Kulki Kaikanka 16:30 - DAWAN BÎLA AISKA

³⁰ sakuna Dawan ai warkka nani daukbia ba ra, tasba kwâki naha waitnika nani ra langkbia, diara nani bri ba sin sut, raya banhwi ba ra tasba mununhtara dimi wabia. Man nani sut mita kaikma, naha waitnika nani na sika Dawan ra bahki kulkan ba.

Kulki Kaikanka 16:30 ပူးပေါင်းရင်းမြစ်များ

Job 31:2

¿Anira sa baha mana, Gâd karnika sut bri ba mita yabi ba, waitna bani ra laih kasbrika purara ba wina?

Job 31:3

¿Ban apia, watawikira bara saurakira nani wal ba dukia sa pât tara briaia ba?

Lawana Nani 124:3

raya wan langki piaia kan, witin ai lawanka tara, yang nani maipara buan ba ra.

Lawana Nani 55:15

¡Prura bui waihli nani ra alkbia! ¡Kau raya kaka raiti ra kauhbia, watawi lâka nani ba, ai kupia ra sa bamna!

Aiseya 28:21

Kan Dawan aiklabia Perasim ilka ra aiklaban ba baku, Gabaón ilka bîla ra aiklabi kan wih kaikan ba baku, ai warkka ba daukaia dukiara, ai warkka aihkakira ba, warkka daukaia win ba yaka daukaia, ai warkka aihkakira ba daukaia.

Aiseya 43:19

Yang diara raya kum daukisna, man kaikma baha naha minitka ra bal takbia. Upla iwras tasbaya ra yabal kum daukaisna bara awala nani diara pâwras tasbaya ra.

Aiseya 45:12

Tasba ba yang paskri bara baha purara upla nani ba sin, yang mihti nani ni kasbrika pura nani ba param sakri, slilma ailalka nani ba sut yâri takan.

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Jirimaya 31:22

¿Ahkia kat tnaya kum wina wala ra waia luhpia mairin kum tiwan baku? Yang, Dawan ba, diara raya daukri naha tasba ra: mairin kum waitna kum ra triswi ba baku.”

Isikiel 31:14

Bara dus kum, lî lamara kabia sin, kli ban pâwbia apia; lî pain laikan kabia sin kasbrika kat tâ ba alkbia apia, bara ban pali pâwi uli wabia apia. Sut ba ban swin sa pruaia; naha tasbaya munhtara iwaia bara asla takaia pat raiti ra nani ba wal.

Kulki Kaikanka 16:31

Moses aisi takaskan ba ra, witin nani bûi kan ba kat tasba ba kwawan,

Kulki Kaikanka 16:33

Bamna witin nani pruras ban diara nani bri kan sut aikuki, tasba ai bîla kwâkan ra kauhan, tasba mununhtara ai dukia nani sut wal aikuki, bara baha ningkara tasba ba kli prawan. Baku witin nani ba Israel luhpia nani tila wina sakan kata.