Kulki Kaikanka 22:12 - DAWAN BÎLA AISKA

¹² Bara Gâd Balaam ra win: —Man lika witin nani wal wapara, baha uplika nani ra sin saura wipara, kan yang mita baha uplika nani ra yamni wîri sa.

Kulki Kaikanka 22:12 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

2 Kronikas 31:10

bara Azarías prîs tara ba, Sadoc taika wina ba, witin aisin: “Dawan tempelka ra prisantka nani bri balan ba wina, yawan plun piaia aitani brisa, kau manis pura takaskisa; kan Dawan bui ai uplika nani ra yamni munan bamna.”

Lawana Nani 144:15

¡Lilia pali kabia baha uplika nani naha diara sut bri ba! ¡Lilia pali kabia baha uplika nani Gâd ba witin nani ai Dawanka ba!

Lawana Nani 146:5

Lilia man sa baha uplika, Jekob Gâdka ba wina ai hilpka bri ba, wan kanra bîla kaikaia ba, Dawan ai Gâdka sa.

Aiseya 61:9

Man nani masrakam ba, nisan nani tilara tara kulkanka bri kabia; upla sut kaikbia ba ra, pat tânka kaikbia baha uplika nani ba, Dawan mita yamni pali munan sa.

Miqueas 6:5

Nanara, upliki nani, naha na âmya ra bri bas: Moab kingka Balac, man nani ra daukaia luki kan ba, bara Beor luhpia Balaam sin pana aisin ba. Âmya ra sin luki bas, Sitim wina Guilgal kat impaki kapram yabalka ra diara nani takan ba tilara yang bui man nani dukiamra daukri ba kupiam krauki bas.”

Kulki Kaikanka 22:11

Idsip wina upla nani ailal taki balan tasba aiska na banhkan sa. Bamna Balac brin daukisa baha ba yang wih uplika nani ra lahtubamna, bara baku witin sip kabia sapa baha uplika nani ra war aiklabi pura luaia, bara ai tasbaya wina sin kangbi sakaia.

Kulki Kaikanka 22:13

Yu wala titan, Balaam buan bara baha uplika nani Balac mita blikan balan ba uplika nani ra win: —Man nani tasbayam ra kli mahka was. Dawan ai wiras sa, man nani wal wamna.

Kulki Kaikanka 22:6

Bamna man takaskpara, bal bara naha uplika nani ra yang tâiwan lahtuban bîla wis, kan witin nani ba yang nani wal kau karna pali sa. Ban kra yang baku sip kamna witin nani ba batakaia, bara kuntri ba wina kangbi sakaia. Yang nu sna dîa man wisma ba kat takisa, yamni wisma kaka, apia kaka saura wisma kaka sin.”

Kulki Kaikanka 23:23

Jekob ra saura munaia tânka âpu sa, Israel mapara buaia sukia lâka ba bahki sa, bamna nanara Israel naku wiaia sa: ‘¡Israel, aima an Dawan ba man nani wal wark aihkakira nani pat daukan ba!’

Kulki Kaikanka 23:3

Baha ningkara Balaam bui Balac ra win: —Man nâra bas sakripais nani na lamara, yang wih kaikaisna Dawan ba yang ra aisaia aula sapa. Ningkara mai wimna dîa witin ai wibia ba. Bara Balaam kiuhsi kum ra yakan uli wan,

Kulki Kaikanka 23:8

Sakuna, ¿nahki yang mita saura wimna, Gâd mita saura wiras ba? ¿Nahki saura kulkma Dawan mita saura kulkras ba?

Kulki Kaikanka 24:9

Witin nani ba bahara yapisa layan baku, upla kumi sin wih rakaia munbiara. ¡Yamni mai muni uplika ba, yamni munan kabia, lahtubi mai munbia uplika sin, lahtuban kabia!”

Matiu 27:19

Pailat lâ daukaika pliska ra iwi kan ba ra, ai maya ai bîla bliki, naku win: “Baha waitnika kasakkira ba tilara dimpara, witin pâtka mita na tihmia yang yaprisauhkan saura pali kum kaikri bamna.”

Roman 11:29

Bamna Gâd mita yabi ba witin kli dakbi sakras sa, bara paiwi ba wina kitwi takras sa.

Epesus 1:3

Wan Dawan Jisas Kraist Aisika bara Gâd ba sin, witin ra mayunpi, kan yawan Kraist wal asla takan ba ra, witin bui Spirit yamnika sât sât ni yamni wan munan kasbrika pura tasbaya nani ra.

Kli Smalkanka 2:7

Dawan bara man nani Gâdkam man nani diara sut daukram ba purara, ai yamnika maikan. Mani 40 witin ba man nani wal kan, main mai kaikan, upla iwras tasbaya tara ra, sakuna bahara man nani diara kumi sin luha apia kapram.

Kli Smalkanka 23:5

Sakuna Dawan Gâdkam Balaam ra walras kan, sakuna ai lahtubanka ba lamtwan ba mita, witin mita yamni ra lakan man nani dukiamra.

Kli Smalkanka 28:6

bara man dîa sut daukisma ba ra yamni kama.

Kli Smalkanka 33:29

Israel, man lilia sma, ¿ya man wal prakaia sa? Dawan sika swaki mai sakan, witin kainam kahbi main mai kaikisa, ¡witin sika pura luram sordka ba! Waihlam nani man ra bawbia, bara ai prautka ba man mita batakma.”

Kli Smalkanka 7:14

Tawan wala nani ba wal man nani ra kau yamni mai munan kabia: man nani tilamra mairin luhpa sip briras ba âpu kabia, waitna kwihra yabaia sip apia ba baku kabia, bîpkam mairin bara wainhka biarapara âpu kabia.