Kulki Kaikanka 18:24 - DAWAN BÎLA AISKA

²⁴ Witin nani briaia yâri sa, Israel luhpia nani ai pata mâ wina matawalsip mânka ba ai prisantka bri sal aikaia ba briaia. Baha mita sika yang wîri, witin nani ai dukia wisi tasba kum saki briaia apia sa Israel luhpia nani tilara.”

Kulki Kaikanka 18:24 ပူးပေါင်းရင်းမြစ်များ

Nihimaya 10:38

Libait nani tempel ra ai dukia matawalsip wina kumi ba briaia wabia bara prîs kum Eran kiamka wina wabia bara kaiki kabia. Baha ningkara, Libait nani mita Gâd tempelka ra diara auhbaika watla ra matawalsip bani wina kum yabaia ba, bri si swin kabia, baha wina kli matawalsip mânka ba wahbi saki brih wabia.

Nihimaya 13:12

Bara Juda uplika nani sut, diara auhbaia watla nani ra, plawar wina, wain bara batana laya wina matawalsip mânka ba saki bri balan.

Libait Lâka 27:30

“Tasba wina plun mâ nani sâkma ba, dus mâ nani sut ba Dawan dukia bamna 10 bani ba wina kumi ba, Dawan ra yama, baha kumika ba bâk sakan witin ai dukia.

Kulki Kaikanka 18:25

Dawan ba Moses ra aisi, naku win:

Kulki Kaikanka 18:26

“Libait nani ra wis, Israel luhpia nani yang ra aikaia plun mâ nani matawalsip mânka bri balbia ba wina witin nani bribia, bara baha nani yang mita ai dukia wisi yâri ba wina, matawalsip mânka ba saki yang ra aikbia.

Kulki Kaikanka 26:62

Libai kiamka waitna nani sut, kati kumi bri ba wina ai purara ba kulkan 23,000 waitna nani kan. Witin nani Israel kiamka wala nani ba tilara kulkras kata, kan witin nani ra tasba pîs kumi sin yaras kan bamna.

Kli Smalkanka 10:9

Baha mita, Libait nani ai muihni nani wal baku diara briras, kan Dawan ba witin nani ai dukia brin, Dawan witin aisin ba baku.)

Kli Smalkanka 26:12

“Mani yumhpa bani, matawalsip wina prisantka bri balaia, plun mâ bani wina matawalsip tnaya ra lakram ba wina Libait nani ra yaram ba, bara tringsar nani tawankam ra iwi ba, rau nani ra, piarka nani ra yaram ba witin nani want ba kat uplikam nani tilara pibia.

Jasua 13:14

Moses mita Libai kiamka ra tasba yaras, kan naha dukiara Dawan ra ai prisantka angkaia kulki ba lâka kat, Israel Gâdka witin mita wisata ba baku.