Kulki Kaikanka 16:13 - DAWAN BÎLA AISKA

¹³ ¿Aitani apia sa ki, tasba kum tialka laya nasma wal lî laiwi baku sakram ba bara nanara upla iwras tasbaya ra wan ikaia daukisma, baha purkara man nani wan tâ uplika aimakaisma?

Kulki Kaikanka 16:13 ပူးပေါင်းရင်းမြစ်များ

Impakan Sturka 1:11

Nanara Idsip uplika nani ba, wark nani pura kakaira mangkan, Israel luhpia nani ra yaka wark karna taki kaia dukiara. Witin nani ra munan tawan wâl paskan: Pitón bara Ramsés. Naha tawanka wâl na sika plun mâ nani apahki suni briaika pliska bri kan ba king fero mita mâkan ba, witin lika Idsip kingka ba.

Impakan Sturka 1:22

Nanara king fero lâ kum daukan ai tasbaya aiska ra, bara naku win: “Hibru luhpia waitna nani nan aisubi takan nani ba sut, Nilo awalka ra lulki banhs, sakuna mairin nani ba lika swirka raya kaia sa.”

Impakan Sturka 16:3

Upla nani ba witin nani ra win: —¡Dawan ba Idsip tasbaya ra iki wan tikan kata kanra yamni kan! Bahara yang nani wîna piakan dakawa lamara iwi pi kapri, wan biara banhki takan ba kat. Sakuna man nani naha upla iwras tasbaya kat, sanglang ni wan iki âpu wan daukaia wan bri balram.

Impakan Sturka 17:3

Ban sakuna, upla nani ba diran dauki kan bamna, Moses mapara karna aisin. Witin nani wi kata: —¿Dîa muni Idsip wina wan sakram? ¿Lî diran bla wan luhpia bara wan daiwra nani sut aikuki, wan ikaia daukram?

Impakan Sturka 2:14

Bara waitna ba pana witin ra win: —¿Man ba ya mita yang nani tilira wihtka kaia mai mangkan? ¿Dîa, yang ra sin ai ikaia lukisma, Idsip waitnika ra ikram ba baku? Moses baha walan ba ra sibrin takan, kan ai dara walan witin Idsip waitnika ikan ba, upla nani pat tânka brin sa.

Impakan Sturka 2:23

Mani nani lui ba tilara Idsip kingka ba pruan. Sakuna Israel luhpia nani lika ban alba lâka munhtara pât saura wahwi kan. Witin nani ini ai mâmna lulki makabi kan ba Gâd walan.

Isikiel 34:18

¿Aitani apia sa, twi kura yamni nani pisma ba wal, kuna minam ra taibisma dîa kau takaskan nani ba? Lî sangni ba disma, bara kau dîa ba minam ni buhutni daukisma.

Kulki Kaikanka 11:20

Sakuna kati kum pi kabia wis, kakma unta bâk takbia, ban ai âuya warbia ba kat. Kan man nani sika Dawan ba bahki kulkram bara witin mawan ra ini wiram: ‘¿Dîa muni Idsip wina wan sakan?’

Kulki Kaikanka 11:4

Witin ai tilara upla kiamka sât wala nani ailal bâra kan, baha nani ba plun piaia dukiara baman luki kan, baha nani mita Israel luhpia nani ba ai lâka ra brih wan, bara witin nani mahka ini aisin: “¿Ani wina yawan upan pibia?

Kulki Kaikanka 11:5

Wan kupia krawisa Idsip ra yawan inska prisant pi kata ba, dus mâ sâtka nani sin yawan pi kan, pipian, milun, inian, gialik sin.

Kulki Kaikanka 13:27

Bara witin nani bui Moses ra win: —Ai blikram tialka laya nasma wal lî laiwi baku ba tasbaya ra, bara naha sika baha dusa mâ nani ba.

Kulki Kaikanka 14:2

Witin nani sut Moses bara Eran wal mapara brukwi saura aisi banhwan. Witin nani aisi kata: “¡Yawan Idsip tasbaya ra pruan kaka kanra yamni kaia kan, apia kaka nâra upla iwras tasbaya ra yawan pruaia!

Kulki Kaikanka 14:3

¿Dîa muni Dawan naha tasbaya ra wan brih balan? ¿Yawan aiklabi prubia bara wan maya nani, wan luhpia nani sut sin silak ra kauhaia? ¡Kau yamni sa, yang nani kli Idsip ra tawi waia!”

Kulki Kaikanka 16:12

Baha ningkara Moses bui Datán bara Abiram Eliab luhpia nani ba sin paiwan balaia. Sakuna witin nani mita pana win: —Yang nani wan ai daukras sa.

Luk 19:14

Sakuna ai kuntrika uplika nani mita misbara kaikan, bara witin ninara upla nani bliki, maisa paki, win: ‘Yang nani want apia sna naha waitnika wan kingka kabia.’

Apastil Nani Sturka 7:35

“Naha Moseska na ra sika Israel luhpia nani mita bahki kulkata ba, naku sin makabi walata ba: ‘¿Man na ya mita wan purara wihta bara lâ dadaukra kaia mai mangkan?’ Baha Moseska sika Gâd mita wihta bara upla pri sasakra baku blikan, insal witin ra latan takan kiaya dusa ra pauta baku klauhi kan ba tilara.