Kulki Kaikanka 22:32 - DAWAN BÎLA AISKA

³² sakuna Dawan insalka ba witin ra win: —¿Dîa muni man birikukam ra aima yumhpa prukram ba? Yang sika balri man yabalkam ba prakaia, kan man naku impakisma na yang brinki apia sa.

Kulki Kaikanka 22:32 ပူးပေါင်းရင်းမြစ်များ

Lawana Nani 145:9

Dawan upla sut wal pain sa; bara ai kupia swapni wal ai warkka nani ba main kaikisa.

Lawana Nani 36:6

Dawan, man kasakkam ba il tarka tara nani bâra ba baku tara sa; lâmka nani daukisma ba kabu tara tihuka ba baku sa. Dawan, upla nani, daiwan nani sut bâra ba, man mita main kaikisma.

Sins Lâka 14:2

Ani uplika ai lâka wapni kat tauki ba, Dawan ra sibrin lukisa, sakuna ai yabalka nani ra tanis man tauki ba witin ba bahki kulkisa.

Sins Lâka 16:2

Diara nani sut dauki ba waitna bui pain kaikisa; sakuna Dawan sika, yawan daukaia luki ba, lâ tânka ni aisi dauki ba.

Sins Lâka 28:18

Upla kasakkira swak takan lâka ra mangkan kabia, sakuna yabal warha ra tauki nani ba lika, trabil kum ra kauhbia.

Sins Lâka 28:6

Kanra yamni sa upla umpira ai lâka aihwa man tilara tauki ba, wihki upla lalahkira lukanka saura yabal warha bâk wapi tauki ba wal.

Jona 4:11

Bamna yang kau pali Ninibi dukiara kupi swapni takaia sa, baha tawanka tara ra 120,000 upla nani tuktan baku ai tânka briras banhwi ba bâra sa, daiwan sin ailal pali sa.

Miqueas 6:5

Nanara, upliki nani, naha na âmya ra bri bas: Moab kingka Balac, man nani ra daukaia luki kan ba, bara Beor luhpia Balaam sin pana aisin ba. Âmya ra sin luki bas, Sitim wina Guilgal kat impaki kapram yabalka ra diara nani takan ba tilara yang bui man nani dukiamra daukri ba kupiam krauki bas.”

Kulki Kaikanka 22:20

Tihmia Gâd Balaam ra latan takan, bara win: —Baha waitnika nani man mamta balan sa kaka, man lika witin nani aikuki was, sakuna dîa yang mai wimna ba kat man daukaia sma.

Kulki Kaikanka 22:22

Balaam ai birikuka purara uli auya kan, ai albika wâl sin witin aikuki wan. Sakuna Gâd lika witin ra ai kupia baikan witin ban auya ba dukiara, bara Dawan insalka ba witin luaia kan ba yabalka kat buan, swika luaia apia dukiara.

Kulki Kaikanka 22:28

Baha kat Dawan mita daukan biriku ba Balaam ra sturi aisaia: —¿Yang dîa mai munri tâwan naha kat man aima yumhpa dus ni ai prukisma na?

Kulki Kaikanka 22:33

Biriku ba ai kaikan, baha mita aima yumhpa tnaya ra tawan. Witin tnaya ra tawras kata, yang pat mai ikri kaia kan, bara biriku ba lika raya swiaia kapri.

Kulki Kaikanka 22:35

Sakuna Dawan insalka ba pana win: —Man sip sma baha waitnika nani aikuki waia, sakuna yang dîa mai wimna ba baman man wima. Bamna Balac lika Balaam blikan uplika nani ba aikuki wan,

Apastil Nani Sturka 13:10

naku win: —Man kuninkira, saurakira, dibil luhpia, diara pain nani sut wailhka sma ba. ¿Dîa kan man Dawan yabalka wapni nani ba warbi lakaia munisma?

Kli Smalkanka 23:4

kan man nani Idsip wina takram ningkara, witin nani tasbaya bâk lui waram bara lî wihki plun sin maikras kan, ba purkara Beor luhpia Balaam Petor Mesopotamia wina aula kan ba ra aibapan, man nani mampara saura aisabia dukiara.

Kli Smalkanka 25:4

“Bîp wainhka plawar mâ taibi piua ra, bîla ba diara ni priskpara.