Kulki Kaikanka 16:2 - DAWAN BÎLA AISKA

² witin nani bui Moses ra saura aisin. Bara baha nani tilara 250 Israel luhpia nani asla takan, baha nani sut ba upla nani tâ wihta aimaki kan. Witin nani ba wala nani ra lâ smalki daknika tilara kan, ai dahra upla sut yamni aisi kan.

Kulki Kaikanka 16:2 ပူးပေါင်းရင်းမြစ်များ

Blasi Sturka 6:4

Baha yua nani ra, upla tara yakura nani tasba ra bâra kan. Gâd luhpia waitna nani bara upla luhpia mairin nani wal prawan ba ningkara, witin nani ai luhpia baikan ba, baku tara yakura baman takan. Baha nani sika, blasi tasba almukka yua ba wina, waitna karnakira nani bal takata ba, waitna karnakira nani, ai nina tara kulkan ba.

1 Kronikas 12:30

Efraín kiamka wina 20,800 war aiklaklabra nani, kupia karnakira nani, ai taya nani tila kat.

1 Kronikas 5:24

Ai pamalika lalka nani kan ba naha nani kata: Éfer, Isí, Eliel, Azriel, Jirimaya, Hodavías bara Jahdiel, baha nani sut ba war waitnika kupia karnira nani kan, upla ailal bui kulkanka yabi kan bara ai kiamka nani lalka sin kan.

Isikiel 16:14

Kulkanka tara pali brisatma nisan sut tilara pramna ba tâka, kan mai skahkanka ba kasak pali kata. Yang, Dawan, kasak aisisna.

Isikiel 23:10

bara witin nani mita sunu kan lâka tikan; ningkara ai luhpia mairin bara waitna nani ai mihta dakban, bara witin nani ra sord malika ba wal ikan. Baku natka ra ai lâka daukan, witin mapara. Bara ai tânka ba tara takan mairin nani tilara.

Kulki Kaikanka 1:16

Naha nani sika Israel luhpia nani ba tila wina uplika sakan ba, ai aisika nani kiamka wihtka nani ba Israel luhpia nani sut tilara.

Kulki Kaikanka 12:1

Meri Eran wal Moses mapara mahka saura aisaia buan, kan witin Etiopía wina mairka ai maya brin ba tâwan.

Kulki Kaikanka 16:35

Baha purkara Dawan pauta klauhan blikan bara 250 upla kan ba sin angki ikan.

Kulki Kaikanka 26:9

bara Eliab luhpia ba Nemuel, Datán bara Abiram. Datán Abiram wal sika Dawan mapara bara Moses wihki Eran mapara buan daknika tâ bri kan Coré aikuki,

Kulki Kaikanka 27:3

“Yang nani papiki ba upla iwras tasbaya ra pruan, sakuna witin ba Coré daknika Dawan mapara buata ba tilara lika apia kan. Witin luhpa waitna sakras kan, witin sin ai saurka dauki pruan.