Kulki Kaikanka 16:39 - DAWAN BÎLA AISKA

³⁹ Baha waitnika nani pauta klauhan mita iki tikan nani ba, kîa pain angkaika watlika bras ni daukan brih balan kata ba, prîs Eleazar bal sut asla wahban, bara win baha nani ni kîa pain angkaia altarka ba pura prakaika paski bribia.

Kulki Kaikanka 16:39 ပူးပေါင်းရင်းမြစ်များ

1 Kronikas 24:2

Sakuna Nadab bara Abihú ba kau ai aisa pruras kan kainara witin nani pas pruan luhpa nani sakras, bamna Eleazar bara Itamar wal prîs warkka alkan.

2 Kronikas 26:18

bara king mapara bûi naku wi banhwan: “King Ozías, Dawan ra sîka mâka kîa pain ni sakripais daukaia ba, man mihtam ra apia sa; baha ba prîs nani Eran kiamka nani ba mihta ra sa. Man taki was naha Dawan wal aisaia watla wina, kan man Dawan mapara saura daukram, ba mita Dawan kulkanka maikbia apia.”

Esdras 2:62

Naha nani ai nina nani wauhkataya ra ulban sapa pliki kaikan kiamka nani wauhkataya ra, sakuna ai nina nani ba sakras kan bamna, prîs nani tila wina tnaya ra lakan.

Kulki Kaikanka 16:38

Baha waitnika nani, kîa pain angkaia watlika nani bri kan ba, witin nani pruan saura daukan ba tâwan. Baha watlika nani ba sunu kulkan sa, kan witin nani lika yang kainira kîa pain daukaia warkka daukan; baha pânka nani ba pruki plit nani dauks altar pura prakaika, bara baha Israel luhpia nani mapa ra smalkanka tara kabia.”

Kulki Kaikanka 16:40

Baha takan ba Israel luhpia nani mapara smalkanka tara kata, bara marikisa sip apia sa kiamka wala kum Eran kiamka wina apia ba, kîa pain angkaia watlika ba lamara waia bara Dawan ra kîa pain angki yaia. Baha uplika ra sip sa, Coré bara ai uplika nani ra dîa takan ba baku takaia. Bara Dawan bui Moses ra dîa daukaia win ba baku, Eleazar mita daukan.