Kulki Kaikanka 14:9 - DAWAN BÎLA AISKA

⁹ Sakuna man nani lika Dawan mapara bûi banhpara, baha tasbaya uplika nani ra sin sibrin lukpara, kan baha uplika ba yawan mapara brit baku pibia, witin nani ra hilp yabaia uplika âpu sa bamna, sakuna yawan lika Dawan wan tâ baikisa. ¡Man nani si bripara!

Kulki Kaikanka 14:9 ပူးပေါင်းရင်းမြစ်များ

Blasi Sturka 48:21

Baha ningkara witin Josep ra tawi win: —Nanara man kaikisma, yang pruaia pat baila sna; sakuna Dawan lika man nani wal ban kabia, tâm baikbia, damikam nani tasbaya ra kli mai bri wabia.

2 Kronikas 13:12

Damra wali banhwi bas, kan yang nani kainira Dawan ai prîska nani aikuki bâra sa, bara ridi banhwisa war trumpit ba puhbaia man nani mampara. Baha mita, Israel luhpia nani, Dawan mapara war bukpara, kan almukkam nani Gâdka sa, bara man nani sip pura luma apia.”

2 Kronikas 15:2

bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

2 Kronikas 20:17

Naha warka na man nani aiklabaia apia sma, pliskam pliki brih banhs, sâp banhwi bas, bara kaikma nahki Dawan bui swaki mai sâkbia ba. ¡Jerusalem uplika nani bara Juda aiska uplika nani, si bripara bara tâ iwan sin takpara; yauhka witin nani mapara was, kan Dawan ba man nani wal sa!’ ”

2 Kronikas 32:8

Witin waitna nani karnika ba ra kulkisa, sakuna yawan lika Dawan wal sa, Gâd wan tâ baikisa war aiklabaia.” Tawan uplika Ezequías aisin ba walan ba ra, ai kupia karna takan.

Nihimaya 4:14

Sakuna yang kaikri upla nani ba sibrin dauki kan, bara yang mita wihtka nani ra, wark tâ bri nani ra bara tawan uplika nani ra sin naku wîri: “Man nani lika witin nani mawan ra sîa bripara, kupiam krauks Dawan tânka ba, nahki tara sibrinkira ba, bamna man nani luhpiam waitna nani, luhpiam mairin nani, mairin nani bara wamtla uplika nani tâwan pât taki banhwi bas.”

Lawana Nani 106:24

Witin nani tasbaya painkira ba bahki kulkan; bara kasak lukras kan Gâd pramiska nani ra;

Lawana Nani 121:5

Dawan bui sika aihwaki mai kaiki ba; Dawan sika man kainam kahbisa, witin sika man lamamra hilp mai munisa.

Lawana Nani 14:4

¡Wark saura dadaukra nani ba, kumi sin diara tânka briras! Witin nani bui yang upliki nani ba pi banhwisa, upla plun pi ba baku, witin nani bui Dawan ra ai pura sunras.

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Lawana Nani 46:7

¡Dawan karnika sut pali bri yawan nani wal sa! ¡Jekob Gâdka ba yawan yukuwaika sa!

Lawana Nani 46:8

Man nani bal kaiks, Dawan nahki pali diara aihkakira daukan na naha tasba ra.

Lawana Nani 74:14

Man bui daiwan saura tara, Leviatán, kabu ra ba lal ra taibi lapaskram baku ba ra upla iwras tasbaya ra daiwan wail nani ra yaram piaia.

Lawana Nani 91:1

Baha uplika, Laih Purara bâra ba karnika bara distika ra ai yukuwaika bri iwi ba,

Impakan Sturka 14:13

Sakuna Moses pana tawi witin nani ra win: —Man nani si bripara, kupiam karna dauks bara kaiki bas man nani swaki mai sakaia dukiara naiwa Dawan ai warkka daukaia ba; Idsip uplika nani naiwa man nani kaikisma na, witin nani ba man nani kli kaikma apia.

Impakan Sturka 33:16

Kan man ba yang nani wal waras sma kaka, ¿nahki yang bara uplikam nani sin tânka bribia, man bui yang nani ra yamni lukisma sapa? Baku natka ra baman yawan wan tânka briaia, nisan wala nani tila wina aihka wan sakram ba.

Aiseya 1:2

Kasbrika pura bara tasba, man nani aman wali bas, Dawan aisi ba: “Luhpa nani pakri, witin nani sut tara sakri, bara witin nani ba yang maipara buan.

Aiseya 32:2

Witin nani kumi bani ba, pâsa krawi ba mapara wan yukuki watla baku kabia, lî auhi ba mapara, wan yukuwaika watla baku, tasba lâwan ra lî kârma nani baku kabia, lapta bitni pali piua ra walpa tara distika wanki ba baku upla iwras tasbaya ra.

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 41:14

Dawan wisa: “Israel, Jekob uplika nani, man nani maura lupia bara karnikas sma sakuna, yang lika man hilpkam sna; si bripara. Yang, Israel Gâdka Holikira, man sasakrikam sna.

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Jirimaya 1:19

Witin nani mampara war aiklabia, sakuna puram lubia apia, kan yang lika man wal kamna kainam kahbaia. Yang, Dawan ba, yang bîli mai wisna.”

Jirimaya 42:11

Man Babilon kingka ra luki sibrin pali mai dauki ba, si bripara. Man nani lika witin sîa bripara. Kan yang lika man nani wal sna witin karnika ba wina swaki mai sakaia pri mai sakaia. Yang, Dawan, kasak aisisna.

Jirimaya 48:45

“Tila ba karnika âpu taki yukuwaia watla pliki Hesbón ra waia plapisa; sakuna Hesbón, Sihón kingka tawanka ba sin nanara pauta buki klauhisa, pata klauhan ba Moab ilka nani ba sut angkisa, bin saura dadaukra uplika nani ba.

Daniel 9:5

yang nani saura yâri, watawi sin dauki banhri, yang nani iwi banhwi katna man ra lukras pali, yang nani bui man lâmka nani bara bapanka lâka nani ba tnaya ra lakri.

Daniel 9:9

Sakuna man lika, wan Gâdka sma, bara man mihtam ra sa umpira kaikan lâka bara ban swin tikaia lâka ba sin. Yang nani lika man mampara babura takri sa,

Kulki Kaikanka 13:30

Bara Moses wali kan Caleb mita baha nani bîla prakan, bara win: —¡Kaisa, kaisa yawan wap, baha tasbaya dakbi briaia! ¡Yawan sip sa baha nani pura luaia!

Kulki Kaikanka 17:6

Baha sturka Moses bui Israel luhpia nani sut ra maisa pakan, bara kiamka bani wihtka ba wina, kîn kum witin ra yan, bara sut ba ra 12 kîn nani bri balan. Baha tilara Eran kînka sin bâra kata.

Kulki Kaikanka 20:2

Upla nani ba lî âpu kan, bara sut asla aidruban, Moses bara Eran wal mapara aisaia.

Kulki Kaikanka 24:8

Witin nani ra Gâd mita Idsip wina sakan, witin ai karnika tara brisa, bîp bul tara aringka nani ba baku. Israel luhpia nani mita kiamka wala ai waihla nani ra sut âpu daukbia; dusa nani ba sut krikbia, bara pantamangka bri ba ni sabia.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Roman 8:31

¿Dîa kau yang nani wiaia sna ki? Gâd ba yawan wal sa kaka, ¿ya wan mapara buaia sip kabia ki?

Kli Smalkanka 1:21

Dawan, man nani Gâdkam, naha tasbaya maikisa. Bara naha wina kainamra tasbaya ba, Dawan, man nani Gâdkam damikam nani ra win ba baku, man nani brih iwma. Bamna man nani si bripara dring sin prui banhpara.

Kli Smalkanka 1:26

Kuna man nani waia want apia kapram, Dawan wan Gâdka man nani ra adar maikan kata ba bîla lulkram.

Kli Smalkanka 1:29

“Baku kan ba ra, yang pana man nani ra mai wîri: ‘Man nani bin daukpara, man nani sin si bripara.

Kli Smalkanka 31:6

Kupiam karna bri ban bapi bûi bas. Si bripara, sirang sin iwpara witin nani aikuki prawma taim, kan Dawan Gâdkam ba man nani wal kabia bara mai swibia apia, lulki sin mai swibia apia.”

Kli Smalkanka 31:8

Baha sim Dawanka man kainamra wabia bara man wal kabia, lulki yakan mai swibia apia; baha mita ban sibri kapara.”

Kli Smalkanka 32:42

Trisbaiki nani ba tala ni buskamni, sordki nani ba mita witin nani ba âpu daukbia; insauhkan tâlia ba, silak ra mangkan nani ba, waihla nani lalka ba, tâwa yari nani ba tâlia ra.’

Kli Smalkanka 7:18

Bamna si bripara. Kupiam krauki bas Dawan Gâdkam king fero ra bara Idsip uplika ra sin dîa daukan ba.

Kli Smalkanka 7:21

Witin nani mawanra tatatpara, kan Dawan Gâdkam, Gâd tara sibrinkira ba man nani wal sa.

Kli Smalkanka 9:7

“Âmya tiwbiara man nani upla iwras tasbaya ra, nahki Dawan kupia sauhkram ba. Idsip wina taki naha pliska kat balram ba, man nani lika kiamam karna kapram.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Jasua 1:5

Rayakam yua nani sut ra upla kumi sin man nani wal aiklabi, puram lui mai batakbia apia; yang lika man nani wal kamna, Moses wal kapri ba baku, lamamra ban kamna bara lulki mai swimna apia ban kaia ra.

Jasua 14:12

Baha mita mamkabisna, nanara aikma tasba il pîska tara nani ba, Dawan pramis ai munan ba kat. Man kaikisma Anac kiamka tara nani ba baha piua wina bahara iwisa, bara tawan tara nani ba brisa, karnika tara sin. Sakuna yang daira walisna Dawan bui yang ra tâi baiki hilp ai munbia baha wina kangbi sakaia, Dawan dîa ai win ba kat.”

Wihta Nani 1:22

Josep kiamka nani ba luki kaikan Betel tawanka tara ba mapara wih aiklabaia, baha tawanka tara nina blasi piua ra Luz mâki kan, bara biki kakaira nani blikan wan biki kaikaia. Dawan sin witin nani ra tâ baiki kan.