Kulki Kaikanka 21:34 - DAWAN BÎLA AISKA

³⁴ Bara Dawan bui Moses ra win: “Witin ba mapara si bripara, kan yang bui witin ba man nani mihtam ra mangkamna, war uplika nani ba bara ai tasbaya ba sin. Bara man nani, Sihón, amorreo nani kingka Hesbón ra iwi kan ra dîa munram ba baku, witin ra daukma.”

Kulki Kaikanka 21:34 ပူးပေါင်းရင်းမြစ်များ

2 Samuil 5:19

Naha mita, Debit ba Dawan wal aisin, bara makabi walan: —¿Filisteo nani wal aiklabaia sip sna ki? ¿Pura luanka lâka ba aikma ki? Bara Dawan pana win: —Âu, aiklas, kan pura luanka lâka ba maikamna.

1 King Nani 20:13

Bara Israel kingka Ahab ra prapit kum balan, bara win: —Dawan ba naku wisa: ‘Kaiks, man waihlam nani kwâra tara kaikisma, sakuna baha nani sut yang bui mihtam ra mangkamna, bara man tânka brima yang sika Dawan sna ba.’

1 King Nani 20:28

Bara naha piua ra prapit kum Israel kingka ra balan, bara win: —Dawan ba naku wisa: ‘Siria uplika nani aisin, yang ba il nani gâdka kum sna, sakuna il bîla nani gâdka apia sni; bamna yang naha ailalka tara na sut mihtam ra mangkamna, bara man kaikma yang sika Dawan sna ba.’

2 King Nani 3:18

Bara naha na Dawan nakra ra diara sirpi sa, kan Moab uplika nani ba man nani mihtam ra mangkbia,

Aiseya 41:13

Kan yang, Dawankam, yang sika man Gâdkam, yang sika man mihtam aihkika ra tâm baikisna ba, bara mai wîri sa: ‘Si bripara, yang hilp mai munisna.’ ”

Kulki Kaikanka 14:9

Sakuna man nani lika Dawan mapara bûi banhpara, baha tasbaya uplika nani ra sin sibrin lukpara, kan baha uplika ba yawan mapara brit baku pibia, witin nani ra hilp yabaia uplika âpu sa bamna, sakuna yawan lika Dawan wan tâ baikisa. ¡Man nani si bripara!

Kulki Kaikanka 32:4

Dawan mita baha tasbaya nani ba dakbi Israel luhpia nani ra yan ba, baha tasbaya nani ba twi manis pâwisa bîp nani pata. Yang nani dukiam dadaukra nani brisna ba sika bîp manis.

Kli Smalkanka 2:30

“Sakuna king Sihón ba baku brin daukras sa yawan ai tasbaya lila bâk lui wabia, Dawan, man nani Gâdkam mita, witin ba apia mai wiaia, lal karna daukan, man nani mihtam ra mangkaia, naiwa yua param taki ba.

Kli Smalkanka 20:3

bara wibia: ‘Wals, Israel luhpia nani, naiwa man nani waihlam mapara aiklabaisma bamna, swapni taki sîa yapara, tatatwi sirang sin iwpara,

Kli Smalkanka 3:1

“Baha ningkara, yang nani yabal wala alkri bara Basán ra wapri. Sakuna Og, baha kuntrika kingka ba, ai suliarka aikuki Edrei kat balan yawan wal aiklabaia.

Kli Smalkanka 3:11

(King Og baman sika, refaíta nani tila wina takaskan ba; krikrika ba ayan ni paskan, 6 pît bîla yahpika, yarika 14 pît, witin nani kulkanka praiska yawan baha kaikaia Amón tawanka, Rabá ra.)

Kli Smalkanka 31:6

Kupiam karna bri ban bapi bûi bas. Si bripara, sirang sin iwpara witin nani aikuki prawma taim, kan Dawan Gâdkam ba man nani wal kabia bara mai swibia apia, lulki sin mai swibia apia.”

Kli Smalkanka 7:17

“Ban kra man nani lukma: ‘Yawan nani wal naha nisanka ailal sa; ¿nahki sip kabia yawan kangbi sakaia?’

Kli Smalkanka 7:18

Bamna si bripara. Kupiam krauki bas Dawan Gâdkam king fero ra bara Idsip uplika ra sin dîa daukan ba.

Kli Smalkanka 7:21

Witin nani mawanra tatatpara, kan Dawan Gâdkam, Gâd tara sibrinkira ba man nani wal sa.

Kli Smalkanka 7:24

Ai kingka nani ba man nani karnikam mununhtara brima, bara man nani bui munrika tasba ra upla kumi sin witin nani dukiara ai kupia kraukbia apia. Man nani aiklabankam mapara kumi sin bubia apia, man nani mita âpu daukma.

Jasua 10:25

Bara Jasua baha nani ra win: “Man nani si bripara, sirang sin iwpara, sakuna kupiam karna bas, karna sin bûi bas, kan Dawan naku sin daukbia man nani waihlam nani ba wal.”

Jasua 10:8

bara Dawan Jasua ra win: “Witin nani ra si bripara, kan yang bui witin nani ba mihtam ra mangkamni, bara witin nani kumi sin mampara buaia karnika âpu kabia.”

Jasua 8:7

Bara baha taim man nani yukuwaikam ba wina bal taki, tawan ba bilara dimi alki bris, kan Dawan man nani Gâdkam bui tâm baikbia bara uplika nani ba mihtam ra mangkuya.

Wihta Nani 11:30

Sakuna Jefté tâura naha pramiska Dawan ra daukan: “Amón uplika nani aikuki aiklabi pura luaia karnika Dawan aikbia kaka,

1 Samuil 23:4

Debit kli Dawan wal aisi baha tânka plikan; Dawan pana win: —Mahka Queilá ra waia yabalka ra aimaks, yang bui filisteo nani ba mihtam ra mangkamni.