Kulki Kaikanka 23:23 - DAWAN BÎLA AISKA

²³ Jekob ra saura munaia tânka âpu sa, Israel mapara buaia sukia lâka ba bahki sa, bamna nanara Israel naku wiaia sa: ‘¡Israel, aima an Dawan ba man nani wal wark aihkakira nani pat daukan ba!’

Kulki Kaikanka 23:23 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Lawana Nani 31:19

¡Nahki tara sa, kupiam yamnika lâka ba baha nani man ra luki tniwi nani ba! Main kaiki apahki brisma diara manakira baku, upla nani sut mawanra man bui witin nani ba, pramna kulkanka baku diara yui yabisma.

Lawana Nani 64:9

Bara upla sut Gâd ra kulkbia, baku sin upla sut aisi kabia dîa daukan ba bara tânka bribia, witin dîa daukan ba.

Aiseya 41:4

¿Ya mita naha warkka daukan sa? ¿Ya, blasi wina adar yaban kiamka nani sturka aisi aula? Yang sika Dawan, Gâd kumi baman ba, tâura bara natka ra ba sin.

Aiseya 44:25

Yang swiras, prapit kuninkira nani diara aisan ba kat aimakbia; yang daukisna smaya kakaira nani ba, ai raitka ba tikbia. Yang sinskira nani ba yâri kli ai walka mapara aisisa bara sinska lâka ba, diara tânkas ra lakisna.

Isikiel 21:21

Babilon kingka ba, yabalka wâlsut tâ pali ra buan sa, bara dîa kaia ba laki kaikisa: Trisba nani ba nikbisa, ai gâdka nani ra walisa, daiwan âuya nani ba laki kaikisa.

Daniel 9:15

‘Dawan wan Gâdka, man karnikam tara ba wan marikram sa, Idsip wina uplikam nani sakram ba piua ra, baku daukram ba mita tasba aiska ra ninam ba plapi tawan sa, baha yua ra bara naiwa yua ra sin, ban sakuna yang nani saura bara watawi sin dauki banhri.

Miqueas 7:15

Man bui diara aihka painkira tara nani, witin nani ra dauki mariks, Idsip tasbaya wina sakram yua ra dauki marikram ba baku.

Kulki Kaikanka 24:1

Sakuna Balaam kaikan Dawan ba aitani lukisa Israel luhpia nani ra yamni wiaia, bamna witin kli Dawan wina dahra aisaia bîla ba briras kata, tâura daukan ba baku, sakuna ai mawan upla iwras tasbaya tani ra tawi kaiki kan.

Matiu 12:25

Jisas pat kaikan baha nani luki kan ba, bara witin nani ra win: “King tasbaya bani dakwi taki, pana pana aiklabia kaka, tanis aisawi tiwbia. Bara tawan kum, apia kaka utla uplika kum unsaban tâwan dakwi takan kaka, baha ba ban kabia apia.

Matiu 12:27

Man nani wisma yang na Bilsibub karnika mita pirit saura nani kangbi sakisna; bamna baku kaka, ¿ninam blablikra nani ra ya mita karnika yabisa baha nani kangbi sakaia? Baha mita, witin nani pali mita latan marikisa man nani na mistik aisisma.

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Jan 11:47

Bamna parisi nani, prîs tara nani bara lâ uplika nani aikuki asla taki, makabi walan: —¿Yawan dîa daukaia sa ki? Naha waitnika lika wark aihka nani uya pali daukisa.

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Apastil Nani Sturka 15:12

Bamna upla nani ba sut sâp taki wali kan, bara Pal, Bernabé wal ai sturka ba mahka aisin, nahki Gâd bui witin nani bâk sain nani, wark aihka nani sin daukan ba Ju apia nani tilara.

Apastil Nani Sturka 4:16

Bara witin nani bila: —¿Yawan nani dîa daukbia naha waitnika nani na wal? Kan Jerusalem ra iwi uplika nani sut ba pain kaikisa, witin nani mita sain aihka pali dauki ba dukiara, bamna yawan baha mapara kunin sa sip wiras.

Apastil Nani Sturka 5:12

Apastil nani ba mita sain nani bara diara aihka nani uya sin upla nani tilara dauki kan, bara lalukra nani ba sut asla takan Salaman durka wi ba lamara.

Apastil Nani Sturka 5:14

Upla Dawan ra kasak lukan ba kau ailal takan, waitna nani bara mairin nani sin.

Roman 16:20

Bara naika pali kupia kumi Gâdka mita man nani minam mununhtara Sitan ba taibia. Bamna wan Dawan Jisas Kraist mita yamni mai munbia.

Kli Smalkanka 3:24

‘Dawan, man albikam na ra tânkam tara bara karnikam ba marikuma. Gâd wala âpu sa kasbrika purara bara tasba ra sin, man diara aihkakira nani daukisma ba daukaia.

Jasua 13:22

Baha purkara, Israel luhpia nani Balaam ra Beor luhpia, upla mangki kaiki diara brih bawi kata ba sin ikan, upla wala ailal sin.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.