Kulki Kaikanka 19:21 - DAWAN BÎLA AISKA

²¹ Naha lâka na man nani kulki ban kama. Upla mita upla wala ra sunu saki laya ni srikbi ba, witin ai kwalka ba tuskaia sa. Ya ya sunu sakaia laya ba ra kangbia kaka, witin ba tutni kat tâski kulkan kabia.

Kulki Kaikanka 19:21 ပူးပေါင်းရင်းမြစ်များ

Hibru Nani 10:4

kan bîp wainhka nani bara guts lupia nani tâlia ba, upla saurka nani sip brih sakras pali sa.

Hibru Nani 9:10

Witin nani daukaia sa plun nani wal baman, laya din nani bara ai wîna nani klin sakaia sât sât sin. Naha sut na lika pura tani lâka nani baman sa, bara tânka aihwa kumi sin âpu sa, Gâd diara nani sut kli aihka lakbia piua kat mika.

Hibru Nani 7:19

Kan Moses lâka ba mita diara kumi sin sip aiska aihwa pali daukras kata. Bara nanara baha watlika ra, yawan diara bîla kaikaia lâka kau pain kum brisa, bara baha bâk yawan lika Gâd lamara aula.

Libait Lâka 11:40

daiwan pruan wîna ba pibia kaka, ai prâka ba tuskan kaia sa, bara ban tâski kulkan kabia tihmia kat; bara daiwra pruan sakan uplika ba sin, ai prâka tuskan kaia sa, witin sin tâski kulkan kabia ban tihmia kat.

Libait Lâka 11:25

“Ya daiwan pruan ba alki bukbia sa kaka, tâski kulkan kabia tihmia kat, bara ai prâka ba tuskan kabia.

Impakan Sturka 27:21

Eran ai luhpia nani wal, lamp angkaia warkka ba bribia; baku mika Dawan wal aisaia tintka watla ba ingni ban kabia tihmia aiska, Lâ auhbaia watla kutban ra bara baku sin lata tani ra kabia. Naha na lâ kum Israel luhpia nani, kiamka sut lâka ban kaia ra kabia.

Kulki Kaikanka 19:7

Baha ningkara prîs ba ai kwalka nani tuski aihtabi takbia, bara baha daukbia ningkara ai watla ra wabia, sakuna lâ ba kat, tâski kulkan kabia ban tutni ba kat.

Kulki Kaikanka 18:23

Libait nani baman sip sa tint watla ra wark daukaia, dîa saura kum daukbia kaka, baha lika witin yakan pâtkira sa. Naha na lika lâ kum baku ban kaia sa, aisika ba wina ban luhpia nani kat. Libait nani ba tasba kum ai dukia pali briaia apia sa, Israel luhpia nani tilara.

Kulki Kaikanka 19:8

Bîp mairin angkan waitnika ba sin, ai kwalka nani ba tuskbia, bara lâ ba kat daukbia, ban tâski kulkan kabia tutni kat.

Kulki Kaikanka 19:10

Ani uplika yamhpus asla daukan ba, ai kwalka ba tuskan kabia, bara lâ ba kat tutni kat tâski kulkan kabia. Naha na lâ kum, man nani baku dauki ban kama, man nani Israel luhpia nani kulki kama, baku sin kiamka wala nani man nani tilamra iwi ba sin ban kulkan kabia.