Kulki Kaikanka 14:2 - DAWAN BÎLA AISKA

² Witin nani sut Moses bara Eran wal mapara brukwi saura aisi banhwan. Witin nani aisi kata: “¡Yawan Idsip tasbaya ra pruan kaka kanra yamni kaia kan, apia kaka nâra upla iwras tasbaya ra yawan pruaia!

Kulki Kaikanka 14:2 ပူးပေါင်းရင်းမြစ်များ

1 King Nani 19:4

Bara witin lika upla iwras tasbaya bâk yu aiska kum wapi wan, bamna wih dus kum munhtara iwan, mahka pruan dauki kan, bara win: “¡Nanara aitani sa, Dawan, rayaki na sâks, kan yang na kau yamni apia sna, papiki nani ba wal!”

Job 3:11

¿Dîa muni yaptiki biara ra pruras kapri? Apia kaka, ¿dîa muni nan ai baikan ba ra pruras kapri?

Lawana Nani 106:24

Witin nani tasbaya painkira ba bahki kulkan; bara kasak lukras kan Gâd pramiska nani ra;

Lawana Nani 106:25

ai tintka watla nani bilara, Dawan ra rangbi aisi kan, Dawan bîla adarka nani sin wali daukras kan.

Lawana Nani 106:45

witin ai kupia kraukan baha nani wal lâ daukata ba; bara ai lukanka kata ba lakan, kan ai latwanka lâka ba tara pali sa bamna;

Impakan Sturka 14:11

Bara witin nani tawi Moses ra win: —¿Idsip ra raiti âpu kan ki, man baha wina wan sakram bara naha upla iwras tasbaya ra yawan prui tiwaia wan daukram? ¿Dîa muni yang nani ra naku wan daukram? ¿Dîa muni Idsip wina wan sakram?

Impakan Sturka 15:24

Bara upla nani mahka Moses mapara rangbi aisin: “¿Yang nani dîa dimna?”

Impakan Sturka 17:3

Ban sakuna, upla nani ba diran dauki kan bamna, Moses mapara karna aisin. Witin nani wi kata: —¿Dîa muni Idsip wina wan sakram? ¿Lî diran bla wan luhpia bara wan daiwra nani sut aikuki, wan ikaia daukram?

Jona 4:3

Dawan, baha mita sika mamkabisna, yang rayaki na sâkma. Pruamna ba kanra yamni sa ban raya kaia ba wal.

Jona 4:8

Yu ulan ba ra, Gâd daukan lalma payaska lapta krawaia, bara yu laptika ba Jona lal kat angkan; bara mahka sinska tiwi kan, bara witin pruaia kat lukan. Witin naku aisin: —Yang pruaia kanra yamni, raya kamna ba wal.

Kulki Kaikanka 11:1

Yu kum Israel luhpia nani ba Dawan mapara brukwi aisi kan, witin nani pât wahwi ba tâwan. Baha Dawan walan ba ra ai kupia sauhkan, bamna Dawan pauta klauhan ba witin nani purara blikan kauhan, bara watla nani ba angki âpu daukan.

Kulki Kaikanka 11:15

Bara baku yang ra ai dauki kaia sma kaka, yang mamkabisna man namkra ra aitani ai kaikisma kaka, yamni kabia tasba wina mahka ai sâkma, bara yang naha pâtka nani ba kaikamna apia.

Kulki Kaikanka 11:5

Wan kupia krawisa Idsip ra yawan inska prisant pi kata ba, dus mâ sâtka nani sin yawan pi kan, pipian, milun, inian, gialik sin.

Kulki Kaikanka 14:1

Bamna Israel luhpia nani ba sut mahka wini ini banhwan ai bîla baikra karna wal, bara baku tihmia aiska ini banhwan.

Kulki Kaikanka 14:22

Baha nani sut Idsip ra praina kaikan ba, naha upla iwras tasbaya ra sin sain nani daukri kaikan. Pat aima ailal traiki kaikan bara bîli ba sip wali banhras sa,

Kulki Kaikanka 16:13

¿Aitani apia sa ki, tasba kum tialka laya nasma wal lî laiwi baku sakram ba bara nanara upla iwras tasbaya ra wan ikaia daukisma, baha purkara man nani wan tâ uplika aimakaisma?

Kulki Kaikanka 16:41

Yu wala Israel luhpia nani sut kli Moses bara Eran mapara aisin: —¡Man nani mita Dawan uplika nani ba ikisma!

Kulki Kaikanka 17:6

Baha sturka Moses bui Israel luhpia nani sut ra maisa pakan, bara kiamka bani wihtka ba wina, kîn kum witin ra yan, bara sut ba ra 12 kîn nani bri balan. Baha tilara Eran kînka sin bâra kata.

Kulki Kaikanka 20:2

Upla nani ba lî âpu kan, bara sut asla aidruban, Moses bara Eran wal mapara aisaia.

Kulki Kaikanka 20:3

Bara Moses ra aisi banhwan: —¡Yamni kaia kan, Israel uplika wala nani Dawan mita ikan ba, yang nani sin aikuki prui banhri kan kata!

Kulki Kaikanka 20:4

¿Man nani dîa muni Dawan uplika nani ba naha upla iwras tasbaya ra bri balram ki? ¿Dîa man nani brin mai daukisa yang nani bîpki nani sin sut prui tiwbia?

Kulki Kaikanka 21:5

bara witin nani mahka Gâd bara Moses mapara rangbi aisi banhwan, bara win: —¿Man nani dîa muni Idsip wina wan sakram ki? ¿Naha upla iwras tasbaya ra pruaia dukiara? Nâra yang nani lî âpu, plun sin âpu. ¡Yang nani nâra plun saura pin baman swapi banhri!

1 Korint 10:10

Gâd mapara sin brukpara, wan damika tila nani brukwan ba baku, bara Prura Insalka ba mita baha nani iki tikan ba.

Kli Smalkanka 1:27

Bara man nani tintkam watla ra brukwi aisaram: ‘Dawan ba wan wantka apia sa; Idsip wina wan saki amorreo nani mihta ra wan mangkan, âpu wan daukbia dukiara.

Kli Smalkanka 9:23

Bara Dawan bui adar maikan, Cadés-barnea wina taki kuntri witin mita maikuya ba pliskam brima, baku sin man nani ai lâka mapara kapram, kasak lukras, ai bîla walaia sin want apia kapram.

Hibru Nani 3:16

Bamna, ¿ani uplika nani Gâd bîla baikra wali ningkara, witin mapara bûi banhwan? Baha nani lika Moses bui Idsip tasbaya wina sakan kan ba sut.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.