Kulki Kaikanka 19:17 - DAWAN BÎLA AISKA

¹⁷ “Bahmuna tâskika nani ba sikbaia dukiara lika, naku daukbia: Saura daukan ba mana, bîp mairin iki aiska angkan yamhpuska ba wiria bribia lî watla kum ra, bara lî kârma wina panhkan laya sin purara laikbia.

Kulki Kaikanka 19:17 ပူးပေါင်းရင်းမြစ်များ

Blasi Sturka 26:19

Sakuna yu kumi Aisak albika nani il bîla langnika ra liwanhta salhkan ba ra liwanhta raya kum lî kârma manis bri kan ba sakan.

Yamni Kulki Lawana 4:15

Giadin bîlak lî kârma plapi ba, baha ba liwanhta sa, witinka wina sika Líbano ilka laya aubi ba.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Sakaraya 13:1

“Baha piua ra lî kârma kum takbia, bara baha laya ra Debit kiamka nani, Jerusalem ra iwi nani ba ai saurka nani ba sikbia.

Kulki Kaikanka 19:18

Baha ningkara waitna kum sunu ba, hisop tnawa lupia kumi brih, liura buski bara baha watla ra srikban kabia. Lî watla nani ba bara upla nani sin bahara kan ba, upla pruan dusa nani ra kangban ba, ban kra upla kumi mita upla wala kum ra ikan, apia kaka upla ban pruan ba alkan ba, ban kra raiti kum ra kangban ba sut.

Kulki Kaikanka 19:9

Waitna wala kum, witin lâ ba kat sunu kulkan ba, bîp mairin angkan yamhpuska ba wahbi brih, utla lata tani ra plis kumi tâski âpu ba ra swibia. Baha yamhpuska ba Israel luhpia nani sikbi sunu sakaia laya ba ra mangkbia, baha daukan sut ba lika saura dauki ba mana prisantka yabisa.

Kulki Kaikanka 31:23

pauta ra mangkan sip amras dukia nani ba sut pauta klauhan ra mangkaia ami tâskika nani sut sâkbia, tâskika sikbi sakaia laya wal sikbaia sa. Pauta ra mangkan ami luaia dukia ba, lî ni baman sikbaia sa.

Jan 7:38

Ya yang ra kasak luki ba, Ulbanka ra aisi ba baku, witin ai kupia wina lî rayakira nani awala baku aubi kabia.

Hibru Nani 9:13

Kasak pali sa bîp wainhka nani bara guts lupia nani tâlia ba, bîp mairin lupia yamhpuska nani altar ra angki ba bara baha ni tâski uplika nani ra srikbi ba sut mita sin, baha nani ra holikira bara pura tani mapa klin daukaia karnika brisa.

Param Marikanka 7:17

kan Sîp Luhpia ba, witinka king iwaika lilapas kat ba witin nani ra sîp baku main kaikbia, bara witin nani ba raya kaia laya kârma nani kat brih wabia; bara Gâd bui witin nani nakra wina nakra laya nani ba sut diki sâkbia.”