Kulki Kaikanka 13:32 - DAWAN BÎLA AISKA

³² Bara witin nani mahka Israel luhpia nani ra win, witin nani baha tasbaya wih kaikan ba, tasba pain apia, saura sa. Naku aisi banhwi kata: —Baha tasbaya yang nani sâbi kaiki banhri ba naku sa: Baha tasbaya yang nani kaiki lui banhri ai tahkia ra ikisa, waitna nani ba yari, upla tara nani bâra sa.

Kulki Kaikanka 13:32 ပူးပေါင်းရင်းမြစ်များ

2 Samuil 21:20

War wala kli Gat ra aiklaban. Waitna kum bâra kan yari tara, mihta, mina sirpika nani 24 bri kan, mihta sirpika ba matlalkahbi bri kan mihta bani ra, mina ra sim baku. Naha sin upla tarka tara nani ba kiamka kan,

1 Kronikas 20:6

Gat ra war kli aiklaban. Waitna tara yari kum bâra kan, mihta sirpika nani 24 bri kan, mihta bani ra sirpika 6 bri kan, mina bani ra sin sirpika 6 bri kan. Naha nani ba sin waitna tara ba kiamka,

Lawana Nani 106:24

Witin nani tasbaya painkira ba bahki kulkan; bara kasak lukras kan Gâd pramiska nani ra;

Isikiel 36:12

Yang daukamna upliki Israel luhpia nani man puramra wapaia, bara man nani ba ai dukia mai briaia, bara man nani kli witin nani ba luhpias swima apia.

Emus 2:10

Yang bui Idsip tasbaya wina man nani mai sakri, mani 40 upla iwras tasbaya bâk mai brih tampahki kapri, witin nani tasbaya ba man nani ra maikaia dukiara.

Emus 2:9

Âu, man nani ra yamni mai munaia tâwan, yang bui amorreo nani ba sut mamwan wina âpu daukri, kiamka kumi sin swiras, sut pali âpu daukatna, witin nani yalam dusa baku tara pali pâwan kan, karnika tara sin bri kan usupum dusa karnika ba baku, ban sakuna sut âpu pali daukri.

Kulki Kaikanka 13:28

Ban sakuna, baha paskanka nani ba karna pali sa, baha purkara bahara sin kaiki banhri Anac kiamka upla tara nani bâra sa.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Kli Smalkanka 1:28

¿Nanara, yawan na anira waia? Wan tasbaya luhpia nani wan wisa baha tasbaya ra waitna kau karnakira nani bâra sa, witin nani sin kau yari yawan wal; tasbaya nani kir ba tawan tara nani bâra sa, baha sin purara pali kutban sa. Upla nani yari tara Anac kiamka ba sin kaikan bâra sa. Bara baha sut mita yawan sibrin wan kupia lap tiwan.’