Kulki Kaikanka 22:3 - DAWAN BÎLA AISKA

³ Bamna Moab uplika nani sibrin pali takan, Israel luhpia nani ailal pali kan kaikan bamna.

Kulki Kaikanka 22:3 ပူးပေါင်းရင်းမြစ်များ

Nihimaya 13:2

(Kan witin nani ba Israel luhpia nani balan ba ra, plun bara diaia dukia brih mapa ra taki waras kan bamna, sakuna Balaam ra lalah yaban Israel uplika nani ra lahtubaia dukiara, sakuna Gâd mita baha lahtubanka saurka ba yamni ra lakan.)

Lawana Nani 53:5

Bahara witin nani ba, sibri tatatwaia dukia lika âpu sa, sakuna witin nani ba, sibrin ba mita mahka; tatatwaia sa, kan Gâd mita witin waihla nani dusa ba yakaban sa bamna. Ai swira taki banhbia, kan Gâd mita witin ra lulki swibia bamna.

Impakan Sturka 1:12

Ban sakuna, Israel luhpia nani ra kau saura muni, kau ni ailal taki kan. Bamna Idsip uplika nani ba, witin nani ra sibri bri kan.

Impakan Sturka 15:15

Kiaptin nani Edom ra ba wingka prahni taki kabia; Moab ra wihta nani ba sibrin tara dauki tatatwi kabia, bara Kenan uplika nani kupia karnakira ba sin, lap tiwan kabia.

Impakan Sturka 23:27

“Yang daukamna sibrin lâka tara kârma kalki inaia lâka nani, kupia kriwan lâka tara sin man nani kainamra ban wabia. Bara ani tasbaya bâk luisma ba ra, yang mita munamna waihlam nani sut man nani kainamra plapi kabia.

Aiseya 23:5

Naha sturka Idsip uplika nani ra walbia ba ra, Tiro sturka ba dukiara sari bribia.

Kli Smalkanka 2:25

Naiwa yua wina, yang bui man nani mamwanra Hesbón uplika nani lukanka ra sibrin dingkamna. Bara man nani sturkam aisi kaka walbia ba ra, sibrin tara witin nani ra alkbia bara tatatwi kabia.’

Jasua 2:24

Witin nani sin win: “Tasbaya aiska ba Dawan yawan wan mihta ra mangkan sa. Yang nani wari ba tâka, nanara upla sut ba pruaia prais sibrin daukisa.”

Jasua 9:24

Uplika nani bui pana Jasua ra win: —Rait yang nani kunin aisari ba, sakuna man nani ai ikma luki sibrin pali ai dauki kan ba mita sika kunin aisari ba, yang nani walri Dawan Gâdkam ba ai napakan Moses ra win kan, naha tasbaya na witin bui man nani ra maikbia, bara upla bâra iwi ba iki âpu daukbia.