Kulki Kaikanka 14:34 - DAWAN BÎLA AISKA

³⁴ Man nani yu yawanaiska wâl baha kuntrika tânka ba yukuwi kaiki kapram; baha baku sin mani yawanaiska wâl pâtkam wirhika ba twilki tauki kama. Yu kumi ba, mampara mani kum takbia, bara yang klailka ba bri banhma.’

Kulki Kaikanka 14:34 ပူးပေါင်းရင်းမြစ်များ

1 King Nani 8:56

“¡Dawan ba yamni pali kabia, ai uplika Israel luhpia nani ra kupia kumi lâka yan ba, dîa witin pramis win ba kat! Dîa dîa witin ai albika Moses ra aisin ba kumi sin swiras, sut kat yan aimakan.

2 Kronikas 36:21

baha ba Dawan dîa win ba aimakaia dukiara, ai dahra aisasarika Jirimaya bâk win kata. Baku tawan ba ris kum briaia kata, kan sauhki tikanka lâka ra kan piua ra ris manis brin, 70 mani luan ba kat.

Lawana Nani 105:42

Baku bamna, ai uplika Ebraham ra pramis holikira daukata ba ai kupia krawan.

Lawana Nani 38:4

Watawika lâka nani ba mita puri luisa karban wirha tara baku, yang twilkaia sip apia sna.

Lawana Nani 77:8

¿Dîa man lamtwanka lâka ba sut âpu takan ki? ¿Man pramiskam ban kaia kata ba sut lui wan ki?

Lawana Nani 95:10

Baha kiamka nani ba wal 40 mani kupi sauhki katna, bara wîri: ‘Naha uplika nani sut tiwi wataukisa; yang lâika bîla nani wali daukras.’

Isikiel 14:10

Sut saurka tâwan klala yabamni: baha saurka tânka pliki kaikan ba, baku kabia prapit nani sin.

Isikiel 23:35

“Baha mita, yang Dawan sna ba, naku wisni: Man bui yang ra âmya ai tikram bara ninam ba yang ra lakram, bamna klala pât nani ba wahwaia sma uba pri kaia bara ur takaia lâka briram ba mita.”

Isikiel 4:5

yu 390, wibia kaka, Israel saura daukan ba, yu kum ba mani kum sa.

Isikiel 4:6

Naku yua nani alkma ba ra, aihkikam tani ra aitnikma, bara man puramra Juda saurka nani mangki twilkma yu nani 40 prais, mani bani saurka mana yu kum maikisni.

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Oseas 9:12

Witin nani ban kra luhpa baikbia kaka sin, yang mita luhpia nani ba sut mihta dakbamna. Yang lika witin nani wina tnaya ra tawamna bara naha uplika nani sari pali kabia.

Libait Lâka 20:19

“Rug lâka daukpara yaptikam luhpia mairin ba wal, aisikam lakrika wal sin apia, kan uba wan lamara sa bamna, ya ban daukbia ba wâlsut ai pâtka ba bribia.

Sakaraya 11:10

Bara yang kînki ba briri, nina ba mâkisa, “Diara yamni kaia lâka kînka ba” yang mita kriki baha ba, sainka kum baku kabia, Dawan nisan nani sut wal, lâ daukan lâka ba, bahki takan kabia wisi.

Kulki Kaikanka 13:25

Yu yawanaiska wâl ningkara, witin nani baha sut kaiki si kli tawi balan

Kulki Kaikanka 18:23

Libait nani baman sip sa tint watla ra wark daukaia, dîa saura kum daukbia kaka, baha lika witin yakan pâtkira sa. Naha na lika lâ kum baku ban kaia sa, aisika ba wina ban luhpia nani kat. Libait nani ba tasba kum ai dukia pali briaia apia sa, Israel luhpia nani tilara.

Kulki Kaikanka 32:13

Bamna Dawan bui Israel luhpia nani ra lawi daukan, 40 mani upla iwras tasbaya ra wapi tauki kan, Dawan mapara saura daukan nani ba sut prui tiwan ba kat.

Apastil Nani Sturka 13:18

Bamna Gâd bui witin nani ba mani 40 upla iwras tasbaya ra main kaiki brih tauki kan,

Kli Smalkanka 2:7

Dawan bara man nani Gâdkam man nani diara sut daukram ba purara, ai yamnika maikan. Mani 40 witin ba man nani wal kan, main mai kaikan, upla iwras tasbaya tara ra, sakuna bahara man nani diara kumi sin luha apia kapram.

Hibru Nani 4:1

Baku bamna, Gâd yawan ra pramis wan munan ba witin ai riska ra dimaia, wan dara wali kaia sa, ban man nani tilam wina kumi kra sip dimras kabia dukiara.

Jasua 14:10

Pat mani nani 45 luan sa Dawan bui Moses ra win ba wina, baha piua ra sika Israel luhpia nani upla iwras tasbaya ra watauki kata ba, baku bamna ai pramis ba kat raya ai brisa. Nanara pat 85 mani brisni,

Param Marikanka 11:3

Bara yang mita witnis wâl blikamna daihra aisaia dukiara yu 1,260, bara witin nani sari kwalka sin dimi kabia.”

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.