Kulki Kaikanka 24:19 - DAWAN BÎLA AISKA

¹⁹ Pura lalura kum Jekob wina bal takbia, bara tawan ra kau takaskan nani ba sut âpu daukbia.”

Kulki Kaikanka 24:19 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

Aiseya 11:10

Baha yua ra naha wakia Jesé wina pâwi takbia ba sika, sain kum baku kabia tawan nani mapara; kuntri ra nani ba pliki wan kabia bara pliska ba pranakira kabia.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Miqueas 5:4

King ba tawan tâ briaia buan kabia, Dawan ai Gâdka king tara karnika bri ba wal, bara witin nani pri lâka ra iwan kabia, kan Dawan ba tara pâwan kabia tasba aiska ra.

Kulki Kaikanka 24:18

Edom pura lubia, ai waihla Seír ba ai karnika ra alkbia. Israel ba diara tara bara sibrinkira warkka nani daukbia.

Kulki Kaikanka 24:20

Bara Balaam bui Amalec lilka kaiki, naha dahra na aisin: “Amalec ba nisan kum yamni kulkan sa, ban sakuna sauhki âpu pali tikan kabia.”

Matiu 25:46

Bamna naha nani na ban kaia ra pât wahwanka ra wabia, sakuna kasakkira nani ba lika raya ban kaia ra wabia.”

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Luk 19:12

Bamna witin bila: “Pain kulkan waitnika kum bâra kan, witin kuntri laihura wan, bahara king aimakaia, ningkara kli ai watla ra balaia.

Luk 19:27

Bamna waihli nani yang ai kingka ai briaia apia win ba, nahara brih bal, maiwan kat sut iki banhs.’ ”

1 Korint 15:25

Kan Kraist ba king kaia sa, Gâd mita ai waihla nani sut ai mina nani munhtara mangkbia ba kat.

Hibru Nani 1:8

Sakuna Luhpia ba dukiara lika naku wisa: “Gâd, man king iwaikam ba lika ban kaia ra ban kabia. Man lika kingkam lâka purara, wapni lâka kat king aimakisma.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”