Kulki Kaikanka 16:5 - DAWAN BÎLA AISKA

⁵ bara Coré nina blablikra nani ra sin win: —Yauhka titan ra Dawan mita mamrikbia yamna witin ai uplika sa bara yamna sin sunukira sakan ba, witin nani ai lukanka yamni diara bri sal yabaia. Yamna witin mita bâk sakan ba kaikma, baha nani baman ai mawanra balbia altar ra.

Kulki Kaikanka 16:5 ပူးပေါင်းရင်းမြစ်များ

Lawana Nani 105:26

Bara ai napakanka Moses ba blikan, Eran, witin ba bâk saki brin uplika ba sin;

Lawana Nani 115:10

Prîs nani Dawan kat kasak luki bas: witin sika hilp wan munisa, bara wan kan kahbisa.

Lawana Nani 65:4

Yamni pali sa, baha uplika man bâk saki briram ba; brih wama man lamara bâra iwi kaia, man tempelkam rumka bîla nani ra. ¡Banhki wan dauks, man wamtla ra diara kau pain brisma ba ni, man tempelkam watla holikira bilara ba wal sin!

Impakan Sturka 28:1

“Muihkam Eran paiws lamamra balaia. Ai luhpia waitna nani ba sin witin nani ba Israel luhpia nani tila wina, yang prîski nani kabia. Eran luhpia nani ba Nadab, Abihú, Eleazar bara Itamar.

Impakan Sturka 28:41

“Baha sât prâka man muihkam Eran ra, luhpia waitna nani ra dimaia yabaia sma. Bara baha ningkara witin nani lal ra batana laikma, tânka ba witin nani ba yang prîski aimaki kaia karnika yabisma upla sut mawanra.

Impakan Sturka 28:43

Eran bara ai luhpia nani ba sin dras dimi tint watla kutbanka ra, apia kaka Holi Pliska ra sin dimbia, altar lamara waia kaka sin baha dimi wabia, witin nani prîs warkka dauki ba piua ra, ai swira ba yukukras dimi pruaia apia ba tâwan. Naha lâka na witin kulki ban kaia, ai kiamka nani sin kulki ban kabia, naha lâka na ban kabia ai kiamka nani kat.

Jirimaya 30:21

Witin nani ai tila wina wihta sâkbia: wihta tara kum witin nani tila wina bal takbia. Yang laima kat balaia daukamni, bamna, ¿ya kupias taki laimara balaia sip sa? Witin nani ba yang upliki nani kabia, yang sin witin nani ai Gâdka kamna. Yang, Dawan, kasak aisisna.”

Jirimaya 49:19

Yang kakalni balamni, Jordan awala ra unta tila wina layan kum taki aula ba baku, witin bal taki auya inta wahia pâwi ba tasbaya kat, Edom uplika nani ba munrika baha wina plapbia, ban sakuna uplika ba yarka bahara wihta aimakbia. Bamna, ¿ya yang wal prakaia sip sma? ¿Ya bal yang, maiwanra buaia sip sa? ¿Ani sepadka ba yang maiwanra bal bapi buaia sip sa?

Jirimaya 50:44

“Yang kakalni balamni, Jordan awala unta tila wina layan kum taki aula ba baku, witin bal taki auya twi kura sangni baman pâwi ba tasbaya kat, Babilon uplika nani ba munrika baha wina plapbia, bara yang bâk sakuna uplika ba yarka, bahara wihta aimakbia. Bamna, ¿ya yang wal ai prakaia sip sa? ¿Ya bal yang maiwanra buaia sip sa? ¿Ani sepadka ba yang maiwanra bal bapi buaia sip sa?

Isikiel 40:46

baha rumka wala yahbra tani ra kaikisma bara sin prîs nani altar ra wark dauki nani ba dimaia. Sadoc kiamka nani ba baman prîs warkka dauki kabia sa, witin baman sip sa Dawan lamara waia.”

Isikiel 43:19

Libait wina prîs nani Sadoc kiamka, baha nani kabia laimara balaia duki daukaia, sîp lupia kum yabamna sakripais daukbia saurka nani ba tâwan. Yang, Dawan, baku adar yabisna.

Isikiel 45:4

Baha tasbaya pîska ba prîs nani ra yan kabia, Dawan tempelka ra wark taki ba nani ra, witin nani lamara bal warkka ba daukaia. Bahara witin nani ai watla paskaia pliska bri kabia. Bâk sakan pliska kum kabia tempel lamara.

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Libait Lâka 8:2

“Eran bara luhpia waitna nani ba bris, bara baku sin prîs prâka nani ba bris, laiki sunu dauki batanka ba, saura daukan mana sakripais daukaia bîpka wainhka luhpia ba, sîp wainhka nani wâl ba bara pân sirpi ra îs mangkras britka nani ba bris,

Malaquía 3:18

Bara man nani aima wala ra tânka brima yamni ba saura ba wal tânka aihka ba, Gâd ra mayuni ba, Gâd ra mayunras ba tânka.”

Kulki Kaikanka 16:3

Witin nani sut asla taki banhwan ba ra, Moses wihki Eran wal mapara naku aisin: —Naha kat ba aitani sa, man nani wal. Upla sut ba Gâd mita sunu atia sakan sa, bara Dawan sin yang nani wal sa. ¿Bara dîa muni man nani baman kau karnika bri baku Dawan uplika nani purara aimakisma?

Kulki Kaikanka 16:6

Bamna man nani naku dauks: kîa yamni angkaia watlika Coré bri ba, wala nani bri ba sin bri bal,

Kulki Kaikanka 17:5

Bâk wahbi sakri waitnika kînka ba, yarka pâwbia, bara baha kaiki Israel luhpia nani kli maiwanra man nani dukiamra saura aisabia apia.”

Kulki Kaikanka 17:8

Yapra wala, Moses tint watla ra wan ba ra, witin kaikan Eran kînka, Libai kiamka nani witniska bâra ba, urhwi takan bara tangnika baiwan kan, bara amans pâwan nani bâra kan.

Jan 15:16

Man nani mita yang na bâk saki ai briras katma; sakuna yang mita man nani ba bâk saki mai briri, bamna man nani mahka taki wih mâ ailal sâkma ba dukiara, bara baha mâ sin ban kaia. Baku lika dîa dîa yang nini mâki Aisa ra makama ba sut maikbia.

Apastil Nani Sturka 1:2

ban kasbrika purara uli wan ba kat. Ai apastilka nani wahbi saki Spirit Holikira bâk smalkan, dîa pali sika witin nani daukaia kan ba.

Apastil Nani Sturka 1:24

Witin nani baha dukiara naku ai pura sunan: “Dawan, man baman sika upla nani kupia tânka kaikisma ba; wan mariks naha waitna wâl na wina, ani pali ba man bâk sakram

Apastil Nani Sturka 13:2

Yu kum naha uplika nani Gâd ra luki plun piras kira Dawan ra mayunan kan ba ra, Spirit Holikira naku win: “Man nani Bernabé bara Saulo wal ba saki aik, baha warkka daukaia yang bui witin nani paiwri ba.”

Apastil Nani Sturka 15:7

Pana pana kasak aisi blahwan ningkara, Pita buan, bara naku aisin: —Muihni nani, man nani pain kaikisma, nahki Gâd mita man nani tilam wina bâk ai saki ai brin, Ju apia nani ra sin swaki sakan lâka sturka ba smalkaia, baha nani sin kasak lukbia dukiara.

Apastil Nani Sturka 22:14

Bara witin ai win: ‘Wan damika nani Gâdka ba mita kan piua wina man ba bâk saki mai brin ai kupia lâka tânka kaikaia, bara sin kaikma baha kasakkira ba, ai bîla pali wina sin diara walaia.

Epesus 2:13

Sakuna nanara lika Kraist Jisas wal asla mai prakan, bara Kraist pruanka ba mita, man nani laihura nani katma ba ai lamara mai mangkan.

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

Param Marikanka 1:6

bara yawan na king tasbaya kum bara prîs nani sin wan daukan sa, ai Aisika Gâd warkka daukbia. ¡Bamna prana ba bara karnika ba sin, ban kaia ra witin dukia kabia! Baku kabia.

1 Samuil 2:28

Man nani bâk mai sakri Israel kiamka sut ba tila wina yang prîski nani kaia, altarki purara sakripais brih balaia, kîa yamni angkaia, prîs prâka pîska ba sin dimaia yang maiwanra. Baha purkara damikam nani ra yâri prisantka nani sut Israel luhpia nani angki ba Dawan ra pain kulkan lâka ba yaia.