Kulki Kaikanka 18:8 - DAWAN BÎLA AISKA

⁸ Dawan bui Eran ra win: “Upla nani ai prisantka aikaia ba mihtam ra swiri sa. Israel luhpia nani diara sut yang ra aikaia aihka saki ba, man ra maikisna, luhpiam nani ra sin. Baha ba man nani briaia kulkan sa; naha lâka na baku kulki ban kabia.

Kulki Kaikanka 18:8 ပူးပေါင်းရင်းမြစ်များ

2 King Nani 12:16

Sakuna baha lalahka saurka mana bara pâtka swih tikaia dukiara yabi kan ba lika Dawan tempelka ra brih waras kata, kan baha lalahka ba sika prîs nani ra yaia kan ba.

2 Kronikas 31:4

Baku sin Jerusalem ra iwi kan nani ra adar yan prîs nani bara Libait nani ra yabia dîa yaia kan ba, Dawan lâka ra win ba kat daukaia, bara witin nani ai piua aiska Dawan warkka ra yabia.

2 Kronikas 31:5

Lâka ba mahka param takan ba ra, Israel luhpia nani diara ailal brin ba wina yan: wain, batana laya, nasma bara diara sâtka sut mangkan pâwan ba wina sin. Baku sin, matawalsip wina kum ba brih balan mâ sât bani sakan ba wina.

Impakan Sturka 28:43

Eran bara ai luhpia nani ba sin dras dimi tint watla kutbanka ra, apia kaka Holi Pliska ra sin dimbia, altar lamara waia kaka sin baha dimi wabia, witin nani prîs warkka dauki ba piua ra, ai swira ba yukukras dimi pruaia apia ba tâwan. Naha lâka na witin kulki ban kaia, ai kiamka nani sin kulki ban kabia, naha lâka na ban kabia ai kiamka nani kat.

Impakan Sturka 29:21

Bara altar purara tala swin ba bara srikbi sunu daukaia batanka laya swin ba sin wiria bris, bara Eran purara, bara prâka ba purara sin srikban kabia, baha purkara, Eran luhpia nani purara, prâka purara sin. Bamna Eran bara luhpia nani ba sut prâka nani ba sunu daukan kabia.

Impakan Sturka 29:28

Bamna baha ba Eran ai luhpia nani wal dukia kabia. Baha ba lâ kumi ban kabia Israel luhpia nani tilara. Baha ba Israel luhpia nani sut mita, Dawan prisantka yabia baha ba kupia kumi lâka daukaia dukiara, Dawan ra dauki yabisa, Israel luhpia nani mita.

Impakan Sturka 29:29

“Eran prubia ba ra, prîs prâka, witin ai prâka nani sunu kulkan ba sut ai kiamka nani ra yabia. Baha prâka ba witin nani dimbia bara prîs warkka ba daukaia karnika yabia upla sut mawanra.

Impakan Sturka 40:13

bara Eran prâka ba yas dimbia. Bara batana ai purara laiki aihka sunu sâkma, yang naipakan kaia.

Impakan Sturka 40:15

Bara baha nani ra sin batana laikma, aisika purara laikram ba baku, bara witin nani ba yang naipakan nani kabia, batana laikaia tânka sika, yang prîski ban kaia bara ai kiamka nani sut ra sin.”

Aiseya 10:27

Baha piua ra ban takbia wirhikam nani pamhpaya ra sunan ba, sakan kabia; namna dusa ra raskaika dusa wilkan ba sin.”

Libait Lâka 21:10

“Prîs tara ba lal ra batana laikan ba mita, sunu daukan ai prâka ba dimaia, baha ba mita ai tâwa ba auban ban kabia, ai prâka ba sin kalkan kabia apia, sari tukinka ba bri kabia apia;

Libait Lâka 23:20

Prîs ba baha daiwan nani ba, britka ba, insla pata mâ nani pas bara sîp luhpia wâl ba bribia, bara prisant painkira dauki Dawan ra yabia. Dawan ra holikira daukan kabia prîs ba dukiara.

Libait Lâka 6:16

Bara plun nani kau angkras, tâka swin ba lika, Eran ra yabia bara luhpia nani ra sin. Ningkara sunu daukan iwaika kum ra iwi pibia, Dawan wal aisaia watla latka ra.

Libait Lâka 6:18

Naha lâka daukan na, Eran kiamka nani prîs aimaki kabia ba piua sut, lâka na kulki ban kabia, Dawan ra plun nani prisant yaban, angkan tâka kau swin ba, baha witin nani piaia bribia. Dîa dîa diara wala nani baha prisantka nani kangbia kaka dukia ba sin, sunu kulkan kabia.”

Libait Lâka 6:20

“Eran bara ai kiamka nani sin prîs lâka ra mangki ba yua ra, prisantka nani ba Dawan kaiki ba ra brih balaia sa: plawar kau pain ba wina paun wâl, plun laya prisantka yaia daukan ba, bamna titan bara tutni ra prisantka yabi ba sin bri balbia.

Libait Lâka 6:26

Baha prîska baha sakripaiska daukan ba, daiwra wîna ba, witin piaia sip sa, sakuna tint watla latka ra sunu pliska kum ra iwi pibia.

Libait Lâka 7:14

Prisant nani sâtka kumi bani Dawan ra yabaia brih balan ba, baha bani wina wirâ bribia, Dawan ra prisantka yabia, bara kli wal uplika takaia kupia kumi daukaia, tâlia ni srikbaia sakripaiska ba lika, prîs daukaia kabia.

Libait Lâka 7:28

Dawan ba Moses ra aisi, naku win:

Libait Lâka 7:6

Bara prîs nani sut ba baha ba piaia sip sa, sakuna plis holikira kum ra daukaia sa, kan baha ba diara holikira pali kum sa bamna.

Libait Lâka 8:30

Baha ningkara altar pura ba wina yamni munaia batanka laya ba, tâlia ba sin wirâ lupia brin, bara Eran purara, luhpia waitna nani lal purara sin srikban, prâka nani ra sin srikban.

Kulki Kaikanka 18:9

Plun mâ sâtka nani prisantka, saura daukan ba sakripaiska daukaia prisantka, swakwanka nani daukan ba sakripaiska daukaia prisantka yang ra angki aikaia Israel luhpia nani brih balbia ba, baha sut ba man bara luhpiam waitna nani dukiam sa.

Kulki Kaikanka 5:9

“Prisantka nani sut Israel luhpia nani Dawan ra yaban ba, baha lika prîs briaia sa.

1 Korint 9:13

Man nani kaikisma tempel warkka dauki uplika nani ba, tempel wina ai pata pîsa. Wibia kaka, baha nani altar ra sakripais nani dauki yabi banhwi ba, bahara daiwan nani iki sakripais dauki yabi ba wina, wîna ba pi banhwaia sip sa.

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Kli Smalkanka 12:6

Bahara witin ai nina ra luki daiwan nani angki sakripais dauki kama, bara matawalsip mânka nani, mihtam warkka, wan kupia wina prisantka nani brih wama, baku sin daiwram tawahkia nani wina sin.

Kli Smalkanka 18:1

“Libai kiamka wina prîs warkka ra mangkan nani ba, wibia kaka Libai kiamka sut ba, witin nani Israel tasbaya ra tasba briaia apia sa. Sakuna sakripais nani Dawan ra yabi ba, Dawan briaia sakripaiska nani ba witin nani ra yabi kabia.

Kli Smalkanka 26:13

Dawan Gâd lamara mai kaiki ba ra aisama: ‘Yang dâkri ba waitla wina pat sait ra lakri sa yamni munaia dukiara. Bara Libait nani, tringsar nani wan kuntrika ra iwi ba ra pat baiki lakri sa, bara piarka nani, rau nani wan tilara ba sin man lâmka wan wiram ba daukbia.

Hibru Nani 1:9

Man ba kasakka lâka ba latwan kaikram, bara saura lâka ba misbara kaikram; ba mita sika, Gâd, man Gâdkam ba mita bâk mai saki, uplika wala nani wal, man ra kau lilia tara maikan.”

1 Jan 2:20

Sakuna Kraist mita man nani ra Spirit Holikira maikan sa, bara baha mita man nani sut diara tânka kaikaia lâka brisma.

1 Jan 2:27

Sakuna man nani lika Spirit Holikira Jisas Kraist wina maikan ba brisma; baha mita upla wala mita mai smalkaia apia sa, kan Spirit Holikira ba diara nani sut mai smalkisa, bara dîa witin mita smalki ba kunin apia, rait pali sa. Baku bamna, Spirit Holikira mai smalkan ba kat, Kraist wal asla ban bas.