Kulki Kaikanka 27:21 - DAWAN BÎLA AISKA

²¹ Sakuna Jasua ba prîs Eleazar mawanra buaia sa, bara prîs Eleazar ai nina ra luki Urim bâk yang ra ai aisabia. Jasua mita Israel luhpia nani ra lâ nani mangki yabi kabia, dîa dîa sut daukaia ba.

Kulki Kaikanka 27:21 ပူးပေါင်းရင်းမြစ်များ

2 Samuil 21:1

Debit king aimaki kan ba piua ra, mani yumhpa plun âpu kan, mani bani plun tiwi kan. Bara Debit baha dukiara Dawan wal aisin, bara Dawan pana witin ra win: “Plun wahwan ba lika Saúl bara ai taya nani tâka mita balan, witin nani bui Gabaón uplika nani ra ikan ba mita.”

Esdras 2:63

Baha purkara, wihta tara ba bui adar lakan plun nani pat sunu daukan ba pibia apia, ani yua prîs kum mita witin nani ba tânka pliki kaikbia ba kat, Urim bara Tumim ba bâk.

Nihimaya 7:65

Baha purkara, Ju wihta tara ba witin nani ra win plun nani pat tâski daukan ba wina pibia apia, ani yua prîs ba bal Urim bara Tumim wal luki kaikbia ba kat.

Impakan Sturka 28:30

Bara ai lama purara, lâ dauki dukia Urim bara Tumim wi ba, baha sin bri kabia; baha nani ba Eran ai kupia purara bri kabia, witin Dawan mawanra wih bubia ba ra. Bara sin Eran piua bani ra ai kupia purara, baha Dawan lâ daukaika dukia nani ba ban bri kabia.

Libait Lâka 8:8

Bara baha purara gul ni lama prakaika daukan ba sin, lama prakan, bara lama prakaika ba purara Urim bara Tumim ba sin mangkan.

Malaquía 2:7

Baha sika prîs nani warkka, upla nani ra smalkaia yang wal kakaira takaia, upla sut witin nani ra wih smalkanka ba briaia, kan witin nani sika Dawan karnika sut bri ba bîla smasmalkra nani sa.

Kulki Kaikanka 27:17

bara tâ brih wabia ani ani sut ra, baku mika sîp sepadkas baku kabia apia.

Kulki Kaikanka 27:2

Mairka nani ba ai muihni matsip ba aikuki, Dawan wal aisaia tintka watla ra dimi wan, Moses ra bara prîs Eleazar ra aisin bara tawan wihtka nani ra sin, bara witin nani ra win:

Kulki Kaikanka 27:20

man lâ karnika alkisma lâka ba witin ra yas, baku mika Israel luhpia nani sut mita ai bîla walbia.

Kulki Kaikanka 27:22

Moses daukan dîa daukaia Dawan mita win ba kat. Witin Jasua ra wan, bara prîs Eleazar lamara upla nani sut kaiki ba ra sin yan buan.

Kulki Kaikanka 27:5

Moses bui baha mairka nani makaban ba Dawan mawanra kahban,

Kli Smalkanka 31:3

Sakuna Dawan Gâdkam man nani kainamra wapbia, minam taibanka ra naha nisanka nani ra sauhki âpu daukma, ai tasbaika nani briaia dukiara. Jasua man nani tâm bri baku kainamra wabia, Dawan win ba baku.

Kli Smalkanka 33:8

Libai dukiara aisin: “Tumim bara Urim ba, Dawan, man dukiam sa; upla kasakkira nani ba man dukiam sa. Masá ra man tânkam marikatma ba, Meribá laya ra aikuki blahwi yabatma ba,

Jasua 9:14

Israel luhpia nani bui Gabaón uplika nani pata ba wiria brih pih kaikan, sakuna witin nani Dawan ra ai pura suni baha tânka dukiara lika makabi walras kan.

Wihta Nani 1:1

Jasua pruan ba ningkara, Israel luhpia nani bui Dawan ra makabi walan, witin nani walaia brin dauki kan, ai kiamka nani ba tila wina ya kiamka ba pas Kenan uplika nani ba mapara war aiklabaia waia ba.

Wihta Nani 20:18

Israel luhpia nani ba Betel ra wan, bahara witin nani Gâd ra ai pura suni makabi walaia, ai tila ba wina ya kiamka ba wina war tâura aimaki, Benjamín nani mapara aiklabaia waia ba. Dawan bui witin nani ra win, Juda kiamka ba wina tâura aimaki aiklabaia wabia.

1 Samuil 14:19

Sakuna Saúl kau prîs wal aisi kan ba ra, filisteo nani takaski kan ba ra lika sibrin lâka ba kau tara taki kan. Bamna Saúl bila prîs ra win: —Bri balpara.

1 Samuil 23:9

Sakuna Debit pat ai tânka brin, Saúl witin ai mapara bal aiklabaia lukanka bri ba, prîs Abiatar ra win prîs prâka pîs ba witin ra bri balbia, witin Dawan wal aisi tânka plikaia dukiara.

1 Samuil 28:6

Bara witin Dawan wal aisaia plikan, sakuna Dawan pana witin ra aisaras kan yaprisauhkan ra, Urim bâk, prapit nani wal sin apia.

1 Samuil 30:7

bara prîs Abiatar ra win, witinka Ahimélec luhpia ba: —Pliskam pali, prîs prâka pîs ba sal aik. Abiatar prîs prâka pîs ba bri si Debit ra yan,