Kulki Kaikanka 18:12 - DAWAN BÎLA AISKA

¹² Baku sin yang maikisna, Israel luhpia nani mani bani mâ tawahkia sal aiki ba, batana kau pain aiki ba, wain kau pain ba bara plawar mâ kau pain nani aiki ba sin.

Kulki Kaikanka 18:12 ပူးပေါင်းရင်းမြစ်များ

Blasi Sturka 27:28

Bamna Dawan diwas laya kasbrika pura wina maikbia, tasba wina mâ kau yamni nani ba ailal, plawar, wain mâ ailal,

2 King Nani 4:42

Baha ningkara Baal-salisá wina waitna kum balan, bara Ilaidsa ra yabaia barli mâ britka angki sakan ba wina 20 brih balan, baha purkara plawar kura singban ba sin diara watla kum. Bara Ilaidsa ai albika ra win: —Baha upla nani ra yas pibia.

2 Kronikas 31:5

Lâka ba mahka param takan ba ra, Israel luhpia nani diara ailal brin ba wina yan: wain, batana laya, nasma bara diara sâtka sut mangkan pâwan ba wina sin. Baku sin, matawalsip wina kum ba brih balan mâ sât bani sakan ba wina.

Lawana Nani 81:16

Bara Gâd ai uplika nani ra plawar mâ kau pain ba wal dakakaia kan, bara nasma wail ba wal ai diranka daskaia kapri.

Impakan Sturka 22:29

“Wain mâ nani, insla pata nani sut sakisma ba wina, yang ra prisantka sal aikaia ba wina, tumi takaski kapara. “Luhpiam waitna tawahkia ba sin,

Impakan Sturka 23:19

“Patam mâ tawahkia kanra yamni nani ba, Dawan tempelka watla ra brih waia sma. “Guts lupia ba, ai yaptika tialka laya ra mangki piakpara.

Impakan Sturka 34:26

“Man nani plun mangkram ba wina tawahkia mâ kau pain ba, Dawan Gâdkam watla ra brih waia sma. “Guts lupia nani ba, yaptika tialka laya ra piaki banhpara.”

Isikiel 44:30

Baku sin prîs nani ba, tâura mâ kau yamni ba bribia bara prisantka nani ba sut. Bara man nani brit akbram, kau yamni ba witin nani ra yama. Baku yamni munanki lâka ba, man nani wamtla bilara kabia.

Libait Lâka 2:12

Man nani sip sma îs bara nasma laya nani bri balaia, Dawan ra prisantka yabaia, disang mâ nani baku, sakuna altar purara kîa pain Dawan pain kiawali ba prisantka dauki ba baku lika apia.

Libait Lâka 2:14

“Insla ra barli mâ sâtka nani laya dingki ba wina Dawan ra prisantka yabaia bri aulma kaka, mâ tilwi lupia nani ba kâki, wahbi plawarka dauki bri balaia sma, plun mâ disang nani ba drusbi baku daukaia sa.

Libait Lâka 23:17

Wamtla wina plawar brit dauki angkan kau pain ba, îs mangki daukan britka ba wâl brih wabia. Britka kumi bani ba 8 paun bri kabia, baha britka ba sika plun disang mâ nani sakan ba wina prisantka Dawan ra yaia.

Libait Lâka 23:20

Prîs ba baha daiwan nani ba, britka ba, insla pata mâ nani pas bara sîp luhpia wâl ba bribia, bara prisant painkira dauki Dawan ra yabia. Dawan ra holikira daukan kabia prîs ba dukiara.

Kli Smalkanka 18:3

“Upla nani, bîp nani sîp nani sakripais dauki ba wina prîs nani briaia ai raitka bri ba: nina dusa ba, kmakmaya ba, kuhma ba,

Kli Smalkanka 18:4

plawar nani mâ tawahkia wina, wain wina, batana laya, bara sîp nani tawahkia tâwa wina sin;

Kli Smalkanka 26:2

tasbaya wina plun mâ tâura dâkma ba, watlika wala ra brih was, Dawan Gâdkam ai nina bâra kaia pliska sakan ba ra.

Kli Smalkanka 32:14

bîpkam nani wina tialka laya bara kwahadu mai dakakan, sîpkam lupia wîna kau pain ba maikan piram, Basán sîpka wina guts wainhka nani sin; plawar mâ kau pain ba sin piram, wain sin diram, wain tâlia ba wina sin.