Kulki Kaikanka 16:38 - DAWAN BÎLA AISKA

³⁸ Baha waitnika nani, kîa pain angkaia watlika nani bri kan ba, witin nani pruan saura daukan ba tâwan. Baha watlika nani ba sunu kulkan sa, kan witin nani lika yang kainira kîa pain daukaia warkka daukan; baha pânka nani ba pruki plit nani dauks altar pura prakaika, bara baha Israel luhpia nani mapa ra smalkanka tara kabia.”

Kulki Kaikanka 16:38 ပူးပေါင်းရင်းမြစ်များ

2 Pita 2:6

Sodoma bara Gomora tawanka wal ba, Gâd mita ban swi âpu daukan, bara pauta mita angki yamhpus baman daukan, baha lika naika piua ra upla nani saura lâka ra iwbia nani sut ra latan sampla kum kabia wisi.

Isikiel 14:8

Yang maiwan baha uplika wal prawamna, bara klala kum yabamni upla sut kaikaia, diara kum upla sut aisabia, uplika ba sin upliki nani tila wina sakamna. Bara man nani damra walma yang sika Dawan sna ba.

Sins Lâka 20:2

King kupia baiwanka ba sika, layan ihbi ba baku sa; ya witin kupia baiwan bara tuski ba, witin ai rayaka pali mapara saura daukisa.

Kulki Kaikanka 26:10

sakuna tasba ai bîla kwâkan ba ra, baha nani wâl bara Coré sin langkan. Baha daknika aiska ba sin pruan, kan upla 250 pauta klauhan ba mita ikan. Naha na lika upla raya nani ba mapara kupia kraukanka kum kata.

Abakuk 2:10

Baha daukram ba tâka mita, swiram mai daukaia ba wamtla bilara bri balram, mai sauhki mai tikaia lâka ba man daukram, nisan nani sauhki tikram ba mita.

1 King Nani 2:23

Bara king Salaman naku Dawan ra swer taki, aisin: “¡Gâd klala saura pali aikbia, Adonías naha aisin na mana ai rayaka tikras kaka.

Kulki Kaikanka 17:10

Bara Dawan bui Moses ra win: “Eran kînka ba kli bri si, wal lâ daukan lâka auhbaia watla ba lamara swis. Bahara bri bas, baha ba naha uplika kiamapara nani ra kupia kraukanka kum kabia. Baha kaiki ba ra witin nani maipara saura aisabia apia, bara sin prui banhbia apia.”

1 Korint 10:11

Naha diara nani sut wan damika nani ra takan, bara Ulbanka nani ra mangkan kata, naha tasba yua nani lui waia lamara yawan raya iwi nani ra, baha tânka wan mariki wan kupia kraukaia dukiara.

Sins Lâka 8:36

Sakuna yang wina sait ra takaia ba lika rayakam ba pât ra mangkisma; ¡misbara ai kaikma kaka, prura ra latwan kaikisma!”

Sins Lâka 1:18

baha uplika nani klauna tawi, ai mina ra alkaika kiwka nani paskisa, bara ai rayaka ba pât ra mangkisa.

Kulki Kaikanka 16:40

Baha takan ba Israel luhpia nani mapara smalkanka tara kata, bara marikisa sip apia sa kiamka wala kum Eran kiamka wina apia ba, kîa pain angkaia watlika ba lamara waia bara Dawan ra kîa pain angki yaia. Baha uplika ra sip sa, Coré bara ai uplika nani ra dîa takan ba baku takaia. Bara Dawan bui Moses ra dîa daukaia win ba baku, Eleazar mita daukan.

Kulki Kaikanka 16:37

“Eran luhpia Eleazar ra wis, pauta klauhan tila ba wina kîa pain angkaia watlika nani bras ni daukan ba sâkbia, bara masku klauhan nani kau bras ni daukan bâra ba saki laihura lulkbia.

Kulki Kaikanka 16:39

Baha waitnika nani pauta klauhan mita iki tikan nani ba, kîa pain angkaika watlika bras ni daukan brih balan kata ba, prîs Eleazar bal sut asla wahban, bara win baha nani ni kîa pain angkaia altarka ba pura prakaika paski bribia.

Jirimaya 44:7

‘Baku bamna, Yang, Dawan karnika sut brisna, Israel Gâdka, aisisna: ¿Dîa muni man nani klauna baha mai sauhki tikaia pâtka tara ba puramra bri balaia daukisma? ¿Dîa muni man nani mita Juda uplika nani, waitna, mairin, tuktan nani, bisi baikan lupia nani ba sut pruaia daukisma, upla sut âpu takaia?