Kulki Kaikanka 24:20 - DAWAN BÎLA AISKA

²⁰ Bara Balaam bui Amalec lilka kaiki, naha dahra na aisin: “Amalec ba nisan kum yamni kulkan sa, ban sakuna sauhki âpu pali tikan kabia.”

Kulki Kaikanka 24:20 ပူးပေါင်းရင်းမြစ်များ

Blasi Sturka 36:12

Elifaz ai lila mairin kumi bri kan nina Timná; bara witin sin Elifaz luhpia kum baikan bara nina ba Amalec mâkan, naha nani na, Adá Isau maya kumika ba kiamka nani ba.

1 Kronikas 4:43

bara Amalec uplika nani kau bâra iwi kan nani ba sut sauhki tikan. Baha yua ba wina bahara iwan naiwa ba kat.

Ester 3:1

Naha diara nani ningkara, king Asuero mita Amán, Hamedata luhpia, Agag kiamka ba, tawan lalka tara mangkan, baku sin wihta wala nani bâra kan ba sut purkara ai iwaika ba yan.

Ester 9:14

Bara king adar yaban baku daukaia; naha adarka ba Susa ra yaban bara Amán luhpia nani matawalsip ikan nani ba sut dus ra pami swin.

Impakan Sturka 17:14

Bara Dawan bila Moses ra win: —Naha mai wisna na wauhkamtaya ra ulbi bris, kli kupia kraukaia ba dukiara; bara Jasua ra wis yang bui Amalec uplika nani ba sut pali tasba wina diki sakaisna.

Impakan Sturka 17:16

bara win: “¡Dawan plakinka ba ai mihta ra alki purara buki bri ba ra! ¡Dawan ba Amalec uplika nani wal war aiklabi ban kabia kiamka kum wina ban kiamka wala nani ra sut!”

Impakan Sturka 17:8

Ningkara Amalec uplika nani balan Refidim kat Israel luhpia nani wal war aiklabaia.

Kulki Kaikanka 24:19

Pura lalura kum Jekob wina bal takbia, bara tawan ra kau takaskan nani ba sut âpu daukbia.”

Kulki Kaikanka 24:24

Chipre wina, kabu tani wina sin duri tara nani aula, Asiria Éber wal ba sauhki swibia, Éber ba sin sauhki tikan kabia.”

Kulki Kaikanka 24:7

Israel luhpia nani lî manis diaia bribia, bara diara mangkan nani ba ra laikaia sin. Witin nani kingka ba mita Agag pura lubia; kingka karnika ba tara pali kabia.

Wihta Nani 6:3

Piua bani Israel luhpia nani ai nasla dauki mangki bri kan ba, mâ nani ba Madián uplika nani bara Amalec uplika nani lalma tani ra iwi kan ba bal, pura lui bri kan.

1 Samuil 14:48

Aiklaklabra daknika kum ridi daukan bara aiklabi Amalec uplika nani ra pura luan, bamna baku âimplikra nani mihta wina pri sakan.

1 Samuil 15:2

Dawan karnika sut pali bri ba, naku wisa: ‘Amalec uplika nani ra klala yabaisna, Israel luhpia nani Idsip wina aula kan mapara buan ba tâwan.

1 Samuil 30:1

Yu yumhpa luan ra, Debit ai uplika nani aikuki Siclag ra wan bara kaikan Amalec uplika nani bal Négueb dara walras pura luan, Siclag wal aiklabi angki tikan.

1 Samuil 30:17

Bara Debit titan wina tutni kat witin nani wal aiklabi kan, bara sut sauhki tikan, wahma nani 400 baman kiamil ra uli plapi swak takan.