Kulki Kaikanka 17:2 - DAWAN BÎLA AISKA

² “Israel luhpia nani lalka bani ra wis, witin nani, kumi bani kîn kumi brih balaia, bara asla lika 12 kîn kabia. Bara man mita witin nani bani nina ba kînka ba ra ulbi yas,

Kulki Kaikanka 17:2 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

2 Kronikas 31:17

Prîs nani ba utla dawanka bani ra nina mangkan, bara Libait nani lika mani yawanaiska kum wina ai purara nina ba mangkan kata, ai warkka bara ai piua kat.

Lawana Nani 110:2

Saion wina, wapaikam dusa ba, Dawan maikisa baha karnika brisma ba sainka. ¡Waihlam nani ba taibi bas!

Lawana Nani 125:3

Wihta tara saura ba, ai tasbaya ra ban tâ bri kabia apia, Gâd bui ai uplika ra tasba yaban ba watawan lâka ra ai uplika nani praptis munbia apia.

Impakan Sturka 30:26

Baha batanka ba ni holi pliska bara lâ nani auhbaika watla ba purara laikbia,

Impakan Sturka 4:17

Naha kîn na brih was, kan baha ni diara aihkakira sirang wan ikaia dukia nani daukaia sma bamna.

Impakan Sturka 4:2

Bara Dawan pana aisin: —¿Baha mihtam ra brisma ba dîa sa? Moses win: —Kîn kum.

Isikiel 19:14

Tnawa wina pauta klauhan kum takisa, slaunhka urhwi ba ra mâ ba âpu daukisa. Tnawa karna kau âpu sa, king iwaika takaia.’ ” (Naha prura lâwanka sa, bara prura nani dukiara baku kabia.)

Isikiel 21:10

Mala daukan sa, ikaia dukiara, lipni daukan sa ingnika ba biulwaia dukiara;

Isikiel 21:13

Yang, Dawan, kasak aisisna.’

Miqueas 7:14

¡Dawan, uplikam nani ba aihwaki kaiki bas, witin nani sika man sîpka daknika nani pali sa bamna! Il tara nani tilara yakan iwisa, tasba disang nani tilara. Basán, Galaad twiya tasbaya ra brih was kaina piua ra kata baku.

Kulki Kaikanka 17:1

Dawan ba Moses ra aisi, naku win:

Kulki Kaikanka 17:3

bara Libai kiamka nani kînka ra, Eran nina ba ulbi yama, kan kiamka bani wihtka dukiara kîn kum bâra kaia sa.

Kulki Kaikanka 7:1

Baku bamna, Moses tint watla ba buki mâki danh takan ba ra, altar ra kan ba sut, utla bara diara nani bilara kan ba, purara batana laiki holikira daukan.