Kulki Kaikanka 19:13 - DAWAN BÎLA AISKA

¹³ Upla kum upla pruan ba alkbia ba ra sunu takras sa kaka, Dawan watla sunu ba sauhkisa. Baku bamna, Israel luhpia nani tila wina sakan kaia sa, kan witin sunu saki laya ba ni srikbras kan bamna, witin lika tâski ban sa.

Kulki Kaikanka 19:13 ပူးပေါင်းရင်းမြစ်များ

Impakan Sturka 30:33

Ani uplika kum naha batanka miks munan na baku batana wala daukbia kaka, apia kaka upla wala kum purara laikbia kaka, witin lika man nani tilam wina sakan kabia.’ ”

Sins Lâka 14:32

Upla watawikira ba, witin ai saurka pali ba mita sauhki tikisa, upla lukanka wapni ba, ai wapnika lâka mita kan kahbisa.

Isikiel 44:26

Ban kangbia sa kaka, klin takaia sa; baha ningkara yu 7 bîla kaikaia sa.

Libait Lâka 15:31

bamna baku Israel luhpia nani, man nani tâski ba wina laihura wama. Diara tâski kulkan ba dauki tâski takma apia, baku sin pruma apia, yang altarki lamara mai kaikisna ba pliska ra.”

Libait Lâka 20:3

Yang baha waitnika mapara kamna, ai uplika nani tila wina sakamna, tintki watla tâski daukan, yang nini swiri tara daukan ai luhpia Moloc ra yan bamna.

Libait Lâka 22:3

“Wis nanara wina ai kainara naha kaiki kabia, ai kiamka wina kum tâski sa kaka, bara Israel luhpia nani prisantka sunu brih aula ba brih ban Dawan mawanra bubia kaka, Dawan mawan wina klaki sakan kabia. Yang sika Dawan.

Libait Lâka 22:4

“Eran kiamka nani kum lipar brisa kaka, siknis sâtka wala sin, witin diara holi nani ba pibia apia, klin takbia ba kat. “Upla pruan dukia tâski nani kum ra ya kangbia kaka, apia kaka likia bri uplika kangbia kaka,

Libait Lâka 5:17

“Dawan ai lâka nani mangkan ba mapara mita, upla kum ai dara walras kira saura daukbia kaka, ai dara walras kan sakuna pâtkira kulkan kabia, bara baha pâtka ba witin twilkbia.

Libait Lâka 5:3

“Upla kum bui upla wala wîna tara tâski kulkan kan ba ra kangbia, apia kaka wîna kum tâski ba kangban kaka, diara wala kra kabia sin, tâski kulkan kan ba ai dara walras kira kangban sa kaka, witin ai dara walbia bara witin ra saurka ba kulkan kabia.

Libait Lâka 5:6

Witin ai daiwra daknika ba wina, daiwan mairin kum bri sal witin saura daukan ba mana Dawan ra yabi, sakripais daukbia. Sîp mairin kum, apia kra guts mairin kum, baha daiwra prîs ba bri sakripais dauki ba natka ra uplika saura daukan saurka ba swih tikbia.

Libait Lâka 7:20

“Upla kum tâski kulkan ba, Dawan wal kli wan uplika takaia sakripaiska daukan wîna ba wina pibia kaka, bara baha wîna pat Dawan dukia yaban kan sa kaka, baha uplika ba upla wala nani tila wina mawan ba tikbia.

Libait Lâka 7:21

“Dawan lâka kat diara kum upla wîna ra, daiwan wîna ra, apia kra diara wala kum ra tâski kulkan ba, upla kum baha tâskika ba kangbuya ba ra, Dawan wal kli wan uplika takaia sakripaiska daukbia, Dawan ra yaban daiwra wîna ba wina pibia uplika ba, upla nani tila wina ai mawan ba tikbia.”

Kulki Kaikanka 15:30

“Ban sakuna, upla kum pain ai dara wali saura daukan sa kaka, Israel luhpia nani sapa, kiamka sât wala nani sapa, baha yang kupi sauhkisa. Bamna baha uplika ba upliki nani tila wina sakan kabia,

Kulki Kaikanka 19:14

“Upla kumi ai watla bilara prubia kaka, naku sa baha lâka nani ba mapara: Baha watla bilara uplika nani ba sut, upla wala ai watla ra diman ba sin, yu matlalkahbi pura kumi tâski kulkan kabia.

Kulki Kaikanka 19:18

Baha ningkara waitna kum sunu ba, hisop tnawa lupia kumi brih, liura buski bara baha watla ra srikban kabia. Lî watla nani ba bara upla nani sin bahara kan ba, upla pruan dusa nani ra kangban ba, ban kra upla kumi mita upla wala kum ra ikan, apia kaka upla ban pruan ba alkan ba, ban kra raiti kum ra kangban ba sut.

Kulki Kaikanka 19:19

Waitna kum lâ kat sunu ba, witin mita tâski takan uplika ra yu yumhpa ra bara yu matlalkahbi pura kumi ra sin lî ba ni srikbaia sa. Bara yu matlalkahbi pura kumi yua ba kat sunu kulkan kabia, bamna upla tâski ba ai kwalka nani tuskbia, bara lî ni aihtabia, sakuna ban tutni kat tâski kulkan kabia.

Kulki Kaikanka 19:20

Bamna lâ ba kat tâski kulkan uplika ba, sunu takras sa kaka, uplika ai kiamka ba tila wina dakbi sakan kabia, kan Dawan tintka watla sunu ba bahki kulki ba mita. Witin sunu saki laya ba ni srikbras kan ba mita, witin ba ban tâski kulkan sa.

Kulki Kaikanka 19:9

Waitna wala kum, witin lâ ba kat sunu kulkan ba, bîp mairin angkan yamhpuska ba wahbi brih, utla lata tani ra plis kumi tâski âpu ba ra swibia. Baha yamhpuska ba Israel luhpia nani sikbi sunu sakaia laya ba ra mangkbia, baha daukan sut ba lika saura dauki ba mana prisantka yabisa.

Kulki Kaikanka 8:7

Naku natka ra baha dauks: sikbi klin sakaia laya ba wal baha nani ba purara sriks, bara yas ai mina wina ai lal kat tamaya sut kusbi sâkbia, bara ai prâka ba sin tuskbia bara baku klin taki banhbia.

Kulki Kaikanka 9:13

Ban sakuna, ani uplika tâski takras ba, laihura sin impakras kan ba, bara Insal luan Yua Liliaka tara ba kulkaia balras kabia kaka, baha uplika ba upla nani tila wina dakbi sakan kabia, Dawan ra prisant yaia yua ra ai prisantka yaras ba tâwan, baha uplika ai saurka ba ai purara kulkan kabia.

Jan 8:24

Baha mita sika mai wîri man nani saurkam nani wal ban pruma; man nani kasak luki banhras sma “Yang sika Yang sna” ba, bamna saurkam wal ban pruma.

Hibru Nani 10:29

Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba, bara baha ni sin uplika ba holikira daukan sa.

Hibru Nani 9:10

Witin nani daukaia sa plun nani wal baman, laya din nani bara ai wîna nani klin sakaia sât sât sin. Naha sut na lika pura tani lâka nani baman sa, bara tânka aihwa kumi sin âpu sa, Gâd diara nani sut kli aihka lakbia piua kat mika.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:11

Bara baha ba kau bamna, swis saura dauki uplika ba ai saurka ban dauki kabia, tâski dauki uplika ba ai tâskika lâka ba ban dauki kabia; sakuna upla kasakkira ba kasakka lâka ba ban dauki kaia sa, bara upla holikira ba Gâd ra ban kasak kabia.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.