Kulki Kaikanka 14:18 - DAWAN BÎLA AISKA

¹⁸ Pat pali kupiam sauhkpara bara kupiam takaski bris; kupiam pihni lâka ba kau tara sa, watawika lâka mapara buan lâka sin pâtkas ra swiras sma sakuna, man uplikam nani saura dauki ba ban klala yabisma, aisika bara yaptika nani watawika ba, luhpia nani ra, mulika nani ra, snawika kat.

Kulki Kaikanka 14:18 ပူးပေါင်းရင်းမြစ်များ

Nihimaya 9:17

Witin nani baha walaia ai brinka apia kan, purkara sin man bui diara aihkakira bara tara witin nani ai hilpka ra daukram ba ai kupia krawras kan, ai kiamapara lâka ra, ai tâ brabrira kum mangkan bara kli alba lâka ra Idsip ra brih wan. Ban sakuna, man sika Dawan, upla pâtka swih tatikra Gâdka, kupiam swapni, umpira kaikan lâka brisma, pat pali kupiam baiwras, bara latwan kaiki bara umpira kaikan lâka sin manis pali brisma, ba mita lulki swiras kapram.

Job 21:19

Baku wisa Gâd bui papika nani saurka ba, luhpia nani ra ni kulkan sa, sakuna baha lika witin ai saurka pali, lawan tara wal munka aibapaia sa.

Lawana Nani 103:8

Dawan ba upla ra tawa munisa, bara kupia swapni sa, wihka sin bîla kaikisa, ai latwanka lâka bri ba mita.

Lawana Nani 108:4

Kan man lamtwanka lâka ba kau tara sa kasbrika purara ba wal. Man lâmka ba kasbrika sangni ba kat alkisa.

Lawana Nani 109:14

Ai aisika nani watawanka ba, Dawan ai kupia kraukbia, bara ai yaptika saurka ba sin, diki tikan kabia apia;

Lawana Nani 145:8

Dawan ba kupia yamni sa, bara latwan kaikisa, witin sin wihka bîla kaikisa, bara latwan lâka sut brisa.

Lawana Nani 78:38

Sakuna Gâd ai kupia swapni bri kan, watawi daukan saurka ba ban swih tikan bara sauhki tikras kata; aima ailal ai kupia sauhkanka ba kli swin, bara ai lawanka tara ba mita yaban bri waras kata.

Lawana Nani 86:15

Sakuna, man Dawan, latwankam swapni brisma ba wihka bîla kaikisma, lamtwanka lâka bara kasakkam lâka ba wal.

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Impakan Sturka 20:6

Sakuna baha nani latwan ai kaiki, lâika bîla nani kat dauki nani ba, kiamka tausin nani ra latwan kaikisna.

Jirimaya 23:2

Dawan, Israel Gâdka ba, sepad nani dahra aisisa, witin nani ai uplika nani wihtka tara nani aimaki ba: “Man nani mita sîpki nani ba aihka aihka yakabram, main kaikras munram sut plapan. Bamna aitani pali sa yang bui man nani ra klala maikaia daukankam saura nani ba tâwan. Yang, Dawan, kasak aisisna.

Jirimaya 32:18

Kiamka tausin nani ra latwan kaikisma tânka ba man marikisma, sakuna man sin upla ra klala yabisma aisika nani saura daukan ba tâka. ¡Âu, Gâd, man tara pali karnika sut brisma, man ninam ba Dawan karnika sut bri ba!

Inanka Nani 5:7

Papiki nani mita saura daukan, bara witin nani nâra âpu sa; bara witin nani ai saurka pâtka ba yang nani brisni.

Jona 4:2

Bara Dawan ra ai pura suni, naku win: —Kaiks, Dawan, naha naku takaia ba yang pat aisari kan kau waitla ra katna ba ra. Baha mita sika Tarsis ra aihni plapaia lukatna ba, kan yang kaikisna man kupiam lukra ba swapni sa, upla ra kupiam baiki si kli pat umpira kaikisma, upla ra latwan pali kaikisma ba mita rausauhkaia pâli si, kli pat kupiam lakisma.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Kulki Kaikanka 14:17

Bahamna Dawan, nanara man karnikam tara ba mariks, man aisi katma ba baku.

Kulki Kaikanka 23:21

Israel luhpia nani tilara kunin aisi watawi dauki uplika ba âpu sa, Jekob uplika nani ba. Ai Dawanka ai Gâdka ba witin nani wal sa, bara witin nani bui witin ra winisa ai kingka ra baku.

Roman 5:21

Naha na baku takan, saurka ba prura bri balaia karnika bri kan ba baku, Gâd kupia yamnika ba mita yawan na Gâd mawanra kasakkira wan kulkaia karnika bri kaia bara raya ban kaia lâka ba wankaia, wan Dawan Jisas Kraist bâk.

Kli Smalkanka 5:10

sakuna baha nani latwan ai kaiki, lâ yabri ba kat dauki nani ba, kiamka tausin nani ra latwan kaikisna.

Kli Smalkanka 5:9

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni. Baha nani misbara ai kaiki banhwi nani ba luhpia nani ra, mulika nani, snawika nani kat sin klala yabisna bamna,

Kli Smalkanka 7:10

sakuna witin ra misbara kaiki nani ra sauhki tikisa, pitka kat mana aitani yabisa. ¡Takaskras pitka kat yabisa witin ra misbara kaiki nani ra!

Kli Smalkanka 7:9

Bamna tânkam bri banhs, Dawan ba Gâdkam sa, Gâd kasak sa, kiamka nani ra ai lâka kasak ba daukisa, witin ra latwan kaiki ai lâka ban bri ba,