Kulki Kaikanka 18:32 - DAWAN BÎLA AISKA

³² Ani piua diara kau yamni ba yang ra aikaia sâkbia ba ningkara, dîa kau tawbia ba, witin nani pibia. Bara saura tâski kulkbia apia, baku dauki kabia bara Israel luhpia nani diara prisant aiki ba sunu kulkan kabia. Bara prura pâtka ra sin, witin nani ra alkbia apia.”

Kulki Kaikanka 18:32 ပူးပေါင်းရင်းမြစ်များ

Impakan Sturka 28:43

Eran bara ai luhpia nani ba sin dras dimi tint watla kutbanka ra, apia kaka Holi Pliska ra sin dimbia, altar lamara waia kaka sin baha dimi wabia, witin nani prîs warkka dauki ba piua ra, ai swira ba yukukras dimi pruaia apia ba tâwan. Naha lâka na witin kulki ban kaia, ai kiamka nani sin kulki ban kabia, naha lâka na ban kabia ai kiamka nani kat.

Libait Lâka 19:8

Ya baha wîna pibia ba watawi lâka mana ba twilkbia, upla nani tila wina sin mawan tikbia, Dawan yamnika ba tâski daukan bamna.

Libait Lâka 22:2

“Eran ra bara ai kiamka nani ra sin wis, Israel luhpia nani yang ra diara aikaia brih aula ba, witin nani aman kaiki kaia sa, yang nini sunu ba sauhkaia apia tâwan. Yang sika Dawan.

Malaquía 1:7

Angki aikaia pata nani saura kulkan ba, man nani ban altarki ra bri sal aikisma, bara kau maikabi walisma: ‘¿Yang nani dîa daukri kupiam sauhkaia?’ Man nani bahki ai kulkisma, kan lukisma diara apia sa altarki ba bahki kulkaia;

Kulki Kaikanka 18:22

Israel uplika wala nani ba sip apia sa tint watla holi pliska ba lamara waia, kan saurka dauki ban wabia kaka, sip sa pruaia.

Kulki Kaikanka 18:31

witin nani piaia sip sa, ai luhpia nani aikuki, ani anira kabia, iwi piaia sip sa. Baha ba lika witin nani tint watla ra wark taki ba mana kabia.

Kulki Kaikanka 19:1

Dawan bui Moses bara Eran ra aisi, win:

1 Korint 11:27

Baku bamna, ani uplika baha britka ba pi, kapka ba wina di Dawan ra kulkras natka ra bribia kaka, witinka ba Dawan wîna tara mapara bara tâlia mapara sin pâtkira sa.

1 Korint 11:29

Kan witin baha ba pi bara di ba ra, Dawan wîna tara tânka ba pain kaikras sa kaka, ai wîna ra pâtka dingkaia dukiara baha ba pîsa bara sin dîsa.