Kulki Kaikanka 19:9 - DAWAN BÎLA AISKA

⁹ Waitna wala kum, witin lâ ba kat sunu kulkan ba, bîp mairin angkan yamhpuska ba wahbi brih, utla lata tani ra plis kumi tâski âpu ba ra swibia. Baha yamhpuska ba Israel luhpia nani sikbi sunu sakaia laya ba ra mangkbia, baha daukan sut ba lika saura dauki ba mana prisantka yabisa.

Kulki Kaikanka 19:9 ပူးပေါင်းရင်းမြစ်များ

Libait Lâka 15:20

“Kati sikniska bri ba piua ra ani anira aitnikbia kaka, baha sin tâski kulkan kabia ban tihmia kat. “Ani pliska ra iwbia kaka, baha sin tâski kulkan kabia ban tihmia kat.

Sakaraya 13:1

“Baha piua ra lî kârma kum takbia, bara baha laya ra Debit kiamka nani, Jerusalem ra iwi nani ba ai saurka nani ba sikbia.

Kulki Kaikanka 19:13

Upla kum upla pruan ba alkbia ba ra sunu takras sa kaka, Dawan watla sunu ba sauhkisa. Baku bamna, Israel luhpia nani tila wina sakan kaia sa, kan witin sunu saki laya ba ni srikbras kan bamna, witin lika tâski ban sa.

Kulki Kaikanka 19:17

“Bahmuna tâskika nani ba sikbaia dukiara lika, naku daukbia: Saura daukan ba mana, bîp mairin iki aiska angkan yamhpuska ba wiria bribia lî watla kum ra, bara lî kârma wina panhkan laya sin purara laikbia.

Kulki Kaikanka 19:18

Baha ningkara waitna kum sunu ba, hisop tnawa lupia kumi brih, liura buski bara baha watla ra srikban kabia. Lî watla nani ba bara upla nani sin bahara kan ba, upla pruan dusa nani ra kangban ba, ban kra upla kumi mita upla wala kum ra ikan, apia kaka upla ban pruan ba alkan ba, ban kra raiti kum ra kangban ba sut.

Kulki Kaikanka 19:3

Man nani mita prîs Eleazar mihta ra mangkma, bara witin mita latara saki brih wabia, witin kaiki kaka ikbia.

Kulki Kaikanka 19:8

Bîp mairin angkan waitnika ba sin, ai kwalka nani ba tuskbia, bara lâ ba kat daukbia, ban tâski kulkan kabia tutni kat.

Kulki Kaikanka 6:12

bara Nasariu ba baha yua wina ai lâka ba kli sunu kulkbia Dawan uplika sunu kaia dukiara. Tâura witin dîa pramis takan, luan piua ba kli kulkbia apia, kan ai tâwa Dawan ra yaban kata ba tâski takan bamna, baha daukaia witin sîp wainhka kum watawan âpu ba brih balbia ai saurka swih tikaia ba dukiara.

Kulki Kaikanka 8:7

Naku natka ra baha dauks: sikbi klin sakaia laya ba wal baha nani ba purara sriks, bara yas ai mina wina ai lal kat tamaya sut kusbi sâkbia, bara ai prâka ba sin tuskbia bara baku klin taki banhbia.

Kulki Kaikanka 9:13

Ban sakuna, ani uplika tâski takras ba, laihura sin impakras kan ba, bara Insal luan Yua Liliaka tara ba kulkaia balras kabia kaka, baha uplika ba upla nani tila wina dakbi sakan kabia, Dawan ra prisant yaia yua ra ai prisantka yaras ba tâwan, baha uplika ai saurka ba ai purara kulkan kabia.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.

Hibru Nani 9:13

Kasak pali sa bîp wainhka nani bara guts lupia nani tâlia ba, bîp mairin lupia yamhpuska nani altar ra angki ba bara baha ni tâski uplika nani ra srikbi ba sut mita sin, baha nani ra holikira bara pura tani mapa klin daukaia karnika brisa.