Kulki Kaikanka 24:7 - DAWAN BÎLA AISKA

⁷ Israel luhpia nani lî manis diaia bribia, bara diara mangkan nani ba ra laikaia sin. Witin nani kingka ba mita Agag pura lubia; kingka karnika ba tara pali kabia.

Kulki Kaikanka 24:7 ပူးပေါင်းရင်းမြစ်များ

2 Samuil 5:12

Bara Debit ai dara walan Dawan bui witin ra Israel kingka mangkan ba, bara ai kingka lâka ba sin karna daukisa bara yan pâwisa ai uplika Israel luhpia nani dukiara.

1 King Nani 4:21

Bara Salaman lika baha king tasbaya aiska kingka aimaki kata, Éufrates awala ba wina filisteo tasbaya kat bara ban Idsip tasbaya lainka kat. Ai lal mana sin aibapi kata, dukia sin dauki kan Salaman raya kan yua nani sut ra.

1 King Nani 5:1

Tiro kingka Hiram bui sin ai albika nani Salaman ra blikan. Witin walan Salaman ba Dawan lâka ra yamni munan bara ai papika Debit watlika ra king aimakata, kan Hiram bui piua bani Debit ra latwan kaiki kan.

1 Kronikas 14:2

Bara baku Debit baha tânka brin, nahki witin ba Israel kingka kaia sakan ba, kan ai kingka lâka ba uya pali pâwan kan, ai uplika nani sin.

Esdras 4:20

Baku sin wisa, Jerusalem ra king karnakira nani bâra kan, bara Éufrates awala muna tani tasbaya nani ba ra sin baha nani ra taibi bri kan, bara witin nani ra diara nani sut ba lal mana kulkan aibapi kan.

Ester 3:1

Naha diara nani ningkara, king Asuero mita Amán, Hamedata luhpia, Agag kiamka ba, tawan lalka tara mangkan, baku sin wihta wala nani bâra kan ba sut purkara ai iwaika ba yan.

Lawana Nani 18:43

Upla nani mapara bûi, unsabaia lihki nani ba wina dakbi ai sakram, nisan nani wihtka ai mangkram, upla nani yang kakaira apia kapri ba witin nani ba yang warkki daukisa.

Lawana Nani 68:26

Man nani sut, Dawan Gâd ra yamni wis; ¡yamni wis Israel aiska asla takankam ra!

Lawana Nani 72:11

¡King nani sut ba bal witin ai mawanra ai lula krikbia! ¡Nisan nani sut ba, witin warkka daukbia!

Lawana Nani 89:27

Bara yang luhpi almuk raitka ba maikamni, tasba kingka nani sut purara.

Aiseya 2:2

Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Aiseya 30:25

Baha yua balbia bara upla ailal ikan kabia bara kan kahbaika pliska nani ba kauhbia, lî kârma nani sin bâra kabia il pura nani ra, kiuhsi nani sut purara sin.

Aiseya 48:1

“Jekob watla uplika, man nani naha na wals, Israel nina ni mâki ninam mâkan ba, bara man nani ba Juda kiamka, Dawan nina ra swer taki nani sma ba; bara puram suni daukisma ba, Israel Gâdka dukiara, sakuna wapni lâka ra apia, kasakka lâka ra sin apia;

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 51:13

Babilon, man, awala tara nani ailal lamara iwisma, diara ailal kuki brisma, ¡man kau raya kaia piuam ba danh takan!

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Kulki Kaikanka 24:20

Bara Balaam bui Amalec lilka kaiki, naha dahra na aisin: “Amalec ba nisan kum yamni kulkan sa, ban sakuna sauhki âpu pali tikan kabia.”

Jan 1:49

Bamna Natanael bila: —Smasmalkra, man ba Gâd Luhpia bara Israel Kingka sma.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 17:1

Bara insal 7 kâp 7 bri kan ba wina kumi ba bal, yang ra naku ai win: “Bal, bara yang mairin rugkira tara klala briaia ba mamrikamna, witin lî nani purara iwi ba.

Param Marikanka 17:15

Insal ba sin ai wisata: “Lî nani kaikram ba, baha nani purara mairin rugkira iwi ba lika upla nani atia, kwâra nani, bîla sât sât aisi nani, bara nisan sâtka nani sin.

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”