Kulki Kaikanka 20:8 - DAWAN BÎLA AISKA

⁸ —Kîn ba bris, man muihkam Eran sin tâm baikbia, bara upla nani ba asla dauks. Baha ningkara, upla sut mai kaiki ba ra, walpa ba ra aisas lî baha wina takbia, bara kaikma lî ba takbia, bara upla nani ba ai daiwra nani aikuki lî di banhbia.

Kulki Kaikanka 20:8 ပူးပေါင်းရင်းမြစ်များ

Blasi Sturka 18:14

¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.

Nihimaya 9:15

Pura wina brit sin yabram, plun dauki kan ba dakakaia dukiara, bara diranka daskaia dukiara walpa wina lî yabram. Ba ningkara sin witin nani ra wiram yabaia tasbaya ra wih tasba ba bribia.

Lawana Nani 105:41

Walpa ba baikan, bara baha wina lî nani aubi kan upla iwras tasbaya bâk, awala baku.

Lawana Nani 114:8

¡Witin walpa tara ba wina lakun daukisa! ¡Walpa tara ba wina yan lî kârma takisa!

Lawana Nani 33:9

Kan witin aisin bara diara sut daukan kan; witin adar yan bara diara bal takan.

Impakan Sturka 14:16

Mihtam ra dus brisma ba kabu purara buki alki bris, kabu ba lilak baiki laks bara yabal takbia, baha tasba lâwan takbia bâk Israel luhpia nani ba wapi lui wabia.

Impakan Sturka 17:9

Bara Moses bui Jasua ra win: —Waitna nani ba wahbi saki bris, bara taki was Amalec uplika nani mapara aiklabaia. Yauhka man wal yang il bahna ra kamna, bara Dawan dus maikan ba sin mihtam ra bri bas.

Impakan Sturka 4:17

Naha kîn na brih was, kan baha ni diara aihkakira sirang wan ikaia dukia nani daukaia sma bamna.

Impakan Sturka 4:2

Bara Dawan pana aisin: —¿Baha mihtam ra brisma ba dîa sa? Moses win: —Kîn kum.

Impakan Sturka 4:20

Bamna Moses ai maya bara ai luhpia nani ba brin, biriku kum purara sunan bara kli tawi wan Idsip ra. Gâd mita kîn briaia win ba sin ai mihta ra bri impakan.

Impakan Sturka 7:20

Bamna Moses bara Eran wal Dawan mita dîa daukaia win ba, witin nani baha daukan. Eran ai kînka ba king fero bara ai uplika tara nani mawanra bukan, bara awala laya ra prukan, bara lî kata ba sut tala baman takan.

Aiseya 43:20

Daiwan wail kraskira nani unta ra ba yamni ai kulkbia, suksuk tara tnawira pâlras tara ba luhpia nani ba sin, kan upla iwras tasbaya ba wina lî aubra yâri bal takisa, tasba biarapara wina awala aubisa, yabrika upliki bâk sakri ba lî dakakaia.

Aiseya 48:21

Upla iwras tasbaya bâk witin nani ba brih wan kan, bara lî din daukras kan; witin nani ai dukiara walpa wina lî yan plapan; walpa ba kwâkan, lî nani ba laiwan.

Kulki Kaikanka 20:11

Naku aisin ba ningkara, Moses ai mihta bukan bara kîn ba ni walpa ra aima wâl prukan, bara lî ailal takan. Baku upla nani ba ai daiwra nani aikuki lî din.

Kulki Kaikanka 20:7

bara Dawan bui Moses ra win:

Kulki Kaikanka 21:15

bara tingni nani un bâk, baha nani impaki Ar ra waia tasbaya kat wi ba, bara ban Moab tasbaya ra waia piarkika bâk wisa.”

Kulki Kaikanka 21:18

¡Wihtka nani ba bui ai karnika kînka ni salhki banhwan, upla tara kulkanka nani ba sin kîn nani bri kan ba wal salhkan!” Upla iwras tasbaya ba wina ban impakan, witin nani Mataná kat balan;

Matiu 21:21

Jisas witin nani ra win: —Kasak pali man nani ra mai wisna, kasak lukan lâka brih, namhpa namhpa lika lukras sma kaka, kwah damni dusa ra daukri na man nani daukma; bara naha baman apia, sakuna naha ilka ra sin wima: ‘Naha wina taki, kabu ra wih dims’, bara baku takbia.

Luk 11:13

Man nani upla saura, ban sakuna luhpiam nani ra diara pain nani yaia nu sma, ¡kau pali Aisikam kasbrika purara ba Spirit Holikira yabia, baha nani witin ra makabia ba ra!

Jan 16:24

Naha piua kat man nani bui yang nini mâki Aisa ra kau diara makabras sma; makabi banhs bara brih, lilia ni aibanhma ba dukiara.

Apastil Nani Sturka 1:14

Piua bani witin nani sut, Jisas muihnika nani aikuki asla taki kan ai pura sunaia. Witin nani ai tilara Jisas yaptika Meri bara mairin wala nani sin bâra kata.

Jasua 6:20

Upla nani ai pura winan bara trumpit nani sin puhban. Israel luhpia nani sut pali trumpit puhban bin daukan walan ba ra, witin nani ai kârma kalki karna winan, bara tawan kutbanka kata ba bal kauhan. Bara witin nani aihni plapi dimi tawan ba alki brin,

Jasua 6:5

Man nani wali kama trumpit puhbi binka ba bin sât aihka kum puhbia, bara upla sut sin ai karnika aiska ni karna ai pura winbia, bara man nani kaikma tawan kutbanka ba sasakwi kauhbia. Bâra mika man nani aihni plapi tawan ra dimma.”

Param Marikanka 22:1

Bara insal ba awala klin kum ai marikan, rayaka lâka laya wanki ba. Baha ba glas baku ingnikira kan, bara Gâd king iwaika ba wina bara Sîp Luhpia king iwaika ba wina sin taki kan.

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.