Kulki Kaikanka 16:29 - DAWAN BÎLA AISKA

²⁹ Naha waitnika nani, upla nani pruaia kan prui ba baku prubia dukiara Dawan mita ai blikras sa;

Kulki Kaikanka 16:29 ပူးပေါင်းရင်းမြစ်များ

1 King Nani 18:36

Mahka wîna aiska angkaia piua aimakan ba ra, prapit Ilayas bui altar ba lamara balan bara win: “Ebraham, Aisak bara Jekob Dawan Gâdka, naiwa yua latan mariks man ba Israel Gâdka sma ba, bara yang na man dukiam dadaukra sna ba sin, man ai wiram ba mita yang naha diara nani sut na daukisna.

1 King Nani 22:28

Kau ban Micaías aisin: “Man raya kli balma kaka, Dawan ba yang bâk aisaras kan.”

2 Kronikas 18:27

Micaías kau ban aisin: “Man pruras raya kli balma kaka, Dawan ba yang bâk aisaras kan.”

Job 35:15

Man bila wisma: “Witin ai kupia sauhkras bara klala sin wankras, witin saurka ra aman tawi kaikras sa.”

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Impakan Sturka 32:34

Bamna nanara, man mahka was, uplika nani ba baha pliska brih waia mai wisatna ba ra brih was. Yang insalki tâm bri wabia. Klala yabaia yua ba balbia ba ra, witin nani saura daukan ba mana yang klala yabamna.

Smasmalkra 3:19

Kan kasakka ba upla bara daiwan wal dîa takaia kan ba kumi sa, bara wala ba sin wâlsut pruisa; kan raya ba wingka puhbra sut sin brisa upla kau tara apia daiwan ba wâlsut ba bahki, bahki pali man sa.

Aiseya 10:3

¿Dîa daukma man nani baha yua ra, diara daukram nani ba sut makabi walbia kaka, bara kaikma klala ba laih wina aula ba ra? ¿Yaura wama hilp makabaia? ¿Anira dukiam kukan ba swima ki?

Jirimaya 5:9

¿Witin nani baha daukan ba yang klala yabaia apia sna ki? Tawan kum uplika nani witin nani dîa daukan ba, ¿yang bui witin nani ra baha praiska kat mana yabaia apia sna ki?

Inanka Nani 4:22

Man klalkam ba danh takan sa, Saion tawanka, Dawan ba kli tasbayam wina priskan lâka ra mai blîkbia apia. Sakuna saurkam ra klala yabia, Edom tawanka, bara saurkam sut ba param ra sakan kabia.

Param Marikanka 11:5

Upla kum mita baha nani ra saura munaia lukbia kaka, witin nani ai bîlak pauta aswan saki ai waihla nani ba angki âpu pali daukisa; bara baku ya ya mita witin nani ra saura munaia lukbia ba, sut prubia.