Kulki Kaikanka 15:3 - DAWAN BÎLA AISKA

³ bahara man nani bîp wainhka kum, sîp kum aikma, baha ba angki mayunra dauki aikaia dukiara, aiska angki kîa yamni aikbia. Bahara yang wal aisi lâ daukaia, baha sin kupiam aiska ni baku daukma, man nani yua tara lilia dauki aikisma ba piua ra.

Kulki Kaikanka 15:3 ပူးပေါင်းရင်းမြစ်များ

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

Esdras 7:17

Bara baha lalahka ba ni, tânkira man nani atkma, bîp wainhka nani, sîp wainhka bara mairin nani, baku sin plun bara wain nani sin atkma; baha dukia nani atkuma ba tempel altarka pura ba ra suni angkaia, Jerusalem ra man nani Gâdkam ra mayunra yabaia dukiara.

Impakan Sturka 29:18

Bara daiwan aiska ba altar ra suni angkbia, baha kîa yamni ba Dawan ra yamni kulki prisantka yabia.

Impakan Sturka 29:25

Baha ningkara dukia nani ba, witin nani mihta wina saki altar ra suns, daiwan aiska angkaia wîna pliska ra swis, kîa yamni Dawan ra yabaia. Baha lika prisant kum Dawan ra yamni kulki yaban sa.

Impakan Sturka 29:41

Bara tutni ra angkaia sîpka ba sin baku daukma, dîa titan ra daukram ba baku daukma, baha sika Dawan ra kîa yamni angki yabaia prisantka nani ba.

Libait Lâka 10:13

Holi daukan pliska kum ra iwi pis, naha na man ra maikan sa, luhpiam nani sin baha prisantka Gâd pain kulki ba, yang ra ai win baku daukamna.

Libait Lâka 27:2

“Israel luhpia nani ra naku wis: Upla kum bui Dawan ra pramis daukan ba aibapaia want sa kaka, upla kum mana praiska ba aibapbia.

Libait Lâka 7:16

Sakripais wala, upla kum witin daiwan kum bri balan diara kum daukaia dukiara, Dawan wal aisi pramis takaia, witin aisin ba ai bîla kat daukaia dukiara, baha sika sakripais kum witin ai kupia brinka wina daukaia aula ba. Bara baha daiwra wîna ba sin, baha yua ba sut piaia, ban sakuna wîna ba ban pura luan kaka, baha lika ban sip sa tâka ba yauhka kat piaia.

Kulki Kaikanka 28:27

Daiwan aiska angkan kîa yamni Dawan ra dauki yabia, bîp lupia wâl, sîp wainhka kumi, sîp lupia mani kumi bri ba 7, taya sauhkan âpu.

Kulki Kaikanka 29:8

Daiwan aiska angki kîa pain dauki Dawan ra yaia bamna, bîp wainhka kum, sîp wainhka kum bara sîp lupia mani kumi bri ba 7 iki angkbia, daiwra nani ba taya sauhkan âpu kabia.

Kulki Kaikanka 6:15

Baha purkara plawar kau pain îs mangkras batana laiki akbi brit daukan ba baskit kum brih balaia sa; dus wahia sâtka nani ba sin îs mangkras, batana laya ni srikbi, plun mâ sâtka nani prisantka ba bara wain sin brih bal ai prisantka yabaia sa.

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

2 Korint 2:15

Kan yawan na lika Kraist mita, Gâd ra kîa damni yamni painkira angki yabi ba baku sa, bara baha dus nani mâka kiawalisa, swaki saki uplika nani bara tanis tiwi uplika nani sin.

2 Korint 2:16

Tanis tiwi uplika nani ba mapa ra lika, baha dus nani angkan kîa painkira ba prura kîa; sakuna swaki saki uplika nani mapa ra lika baha rayaka kaia kîa yabisa. ¿Bara ya baha mapara sip kabia?

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

Kli Smalkanka 12:11

bara Dawan Gâdkam witin ai nina bâra kaia pliska kum bâk saki maikbia ba, bahara diara sut yang mai wîri ba baku man nani sakripais daukma: witin ai nina ra daiwan angkan sakripaiska daukma, matawalsip mânka nani, prisantka nani, bara diara sut wahbi saki Dawan ra yabaia pramis daukan ba sin witin ra yama.

Kli Smalkanka 12:17

“Man nani tawankam bilara, plawarkam matawalsipka ba wina piaia apia, wainkam wina sin apia, batankam laya wina sin apia, daiwram nani tawahkia sin apia, Dawan ra prisant yabaia pramis daukram ba wina sin apia, prisant nani kupiam wina daukram ba sin apia.

Kli Smalkanka 12:6

Bahara witin ai nina ra luki daiwan nani angki sakripais dauki kama, bara matawalsip mânka nani, mihtam warkka, wan kupia wina prisantka nani brih wama, baku sin daiwram tawahkia nani wina sin.

Pilipai 4:18

Bamna yang lika pat diara nani sut briri, bara pura lui pali. Epafrodito wal prisant nani ai blikram ba ni, dîa dîa luha sna ba sut brisna. Man nani mita ai blikram ba lika dus nani mâka kîa yamni prisantka kum baku kan, sakripais kum Gâd mita pain kaiki bri ba baku.