Kulki Kaikanka 18:1 - DAWAN BÎLA AISKA

¹ Dawan mita Eran ra win: “Man bara luhpiam nani aikuki, Libai kiamka daknika uplika wala nani ba sin, holi pliska ba mapara saura daukbia kaka, baha pâtka ba man nani puramra kabia. Sakuna man bara luhpiam wal, prîs warkka dauki si saura daukma kaka, saurka pâtka ba man nani baman lamla purara kabia.

Kulki Kaikanka 18:1 ပူးပေါင်းရင်းမြစ်များ

Impakan Sturka 28:38

Bara baku Eran lal wilkaika ra ulbanka ba bâra ban kabia, bara Israel luhpia nani Dawan ra diara yabaia lâka ra pirwi ba, baha wirhika ba Eran twilki kabia. Witin nani ai prisantka brih aula ba ra, baha ulbanka ba mita Dawan baha prisantka ban bribia.

Aiseya 53:11

Ai sulka sari, pât ailal brin ba ningkara, ingni ba kaikbia, bara ai âuyapah takbia; Dawan napakan kasakkira ba, upla ailal ra kasakkira kulkbia bara sin pri sâkbia, bara ai watawanka nani ba twilki brih wabia.

Aiseya 53:6

Yawan nani sut, sîp baku wan mawahkan, kumi bani ai yabalka ra tawi wan; sakuna Dawan ba, yawan nani sut wan saurka ba, witin ai purara sunan.

Isikiel 4:4

“Baha ningkara man smihkam tani ra aitnikma bara Israel saura daukan ba puramra brima. Man smihkam tani ra baman aitniki kaia sma, witin nani saurka ba man puramra kabia

Libait Lâka 10:17

—¿Dîa kan man nani saura daukan sakripaiska ba, holi daukan pliska kum ra dimi iwi pih banhras kapram? Baha ba holi pali daukan sa, bara Dawan bui baha man nani ra maikan, baku dauki upla nani saurka daukan ba, man nani twilkaia, bara Dawan wina witin nani ai saurka swin tikan lâka ba bribia.

Libait Lâka 22:16

Baha pata piaia uplika nani ba swika ban pibia, bara pâtka ba witin nani twilkaia. Yang sika ai Dawanka, witin nani sunu daukri sa.”

Libait Lâka 22:9

“Wis yang aisari ba prîs nani sut baku daukbia. Bîli walras diara dauki ai purara saurka wirhika kahbiara, bara witin nani prubia apia. Yang sika ai Dawanka, witin nani sunu daukri sa.

Kulki Kaikanka 14:34

Man nani yu yawanaiska wâl baha kuntrika tânka ba yukuwi kaiki kapram; baha baku sin mani yawanaiska wâl pâtkam wirhika ba twilki tauki kama. Yu kumi ba, mampara mani kum takbia, bara yang klailka ba bri banhma.’

Kulki Kaikanka 16:10

Dawan brin daukan man bara kiamkam Libait nani ba sut sin, witin ai lamara kabia. ¿Bara nanara prîs lâka ba sin brin mai daukisa ki?

Kulki Kaikanka 17:13

Upla sut Dawan watla holi pliska lamara auya ba, prui banhwisa. ¿Bara yang nani sut na pruaia sna ki?”

Kulki Kaikanka 17:3

bara Libai kiamka nani kînka ra, Eran nina ba ulbi yama, kan kiamka bani wihtka dukiara kîn kum bâra kaia sa.

Kulki Kaikanka 17:7

Bamna Moses bui baha kînka nani ba sut, Dawan lamara witin kaiki ba ra tint watla ra bri si swin,

Kulki Kaikanka 18:11

“Baku sin yang bui man ra maikisna luhpiam waitna bara luhpiam mairin nani ra sin, witin nani man wal asla iwi kaka, Israel luhpia nani baha prisantka nani saki yang ra brih bal ba wina piaia, naha na lâ kumi piua sut ra ban alki kabia.

Kulki Kaikanka 3:6

“Libai kiamka nani ba paiws balbia, bara wis witin nani ba Eran lamara wark nani daukaia sakri, witin ai adarka ra.

Kli Smalkanka 10:8

Baha piua wina, Dawan mita Libai kiamka ra bâk sakan Dawan lâka auhbaia watla ba brih waia, bara witin ai mawanra kaia mayuni ai nina ra yamni wiaia dukiara, naiwa yua kat ban dauki ba baku.

Hibru Nani 13:17

Man nani tâm bri uplika nani ba bîla wals, bara ai adarka nani kat dauki bas. Witin nani sika ris âpu pali sulkam nani main kaiki ba, kan kaikisa ai warkka daukan ba tânka Gâd ra saki aisaia sa. Witin nani bîla walma kaka, ai warkka nani ba liliakira daukbia, sarikira lika apia; kan baku daukma kaka, baha ba man nani mampara hilp kumi sin apia kabia.

Hibru Nani 4:15

Bamna wan prîska tara ba mita yawan wan swapnika nani bri ba dukiara umpira wan kaikaia sip sa, kan witin pali sin yawan baku traika kaikanka sât sât brin, sakuna saurka lika daukras kan.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

Wihta Nani 17:12

Micaías Libait ba ai prîska brin, bara prîs ba witin watla ra takaskan.