Kulki Kaikanka 24:17 - DAWAN BÎLA AISKA

¹⁷ Naika diara takaia ba kaikisna, diara kaikisna, sakuna kau laihura pali sa: Jekob wina takaia slilma kum lakwisa, Israel luhpia nani tilara king kum aula. Moab lal ba dakbia, Set kiamka nani ba sut ai mina ra taibia.

Kulki Kaikanka 24:17 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

2 Samuil 8:14

Ningkara Edom aiska ra suldiar nani mangkan, bara Edom uplika nani sut Debit ra bawan. Ani anira witin wan baha tawanka sut ra pura luaia karnika ba Dawan wina witin ra yan kan.

2 Samuil 8:2

Moab uplika nani ra sin pura luan, bara yan witin nani sut tasba ra aitnikan, bara kulki kaikaia kiwka brih kulki kaikan: kiwa wâl kulkanka bilara aimakan ba, ikaia pâtka ra lakan, kiwa kumi kulkanka bilara aimakan ba, ikras swin. Baku Moab uplika nani ba sin yan Debit ra bawan, bara ai lal mana sin aibapaia kan.

2 King Nani 3:5

Sakuna king Ahab pruan ba ningkara, Moab kingka ba Israel kingka mapara buan.

1 Kronikas 18:2

Baku sin Moab uplika nani ra pura luan, witin nani ba Debit ra bawi kan, ai lal mana sin aibapaia kata.

Lawana Nani 110:2

Saion wina, wapaikam dusa ba, Dawan maikisa baha karnika brisma ba sainka. ¡Waihlam nani ba taibi bas!

Lawana Nani 45:6

Dawan, man kingkam lâka ba, ban kaia ra ban sa, man kingkam lâka ba kasakka lâka sa.

Aiseya 15:1

Moab, mapara dahra aisin ba: baha tihmia ra Ar ra sauhki kan ba ra, Moab tasbaya sin sauhki tikan sa. Tihmia ra Quir ba sauhki tikan bara Moab tasbaya sin sauhki tikan sa.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 48:1

Dawan karnika sut bri ba, Israel Gâdka, witin aisin, Moab ra diara nani takbia ba win: “¡Nebo tawanka umpira, sauhkan bâra ba! ¡Quiriataim ba alkan mâyara ikan! ¡Ai kan kahbaika pliska ba slingbi tasba kat batakan!

Jirimaya 48:45

“Tila ba karnika âpu taki yukuwaia watla pliki Hesbón ra waia plapisa; sakuna Hesbón, Sihón kingka tawanka ba sin nanara pauta buki klauhisa, pata klauhan ba Moab ilka nani ba sut angkisa, bin saura dadaukra uplika nani ba.

Sakaraya 10:4

Witin nani ai tila wina, Utla Mâkaia Walpaya Tara ba bal takbia, Tint Watla Mâkaia Dusa ba bara War aiklabaia Pantamangkaika ba sin. Witin nani ai tila wina wihta tara nani sut bal takbia.

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Kulki Kaikanka 21:29

¡Moab, mampara alai pali kabia! ¡Tanis tiwram sa, Quemós ra gâdkam brisma uplika nani! Gâdkam ba mita munan waitna nani ba sut plapi yukuwan, bara mairkam nani ba lika king Sihón albika takbia.

Kulki Kaikanka 24:16

yaprisauhkan kaiki baku witin ra marikan, bara witin kau pain tânka brin, karnika sut bri Gâdka aisi ba wali, witin aisaia bîla nani ba brin.

Luk 1:78

Wan Gâdka, ai kupia swapni lâka ra umpira wan kaikan bamna, witin yu raya baiwan baku pura wina lapta ba wan blîkbia,

Hibru Nani 1:8

Sakuna Luhpia ba dukiara lika naku wisa: “Gâd, man king iwaikam ba lika ban kaia ra ban kabia. Man lika kingkam lâka purara, wapni lâka kat king aimakisma.

Hibru Nani 7:14

Upla sut kaikisa, wan Dawan ba Juda taika wina takan, bara Moses ba prîs nani dukiara aisin ba ra, naha taika dukiara diara kum pan aisaras kata.

2 Pita 1:19

Naha sika prapit nani mita smalkanka ba kau karna dauki ba. Man nani baha smalkanka ba uya pain walisma. Lamp kumi tihmu pliska kumi ra ingwi ba baku sa smalkanka ba, yu baiwka, titan slilmika ba kupiam nani ra dimi ingbia kat.

Judas 1:11

¡Baha nani alai sa!, Ken daukanka nina blikan ba mita. Lalah briaia dukiara, Balaam baku aimawahkan, Coré mapara buan tâka mita pruan ba baku, witin nani sut sin pruisa.

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 22:16

“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”

1 Samuil 14:38

Bamna Saúl bila win: —Aiklaklabra wihtka nani sut laimara bal, bara tânka pliki kaiks naha saurka na ya daukan.