Kulki Kaikanka 20:21 - DAWAN BÎLA AISKA

²¹ ai tasbaya piarkika pali bâk yaka luaia apia ba mata. Bamna Israel luhpia nani yabal wala plikan.

Kulki Kaikanka 20:21 ပူးပေါင်းရင်းမြစ်များ

Wihta Nani 11:18

Baha wina, yang nani ban upla iwras tasbaya ra watauki kapri, bara Edom tasbaya nani lamak, Moab tasbaya nani lamak sin. Bara ban Moab tasbaya lalma tani ba kat yang nani wari. Bahara tintki watla bapri, Arnón awala un kat. Sakuna yang nani awala baila wala ra lika luras kapri, kan baila wala ba lika Moab tasbaya piarkika bamna.

Kli Smalkanka 2:29

Isau kiamka nani Seír ra iwi ba ra, Moab uplika nani Ar ra iwi ba, yang nani wal pramis daukan ba baku, yang nani Jordan awala ba lui bara Dawan yang nani Gâdki mita kuntri kum aikaia win ya ba ra wamna ba kat.’

Wihta Nani 11:24

Man gâdkam Quemós diara man ra maikan ba, baha man dukiam kulkisma, ¿baha rait apia? Dawanki naha tasbaya na yang nani ra aikan, bamna tasbaya na tasbayi kulkisna.

Kli Smalkanka 23:7

“Ban sakuna, Edom uplika nani ra kulkanka yaras kapara, kan baha nani ba man nani tamya sa, Idsip uplika nani ra sin, kan man nani lika witin nani ai kuntrika ra iwi kapram;

Kli Smalkanka 2:27

‘Yang lukisni yabal tara ba nina bliki ban man tasbayam bâk lui waia, tasbayam yabalka wala nani ra dimras kira.

Kulki Kaikanka 21:23

Sakuna Sihón mita Israel luhpia nani ba yan ai tasbaya piarkika bâk luras kan, sakuna witin ai uplika sut asla dauki, aikuki taki wan upla iwras tasbaya ra, witin nani wal prawaia, bamna Jahas ra balan ba ra, Israel luhpia nani mapara aiklaban.

Wihta Nani 11:17

Cadés wina yang nani Edom kingka ra upla nani saki bîli smalki blikri, witin ra makabaia adar wankbia, yang nani Edom tasbaya bâk lui waia, sakuna king ba yang nani ra adar wankaia apia win ai tasbaya bâk lui waia. Bara yang nani bui Moab kingka ra sin makabri, sakuna witin sin yang nani ra adar aikras kan ai tasbaya bâk lui waia. Baha mita yang nani ba Cadés ra takaskri.

Kulki Kaikanka 21:4

Israel luhpia nani Hur ilka bâk taki Kabu Pauni ra waia yabalka bâk impakan, yabal krutni kum tawaia kan, Edom piarkika bâk luaia apia dukiara. Yabal ra, upla nani sip ai kupia alki takaskras taki banhwan,

2 Kronikas 20:10

Bamna nanara, nâra sa Amón uplika nani, Moab uplika nani bara Seír untika biara ra iwi uplika nani sin, bara Israel luhpia nani Idsip wina aula kan taim man naha tasbaya nani ba ra diman mai daukras kan, sakuna baha wina tnaya ra tawan kan, baha mita sauhki tikras kan.