Kulki Kaikanka 13:22 - DAWAN BÎLA AISKA

²² Négueb bâk lui wan ba wina, Hebrón kat aidrubi balan, bahara Anac kiamka nani bâra kan: Ahimán Sesai, Talmai. Hebrón tawanka ba pas paskan kan, 7 mani Soan Idsip ra paskan ba kainara.

Kulki Kaikanka 13:22 ပူးပေါင်းရင်းမြစ်များ

Blasi Sturka 13:18

Bamna Ebram, ai tintka watla kum bukan, bara Hebrón tawanka tara lamara usupum dusa manis pâwi kan ba tasbaya ra waitna kum nina Mamré mâki kan ba bâra iwi kan, bara baha lamara wih iwan. Bahara Ebram altar kum paskan Dawan dukia.

Blasi Sturka 23:2

Quiriat-arbá tawanka ra pruan, baha nina wala Hebrón, Kenan tasbaya ra. Ebraham witin pura mata kasak inan, ai sarka tara twilkan.

2 Samuil 2:1

Baha ningkara, Debit bui Dawan ra makabi walan, bara win: —¿Yang Juda tawanka nani kum ra waia sna ki? Dawan bui witin ra pana win: —Âu, man waia sma. Debit kli makabi walan: —¿Ani tawanka ra yang waia sna? Bara Dawan pana win: —Hebrón ra.

2 Samuil 2:11

baku ba ra Debit Juda kingka aimakan mani 7 pura bakriki, ai kingka lâka kiapitalka ba Hebrón ra kan.

2 Samuil 21:16

bara waitna tarka tara kum bâra kan, nina Isbí-benob, Debit ra ikaia pliki kan. Ai langsika wirhika ba 66 paun pura bri kan, ai maisa ra sin sord raya kumi bri kan.

Lawana Nani 78:12

Gâd diara aihkakira nani daukan, aisikam nani mawanra Soan tasbaya Idsip ra ba:

Lawana Nani 78:43

Soan kiampka Idsip ra kata ba ra, diara tara aihkakira daukan;

Aiseya 19:11

¡Kasak pali Saion ra, wihta nani, man nani bâra sma ba, sinskas banhwisma ba; Idsip ra Lâ Smasmalkra nani kau sinskira bâra ba, baha smasmalkra ba kau sinskas sa! ¿Nahki muni man nani king fero ra wima: “Yang nani lika sinskira nani kiamka, blasi kingka nani luhpia sna”?

Aiseya 19:13

Saion kingka luhpia waitna nani ba sinskas sa, Menfis ra wihta nani ba sin witin nani ba tanis ra kunin munan, tawan wihtka nani ba, witin nani bui upla tâ briaia kata ba, witin nani kunin munan yabalka bâk Idsip ra brih wan.

Aiseya 30:4

Ban kra man nani kuntri lengstarka nani pat Soan tawanka ra bara Hanés tawanka kat pat blikram wan,

Kulki Kaikanka 13:17

Bamna Moses baha nani ba Kenan tasbaya ba tânka kaikaia blikan bara naku win: —Naha wina Négueb bâk lui was, bara baha wina il nani tilara uli was.

Kulki Kaikanka 13:28

Ban sakuna, baha paskanka nani ba karna pali sa, baha purkara bahara sin kaiki banhri Anac kiamka upla tara nani bâra sa.

Kulki Kaikanka 13:33

Yang nani sin kaikri upla tara nani, Anac kiamka nani, upla yari, yang nani lika witin nani nakra ra kruhkru luhpia baku katna, witin nani mita baku wan kaiki kan.

Kli Smalkanka 9:2

ai uplika nani ba tara, yari Anac kiamka baku. Aisinka kum bâra ba man nani pat nu sma: ‘¿Ya sip sa waitna tara Anac kiamka mapara buaia?’

Jasua 10:36

Eglón wina, Israel sut aikuki Hebrón ra wan bara aiklabi pura luan.

Jasua 21:13

Hebrón ba purkara, baha lika yukuwaika pliska kata ba, bâra upla kum mita upla wala ra ikan kaka yukuwaika, baha lika prîs Eran kiamka ra yan, baha ba naha tawanka nani kata: Libná,

Wihta Nani 1:10

Bara Hebrón tawanka ra Kenan uplika nani bâra kan ba wal sin aiklaban, blasi piua ra Hebrón nina ba Quiriat-arbá mâki kan, bahara Sesai, Ahimán bara Talmai ba pura luan.

1 Samuil 30:31

Hebrón ra bara anira witin ai uplika nani wal wataukan ba tasbaya sut ra yan.