Kulki Kaikanka 23:20 - DAWAN BÎLA AISKA

²⁰ Yamni wiaia adarka ba yang brisna; Gâd mita yamni munisa kaka, yang mita sip mapara aisaras.

Kulki Kaikanka 23:20 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 22:17

kasak pali yang yamni mai munamna, kiamkam ba slilma ailalka kasbrika purara bâra ba baku, ailal pali daukamna, kabu sin auhika ailal kabu un ra ba baku daukamna. Baha purkara, witin nani mita ai waihla nani sut pura lubia,

Blasi Sturka 27:33

Aisak kasak pali sirang iwan bara ai bîla baikra tara aisi, win: —Bamna ban kaka, ¿ya kata witin unta ra wih daiwan iki plun auhni dauki bri sal aikan ba? Man kau balras kapram ba kainamra, yang baha sut pat piri, bara yamnika sin pat yabri, bara witin nanara baha yamnika ba brin.

1 Kronikas 17:27

bara nanara man wilin takram nampakan kabia ban kaia ra. Dawan, man bui yamni munram ba ban kaia ra kabia.”

Aiseya 43:13

Yua nani bal takaia kau kainara, yang Dawan pat bâra kapri, upla wala âpu sa yang mihti wina pri mai sakaia. Baha yang daukisna ba, upla âpu sa baha slingbaia.”

Kulki Kaikanka 22:12

Bara Gâd Balaam ra win: —Man lika witin nani wal wapara, baha uplika nani ra sin saura wipara, kan yang mita baha uplika nani ra yamni wîri sa.

Kulki Kaikanka 22:18

Sakuna Balaam pana win: —Balac gul nani bri ba king watla ra, gul silbar nani auhbi bri ba sut aikbia sin, yang sip diara daukamna apia, diara tara kra, diara sirpi kra daukaia. Dawan Gâdki ai lâka aikan ba wina sip tnaya ra tawamna apia.

Kulki Kaikanka 22:38

Bara Balaam pana win: —Âu, kaiks nanara yang pat nâra sna, mai kaikaia balri. Sakuna karnika âpu sna, brinki ba kat diara aisaia. Bamna Gâd bui dîa ai wibia ba baman sip sna aisaia.

Kulki Kaikanka 6:27

“Bamna witin nani baku yang nini ba Israel luhpia nani purara aisabia, bara yang mita yamniki ba yamna.”

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.