Kulki Kaikanka 24:6 - DAWAN BÎLA AISKA

⁶ Sila dusa nani ai lainka ra pâwi baku, awala lamara tangni giadinka ba baku, alus dusa nani Dawan mita mangkan pâwisa, yalam dusa nani lî lamara.

Kulki Kaikanka 24:6 ပူးပေါင်းရင်းမြစ်များ

Blasi Sturka 13:10

Bara Lot Jordan twiya aiska ba tawi kaikan, ban Sóar tawanka sirpi ba kat. Awalka un ba lî ailal bâra sa, giadin tara kum baku. Idsip tasbaya talia kan. (Sodoma Gomora wal Dawan mita kau sauhkras kan ba piua ra kan baku kan.)

Lawana Nani 1:3

Bara baha uplika ba dus kum baku sa, awala lamara mangkan ba, ai piua kat ai mâ saki ba, ai wahia nani ba sin srawras sa. ¡Bara diara sut witin dauki ba, yamni baman takisa!

Lawana Nani 104:16

Dus nani ra lî dakaki âuyapah daukisa, Líbano yalamka nani ba, Dawan mita mangkan.

Lawana Nani 45:8

Man prâmka ba sîka mâka kîa painkira, alus, sinimint kîa baman sa; arp binka, lilia dauki, kupiam lilia daukisa, king man wamtla pranakira mâkan ba bilara.

Yamni Kulki Lawana 6:11

Amans dusa nani tilara dimi wari, il bîla nani ra, lî aubra nani ba nahki pain ba kaikaia, wain nasla ba urhwi sapa kaikaia, ban dus mâ tangnika baiwi ba sin kaikaia.

Aiseya 41:19

Upla iwras tasbaya ra yalam nani mangkamna, tangni dusa nani bara oliv nani sin pâwbia; tasba lâwan ra yabrika awas sâtka dusa nani mangkamni, dus nani bara awas nani sin aikuki asla pâwbia,

Aiseya 58:11

Yang mita piua bani ra tâm bri kamna, bara upla iwras tasbaya ra plun ailal maikamna, wînam aiska ra karnika maikamni bara sin tangni nani ailal pâwi pliska giadin baku, pain lî ni buskan kabia, lî nani kârma kum baku, baha laya nani ba sip lâwras ba baku.

Jirimaya 17:18

Nini bliki nani ba lawaska kikaia dauks, yang lika apia; witin nani sirang tara iwbia ba ra, yang lika apia. Witin nani purara sari balaia dauks, kriki, kli kriki âpu pali dauks.

Jirimaya 31:12

“Witin nani balbia bara lilia mita aiwani kabia Saion ilka ra, ai lilia pulan kabia Gâd yamnika ba wal: bara plawar, wain bara batana laya, bîp nani bara sîp nani sut. Kaupin pain paskan ra baku kabia bara kli ai karnika tiwbia apia pali.

Isikiel 47:12

Awalka bailka wâl un ra dus nani sât sât pâwbia mâ bri kabia. Wahia nani ba kauhbia apia ban kaia ra, mâ nani ba sin iwi ban kabia. Kati bani mâ alki kabia, kan tempel wina taki laya wal buski kabia bamna. Mâ nani ba plun bara wahia nani ba sîka kabia.

Joel 3:18

Baha yua ra wain, bîp tialka laya ba sin il nani, kiuhsi nani wina lî laiwi baku laiwi kabia, Juda tingnika nani ba, lî banhki pura laiwi kabia. Bara tempelka wina lî kârma kum taki Sitim ilka bîla kat laiwi kabia.

Kulki Kaikanka 24:5

¡Jekob, tintkam watla nani ba yamni pali sa! ¡Israel, man nani takaskisma watla ba pranakira sa!