Kulki Kaikanka 12:7 - DAWAN BÎLA AISKA

⁷ Sakuna yang naipakan Moses wal lika yang baku aisaras, yang naipakan nani sut tilara witin sika kau kasakkira pali sa.

Kulki Kaikanka 12:7 ပူးပေါင်းရင်းမြစ်များ

Job 1:8

Bara Dawan mita pana win: —¿Man naipakan Job ba kaikatma ki? Tasba ra witin baku wala âpu sa, waitna kumi kasakka lâka kat yang duki dauki ba, ai rayaka wapni, tâski âpu, upla ra saura munras, yamni baman dauki ba.

Lawana Nani 105:26

Bara ai napakanka Moses ba blikan, Eran, witin ba bâk saki brin uplika ba sin;

Impakan Sturka 33:11

Bara Dawan lika Moses wal ai mawan kat kaiki baku, sim upla kum ai pânika wal prawi aisi ba baku aisin kan, bara ningkara Moses kli upla nani ra bali kan. Sakuna ai hilpika wahma Jasua, Nun luhpia ba lika, Dawan wal aisaia watla ba wina takras kata.

Matiu 11:11

Kasak pali mai wisna, upla ailal naha tasba ra iwan ba tilara Jan ba kau tara sa; sakuna kasbrika purara Kingka lâka ra kau mâyara ba Jan purkara sa.

Matiu 11:9

Bamna, ¿dîa kaikaia watma? ¿Prapit kum? Âu, kasak, bara prapit ba wal witin kau purara sa.

Apastil Nani Sturka 7:31

Moses baha diara aihka kaikan bara tâ iwan, kuna dîa dukia sapa pain kaikaia wisi witin kau lamara wan, bara Dawan bîla baikra naku witin walan:

1 Korint 4:2

Bamna, dukia dadaukra ba mita latan marikaia sa, witin ba ai dawanka ra kasak sa.

Kli Smalkanka 18:18

Yang yarka witin nani ai uplika tila wina prapit kum takbia man baku, bara yang dîa wiaia adar yabamna ba baha ba witin aisi kabia, wibia bara kli sin wiaia.

Kli Smalkanka 34:5

Dawan aisin ba kat, baku Moses Gâd napakanka ba Moab tasbaya ra pruan, Dawan baku wisata ba kat.

1 Timoti 3:15

yang na kau takaskamna kaka, kaiki kama yawan na Gâd uplika nani tilara nahki daukaia ba, baha sika Gâd rayakira sertska ba, bara baha sertska mita sika kasak tânka ba tâ baikisa bara kaina kahbisa.

Jasua 1:1

Dawan napakanka Moses ba pruan ningkara, Nun luhpia waitna Jasua ba Moses hilpika aimaki kan ba, Dawan bui witin ra aisin, bara naku win:

Jasua 1:2

“Naipakan Moses ba pruan, bamna nanara Israel luhpia nani ba man tâ bri Jordan awala baila wala ra bri si lukaia sma, yang bui man nani ra tasba maikisna ba tasbaya nani ra.