Kulki Kaikanka 27:3 - DAWAN BÎLA AISKA

³ “Yang nani papiki ba upla iwras tasbaya ra pruan, sakuna witin ba Coré daknika Dawan mapara buata ba tilara lika apia kan. Witin luhpa waitna sakras kan, witin sin ai saurka dauki pruan.

Kulki Kaikanka 27:3 ပူးပေါင်းရင်းမြစ်များ

Isikiel 18:4

Upla nani sut ba yang duki sa, aisika bara luhpia baku, ya saurka daukbia ba prubia.

Kulki Kaikanka 14:35

Yang, Dawan, kasak aisisna: Yang naku daukamna naha uplika nani asla taki maipara bûi banhwi ba mapara. Naha upla iwras tasbaya ra ai rayaka ba tiwbia; nahara prui banhbia.

Kulki Kaikanka 16:19

Bara Coré mita Moses bara Eran wal mapara buaia wisi, pat upla nani ba paiwi, Dawan wal aisaia tintka watla latka ra wih banhwan bûi banhwi kan. Bamna Dawan prana ba latan takan upla nani sut kaiki kan,

Kulki Kaikanka 16:49

Baha kat pruan upla nani ba 14,700 kan, bara Coré Dawan mapara buan piua ra prui tiwan nani ba lika baha tilara kulkras kata.

Kulki Kaikanka 26:33

Selofhad, baha lika Héfer luhpia waitna ba, witin lika luhpa waitna âpu kata, luhpa mairin nani baman bri kan. Bara baha mairka nani nina ba lika Mahlá, Noa, Hoglá, Milcá bara Tirsá.

Kulki Kaikanka 27:2

Mairka nani ba ai muihni matsip ba aikuki, Dawan wal aisaia tintka watla ra dimi wan, Moses ra bara prîs Eleazar ra aisin bara tawan wihtka nani ra sin, bara witin nani ra win:

Kulki Kaikanka 27:4

Ban sakuna, yamni apia sa yang nani papiki nina ba ai masraka nani tila ba wina tiwaia, witin luhpa waitna sakras kan tâwan baman. Yang nani ra sin tasba pîs aikaia sma papiki muihnika nani tilara.”

Jan 8:21

Bamna Jisas kli baha nani ra win: —Yang mahka auna, bara man nani ai plikma, sakuna saurkam nani tilara pruma; kan yang auna ba ra man nani sip wama apia.

Jan 8:24

Baha mita sika mai wîri man nani saurkam nani wal ban pruma; man nani kasak luki banhras sma “Yang sika Yang sna” ba, bamna saurkam wal ban pruma.

Roman 5:12

Baku bamna, saurka ba upla kumi tâka ba mita upla sut ra luan, bamna saurka ba mita prura balan, bara prura ba upla sut ra alkan sa, kan upla sut saura daukan bamna.

Roman 5:21

Naha na baku takan, saurka ba prura bri balaia karnika bri kan ba baku, Gâd kupia yamnika ba mita yawan na Gâd mawanra kasakkira wan kulkaia karnika bri kaia bara raya ban kaia lâka ba wankaia, wan Dawan Jisas Kraist bâk.

Roman 6:23

Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.