Kulki Kaikanka 19:6 - DAWAN BÎLA AISKA

⁶ Baha ningkara prîs ba yalam dusa kum bribia bara hisop dusa tnawa luhpia sin kum bribia, bara kwala pauni pîs kumi sin. Bara baha sut asla kuki bîp mairin wîna ami ba, pauta klauhan ra baha sin angkbia.

Kulki Kaikanka 19:6 ပူးပေါင်းရင်းမြစ်များ

Lawana Nani 51:7

Inta wahia kîa pain ba ni, tâskiki sut ba wina sunu ai sâks; sikbi ai sâks, bara wahmuk pinhka baku kau pihni takamna.

Aiseya 1:18

Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Libait Lâka 14:4

uplika ba klin takaia prisantka tnawira klin wâl, yalam dusa pîs kum, kwala pauni bara hisop sin brih balbia.

Libait Lâka 14:49

Utla ba sunu klin daukaia dukiara tnawira wâl, yalam dusa pîs kum, kwala pauni pîs kum, hisop sin brih balbia.

Libait Lâka 14:6

yalam dusa ba, kwala pauni ba, hisop ba sin. Bara tnawira raya ba sin bribia, bara tnawira pruan ba tâlia ra, baha nani sut ba buskbia, sumi laya ba ra;