Kulki Kaikanka 26:10 - DAWAN BÎLA AISKA

¹⁰ sakuna tasba ai bîla kwâkan ba ra, baha nani wâl bara Coré sin langkan. Baha daknika aiska ba sin pruan, kan upla 250 pauta klauhan ba mita ikan. Naha na lika upla raya nani ba mapara kupia kraukanka kum kata.

Kulki Kaikanka 26:10 ပူးပေါင်းရင်းမြစ်များ

Impakan Sturka 16:35

Israel luhpia nani ba upla iwras ba tasbaya ra 40 mani manâ baman pi kan, Kenan tasbaya piarkika upla iwi kan ba tasbaya lamara balan ba kat.

Jirimaya 29:22

Juda uplika nani Babilon ra brih wan nani ba upla kum ra lahtubaia lukbia ba ra, naku wibia: Dawan bui man wal daukbia Sedequías Ahab ra daukan ba baku, baha nani sika Babilon kingka mita pauta ra angkan.

Isikiel 14:8

Yang maiwan baha uplika wal prawamna, bara klala kum yabamni upla sut kaikaia, diara kum upla sut aisabia, uplika ba sin upliki nani tila wina sakamna. Bara man nani damra walma yang sika Dawan sna ba.

Kulki Kaikanka 16:2

witin nani bui Moses ra saura aisin. Bara baha nani tilara 250 Israel luhpia nani asla takan, baha nani sut ba upla nani tâ wihta aimaki kan. Witin nani ba wala nani ra lâ smalki daknika tilara kan, ai dahra upla sut yamni aisi kan.

Kulki Kaikanka 16:38

Baha waitnika nani, kîa pain angkaia watlika nani bri kan ba, witin nani pruan saura daukan ba tâwan. Baha watlika nani ba sunu kulkan sa, kan witin nani lika yang kainira kîa pain daukaia warkka daukan; baha pânka nani ba pruki plit nani dauks altar pura prakaika, bara baha Israel luhpia nani mapa ra smalkanka tara kabia.”

Kulki Kaikanka 17:3

bara Libai kiamka nani kînka ra, Eran nina ba ulbi yama, kan kiamka bani wihtka dukiara kîn kum bâra kaia sa.

Kulki Kaikanka 27:3

“Yang nani papiki ba upla iwras tasbaya ra pruan, sakuna witin ba Coré daknika Dawan mapara buata ba tilara lika apia kan. Witin luhpa waitna sakras kan, witin sin ai saurka dauki pruan.

Kli Smalkanka 11:6

bamna Datán bara Abiram, Eliab luhpia nani Ruben kiamka nani, ai taya nani bara kiampka ra diara sut bri kan ba, tasba kwâki langkan, bara Israel luhpia nani sut kaikan.

Kli Smalkanka 28:46

Naha tânka nani na sain aihkakira baku kabia man puramra, bara kiamkam nani ra sin ban kabia,

2 Pita 2:6

Sodoma bara Gomora tawanka wal ba, Gâd mita ban swi âpu daukan, bara pauta mita angki yamhpus baman daukan, baha lika naika piua ra upla nani saura lâka ra iwbia nani sut ra latan sampla kum kabia wisi.

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.

1 Samuil 2:34

Luhpiam nani Hofní bara Finees wal ba yu kumi ra wâlsut prubia, baha ba kiamkam nani sut baku ikan kabia tukinka man ra.