka nani, bara wain kati raya taki ba ra, ris yua nani ra baha prisantka nani ba yabaia, Israel lilia dauki yua nani ba. Baha yua nani sin saurka swi tikaia sakripaiska nani daukaia mâ sâtka prisantka bri balaia, daiwan aiska angkaia sakripaiska bara kli wal uplika takaia sakripaiska sin, Israel luhpia nani pâtka ban swi tikaia dukiara daukaia.

Isikiel 46:11

Lilia sât sât daukaia yua nani ra plun mâ batil yawanaiska kum yabaia ba bîp wainhka lupia kumi bani prisantka, bara kli sîp lupia kumi bani yabaia plun mâ prisantka nani brih balaia ba witin sip ba baku; prisantka kumi bani ba daukaia plun mâ batil yawanaiska kum, bara batana laya sin batil yumhpa pura bakriki brih balbia.

Libait Lâka 9:15

Israel luhpia nani ai prisantka bri balan ba sin, Eran brin. Guts luhpia ba brin, upla saura daukan ba mana sakripais dauki yaia. Baha ikan prisant baku dauki yaia, sakripais tâura pat daukata ba baku daukan.

Kulki Kaikanka 27:23

Witin Jasua lal ra ai mihta nani kahban, witin dîa pali daukaia kan ba sin win, Dawan mita bâk dîa lâ win ba lâka kat.

Kulki Kaikanka 28:2

“Israel luhpia nani ra wis, ai âuya tikbiara witin nani yu bani naku dauki kaia lilia daukaia piua ra, diara aikaia ba piua kat aiki kabia, brit aikaia ba ai kupia aiska wina aikbia, kîa pain, yang aitani kulkisna ba kat angki aikbia.

Kulki Kaikanka 7:15

bîp wainhka luhpia kum, sîp kum, sîp wala kum mani kum bri ba, baha nani angki sakripais daukaia,

Galesha 4:10

Man nani lika kau naiwa kat tila yua nani, kati nani, piua nani bara mani nani sin kulkisma.

Kolosi 2:16

Bamna, upla kumi mita sin yarka lâmka aisi daukbiara, plun pisma, apia kaka diara disma ba dukiara, lilia yua nani kulkaia dukiara kra, kati raya, apia kaka ris yua nani sin dukiara.