Kulki Kaikanka 18:5 - DAWAN BÎLA AISKA

⁵ Man nani baman mihtam ra sa, holi pliska ba ra, kîa pain angkaia ba, altar ba sin. Baku daukma ba ra, Israel luhpia nani mapara kli kupi baikamna apia.

Kulki Kaikanka 18:5 ပူးပေါင်းရင်းမြစ်များ

1 Kronikas 23:24

Naha nani sika Libai kiamka nani ba, taika nani ba kat nina nani ba ulbi mangkan, taika nani nina ulbi mangkan ba tilara, mani yawanaiska bri ba wina purara, baha nani ba tempel ra wark lalka nani kan.

1 Kronikas 23:32

Witin nani ai mihta ra kata tint watla, Dawan wal aisaia tintka watla kan ba, bara sunukira pliska ba. Tempel ra wark dauki kan ai muihni kulkan kiamka nani ba aikuki, Eran kiamka nani ba sin.

1 Kronikas 24:5

Witin nani kumi bani ai mânka ai tila kat dîa warkka daukaia kan ba kat brih banhwan, kan Eleazar bara Itamar kiamka nani ba sin wark sunu dadaukra nani kan, bara witin nani Dawan warkka ba dauki banhwan.

1 Kronikas 9:19

Salum, Coré luhpia, Ebiasaf luhpia kan ba, Coré luhpia kan ba, bara ai muihni nani Coré uplika nani ba, holi pliska ra dimi waia durka ba main kaiki kan, kainara ai almukka nani Dawan pliska main kaiki kan baku.

1 Kronikas 9:23

Baku sika naha nani ai luhpia nani aikuki, ai piua kat Dawan watla durka ba aihwaki main kaiki kan, tânka ba lika, Dawan wal aisaia pliska holi ba.

1 Kronikas 9:33

Baku sin aiwawanra nani bâra kan, Libait nani tilara lalka kan ba, witin nani ba takaski kan Dawan watla bilara, rum kum ra; wark wala nani daukras pali kan, witin nani ba kakna bara tihmia baha warkka ra ban kan ba mita.

Impakan Sturka 27:21

Eran ai luhpia nani wal, lamp angkaia warkka ba bribia; baku mika Dawan wal aisaia tintka watla ba ingni ban kabia tihmia aiska, Lâ auhbaia watla kutban ra bara baku sin lata tani ra kabia. Naha na lâ kum Israel luhpia nani, kiamka sut lâka ban kaia ra kabia.

Jirimaya 23:15

Baha mita yang, Dawan karnika sut brisna, prapit nani ba mapara naha aisisna: Diara tahpla pali kum man nani piaia maikaisna; puisin laya maikrika dima, kan Jerusalem prapitka nani ba mita tasbaya na aiska ra saurka lâka ba yakaban.”

Isikiel 44:15

“Libait nani prîs takan Sadoc kiamka nani ba, tempelka ra ban wark dauki kan Israel luhpia nani tnaya ra taki wan ba ra, sip kabia laimara balaia duki daukaia. Witin nani maiwanra balbia bara batanka nani ba tala ba sakripais dauki aikbia. Yang, Dawan ba, baku adar yabisni.

Isikiel 44:16

Tempelki ra sin dimaia sip kabia, altarki lamara balaia sin warkki daukaia, bara witin nani bubia warkki ba dauki kaia.

Libait Lâka 10:6

Baha ningkara Moses bal Eran ra, ai luhpia nani Eleazar bara Itamar ra sin win: —Man nani kumi sin, tâmwa slingwan kabia apia, prâmka sin kalkma apia sari mai dauki baku; man nani baku daukma kaka pruma, bara Gâd kupia baiwanka upla nani purara balbia. Sakuna sari pali takan kabia ba lika, kiamkam nani ba, Israel luhpia nani sut, baha pauta klauhan Gâd blikan, witin nani angkan ba dukia.

Libait Lâka 24:3

Eran baha lampka nani ba ridi dauki kabia, Dawan kaiki ba ra swibia tihmia aiska daskras ingni ba bâra ban kabia, tint watla ba bilara lâ nani auhbi swin ba watla lamara, kwala paman ba lamara upla nani ra ingni yabi kaia; naha lâka na man nani kulki ban kama yuam nani sut, luhpiam nani ra sin smalki kama.

Sakaraya 10:3

Baha mita Dawan naku aisisa: “Lawanki na buki klauhan sa sepad nani mapara, bara uplika nani tâ bri nani ba klala yabamna.” Dawan, karnika sut bri ba, ai daknika Juda kiama nani ba, aihwaki kaikisa, witin nani ba aiklabaia araska karnakira baku daukbia.

Kulki Kaikanka 1:50

Libait nani ba lika Dawan wal aisaia tintka watla ra wark nani daukaia swis, bara tint watla ra diara nani bâra ba sut main kaiki kabia. Witin nani mita tint watla ba twilki brih wabia, dîa dîa warkka wala nani daukaia bahara ba baha warkka nani ba daukbia, bara tint watla lamara takaski kabia.

Kulki Kaikanka 1:53

Libait nani ba lika wal lâ daukan tintka watla latka tani ra takaski main kaiki kabia, baku mika Dawan lawanka Israel daknika nani purara âpu kabia.”

Kulki Kaikanka 16:46

Bara Moses mita Eran ra win: —Kîa pain angkaika brisma ba wih bri bal, bara altar ba wina masku nani saki mangks, bara kîa pain nani sin mangks; baha ningkara upla nani bâra ba kat plapi was, Gâd ra makas, naha uplika nani pâtka ban swih tikbia. Kan Dawan lawanka ba pat aula sa; kaiks, pât tara ba pat tâ krikan sa.

Kulki Kaikanka 18:4

Tint watla bilara dîa warkka daukaia bâra kabia ba, man bui witin nani wal aikuki asla daukma. Sakuna kiamka wala uplika kumi sin, man nani lamamra wabia apia.

Kulki Kaikanka 4:18

“Ban swirka Quehat kiamka taika nani ba, Libait nani tilara bal prui tiwbiara.

Kulki Kaikanka 8:19

Bara Libait nani ba Israel luhpia nani tila wina prisantki baku Eran ra ai luhpia nani ra yâri, bara tintka watla ra Israel luhpia nani nina ra wark dauki kaia, bara Israel luhpia nani ba yaka Dawan wal uplika takaia lâka ba alkbia, baku sin Israel luhpia nani tilara klala briaia âpu kabia, Israel luhpia nani holi pliska lamara wabia piua ra.”

Kulki Kaikanka 8:2

“Eran ra wis, lamp nani ba angkbia ba ra, ingnika ba param ra kabia lampka mina ba mawanra.”

1 Timoti 1:18

Luhpi Timoti, naha lâka na man mihtam ra mangkisna, kasak lukan lâka wal bara sinskam pain brih, aiklabanka yamni ba aiklama, wan muihni nani Gâd nina brih, patitara man dukiamra aisi banhwan ba kat. Upla tila ba, ai kupia dara lukra ra bîla wali daukras ba mita, ai kasak lukan lâka ba sauhki tikan sa.

1 Timoti 3:15

yang na kau takaskamna kaka, kaiki kama yawan na Gâd uplika nani tilara nahki daukaia ba, baha sika Gâd rayakira sertska ba, bara baha sertska mita sika kasak tânka ba tâ baikisa bara kaina kahbisa.

1 Timoti 5:21

Gâd mawanra, Dawan Jisas Kraist bara ai insalka holikira nani mawanra sin, man ra mai taibi mai wisna naha smalkanka nani na bîla wali dauki kama, dîa dîa daukisma ba ra upla kumi ra kau saura luki, apia kaka upla wala ra kau pain luki baku lika daukma apia.

1 Timoti 6:20

Timoti, dîa mihtam ra mangkan ba pain main kaiks. Tasba lâka bîla nani, bahki baman ba, tanis bara sins lâka wi ba, sakuna kunin aisi ba, man bîla walpara.