Kulki Kaikanka 27:17 - DAWAN BÎLA AISKA

¹⁷ bara tâ brih wabia ani ani sut ra, baku mika sîp sepadkas baku kabia apia.

Kulki Kaikanka 27:17 ပူးပေါင်းရင်းမြစ်များ

2 Samuil 5:2

tânka pali ba kat lika, Saúl ba wan kingka, sakuna kasakka tânka ba kat man sika Israel luhpia nani tâ bri kapram war ra. Ba purkara, Dawan sin man ra pramis maikan, man sika Israel tâ bri pura wihtka aimakaia.”

1 King Nani 22:17

Bara Micaías bila: “Yang bui Israel luhpia nani sut ra kaikri, yakaban kan il nani ra; sîp nani ai sîpkas baku. Bara Dawan bila: ‘Naha nani ai dawanka âpu; kumi bani kli wamtla nani ra was, kupiam kumi.’ ”

1 King Nani 3:7

Bara nanara, Dawan Gâdki, man mita papiki Debit watlika ra king kamna wisi ai mangkram. Bara yang na kau wahma sna, bamna yang tâinka pain briras nahki taki waia bara kli bal dimaia sna ba.

2 King Nani 11:8

Man nani king lama ba kir main kaiki kutbi kama, sordkam nani mihtam ra bri kama, bara ya ya baha man nani bâra sma ba ra dimi balbia kaka, pruaia sa. Ba purkara sin, king lamara kaia sma anira king ba taki auya bara kli tawi aula piua ra, man nani lika witin yula kahbi kaisma.”

2 Kronikas 1:10

Baku bamna, nanara sins lâka aik bara diara tânka briaia ba sin, bara baku yang sip kamna naha uplika nani tâ briaia, ¿kan man uplikam ailal pali na ya mita wihtka aimaki kabia?”

2 Kronikas 18:16

Bara Micaías bila: “Yang bui Israel luhpia nani sut ra kaikri, yakaban kan il nani ra, sim sîp nani ai sepadka âpu baku. Bara Dawan bila: ‘Naha nani ai dawanka âpu; kumi bani kli wamtla nani ra was kupiam kumi.’ ”

Isikiel 34:5

Sîpki nani ba sepadkas takaskan bara yakabrira takan, bara daiwan wail nani bal pin.

Sakaraya 10:2

Upla ai mihta ni paskan gâdka nani aisi ba kunin sa, smaya kakaira nani kaiki ba sin kunin. Diara takbia wisi aisi yaprisauhkan ba, dukia takras baman sa, maisam nihkaia bîla nani aisi ba, maisa nihkanka âpu sa. Baha mita tawan ba sîp baku wataukisa, bara pât wahwisa, sepad kum âpu ba tâka mita.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Matiu 10:6

sakuna Israel nisanka sîpka tiwan nani ba ra was.

Matiu 15:24

Jisas bila: —Gâd ai blikan sa Israel ra, sîp aimawahkan nani ra baman.

Matiu 9:36

Upla nani ra kaiki, umpira pali kaikan, kan witin nani sarikira bara hilpkas banhwi kan, sîp nani sepadkas baku.

Mark 6:34

Jisas duri tara wina takan piua ra, upla kwâra tara kaikan, bara sari pali lukan witin nani sîp ai sepad âpu baku kan bamna; bara mahka diara ailal smalkan.

Jan 10:9

Yang sika dur ba: bamna ani uplika yangku dimbia ba, swaki sakan kabia. Bara witinka ba lika sîp kumi klarka ra dimi si, ai pata pliki taki auya baku kabia.

Kli Smalkanka 31:2

“Yang 120 mani brisna, bara yang karnika âpu sna kau namhpa namhpa taukaia. Ba purkara Dawan mita ai win, yang Jordan awalka ba luamna apia.

1 Pita 2:25

Kan man nani pas piua sîp aimawahkan nani baku tauki kapram, sakuna nanara kli Kraist ra tawi balram, bara witinka sika sepad baku tâm brisa bara sulkam nani sin main kaikisa.

1 Samuil 18:13

Baha mita, Debit ba ai lama wina saki bara suldiar daknika tara kamandantika mangkan, bara witin suldiar daknika tâ brih taki wih, kli bal dimi kan.

1 Samuil 8:20

nisan wala nani baku kaia, witin bui yang nani purira karnika alki bribia, bara wan tâ brih wabia war aiklabaia.