Kulki Kaikanka 12:6 - DAWAN BÎLA AISKA

⁶ Bara Dawan bui witin nani ra naku win: “Man nani ra yang aisisna na wals: Man nani tilamra prapit bâra ba piua ra, yang lika witin ra param taki aisisna, diara aihka kaiki bâk.

Kulki Kaikanka 12:6 ပူးပေါင်းရင်းမြစ်များ

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Blasi Sturka 20:7

Sakuna nanara, mairka ba kli ai maya waitna ra yas; kan witin ba prapit kum sa, bamna man tâmwan, ai pura sunbia bara man raya kama. Sakuna man bui witin ai maya ba yabras kama kaka, kasak pali man bara uplikam nani sut prui tiwma.”

Blasi Sturka 28:12

Bahara witin yaprisauhkan kum kaikan, bara bahara kaikan ladar tara kum buki bapan kan, tasba wina kasbrika pura kat tâ ba alki kan, bara Gâd insalka nani ba bâk uli bal iwi kan.

Blasi Sturka 28:16

Jekob ai yapanka wina rawi buan ba ra, witin naku win: “Dawan ba naha tasbaya ra nâra sa, yang tânka briras kapri.”

Blasi Sturka 37:5

Yu kum Josep yaprisauhkan kum kaikan, bara yaprisauhkan kaikan ba tânka witin ai muihni nani ra win. Sakuna baha win ba tâka wina, ai muihni nani witin ra kau misbara kaikan.

Blasi Sturka 37:9

Baha ningkara Josep kli yaprisauhkan wala kum kaikan. Baha sin witin kli ai muihni nani ra bal baha tânka ba win: —¿Man nani nu sma ki, yang kli yaprisauhkan wala kaikri ba? Yang kaikri lapta, kati bara slilma nani 11 yang maiwanra bawi kulkanka aiki kan.

Blasi Sturka 46:2

Baha tihmika yaprisauhkan ra diara aihka kaikan, Gâd lika Israel wal aisin, nina mâki winan, Jekob. Witin pana win: —Yang nâra sna.

2 Samuil 7:4

Sakuna baha pali tihmika ra, Dawan, Natán ra balan bara win:

1 King Nani 3:15

Bamna Salaman yapi si kupia krawan buan, bara ai dahra walan baha ba yaprisauhkan kata. Bara witin Jerusalem ra bal Dawan lâka auhbaia watla ba mawanra buan, bara kli wal wan uplika takaia bara aiska angkan ba daukan, ai albika nani sut dukiara pata tara kum sin daukan, sakripaiska kîa yamni ba daukan. Baha ningkara ai albika nani sut dukiara plun tara kum sin daukan.

1 King Nani 3:5

Bara Gabaón ra tihmia kumi yaprisauhkan ra Dawan Salaman ra latan takan, bara win: “Dîa want sma ba makas, bara yang maikamna.”

Job 33:15

Piua kum kum ra tihmia ra daukisa, yapan kumi ra, apia kaka, diara aihka kaikan ra upla nani sut yapi ba piua ra, yapan mita wan pura lui ba piua ra.

Job 4:13

Tihmia ra upla nani purara yapan ba aula, bara yapra wirhika kum bal ai taibi wingki prakaia ai munan.

Lawana Nani 105:15

“Yang bui bâk sakri uplika nani ra kangpara. Yang prapitki nani ra sin saura munpara.”

Lawana Nani 89:19

Aima wala ra diara aihka kaikram ba aisaram, bara nampakan kasakkira nani ra wiram: “Yang upliki tila wina kupia karnakira kum bâk saki briri purara bukri bara hilp munri.

Impakan Sturka 7:1

Bamna Dawan bui Moses ra win: —Kaiks, man ba yang waitlika ra, yang baku mai mangkaisna king fero mawanra diara dauki kaia, bara muihkam Eran lika, man bîlam prapit baku aisi kabia.

Jirimaya 23:25

“Baha prapitka nani kunin aisi ba yang walri, witin nani ba yang nini bri aisisa, yang bui witin nani ra yaprisauhkan ra aisisna wisa.

Jirimaya 23:28

¡Prapit kum yaprisauhkan kaikan kaka witin param wiaia sa: ‘Yaprisauhkan kaikri’, sakuna prapitka ba yang aisari walan kaka baha witin kasakka lâka kat aisaia sa! Sakuna plawar ba taya ba wal bâra kaia apia sa. Yang aisisna bîla ba pauta klauhan baku sa, amar baku sa walpa tara ba yuya man krikisa. Yang, Dawan, kasak aisisna.

Isikiel 1:1

Yang, prîs Isikiel, Buzí luhpia waitna, Quebar awala un ra yu aiska kum bâra katna Babilon ra, upla nani alba brih wan nani ba tilara. Baha piua ra purara kasbrika ba kwawan, bara Gâd kaikri lilka nani bâk. Piua ba baha manka ra pat kati walhwal aimakan, yua matsip ra diman kan, bara baha kat pat 30 mani alkan; baha piua tilara king Joaquín alba lâka ra brih wan ba mani matsip alkan.

Daniel 10:8

Yang yakan kapri piua ra naha diara aihka kaikanka tara na kaikri. Yang ban pihni pali aihwa takri kata, ban daira wali kapri, karniki nani ba sin âpu pali baku katna.

Daniel 2:19

Baha tihmika diara aihka kaikan ra bal sinska lâka tara tânka ba Daniel ra param marikan; baha tânka brin ba ra, Daniel bui kasbrika purara ba Gâdka ra yamni pali win,

Daniel 7:1

Belsasar ba Babilon ra pas mani king aimakan ba piua ra, Daniel yaprisauhkan ra diara aihka kum kaikan. Yapan wina ai kupia krawan ba ra, diara aihka nani ai yaprika ra kaikan ba ulban, naha sika ulban ba:

Daniel 8:2

Diara aihka ba kaiki kapri piua ra, Susa kan kahbaika pliska ra kapri baku daira walri, baha ba sika Elam tasbaya ba lalka sa, Ulai awalka un nani ra.

Oseas 12:11

Galaad ra idan gâdka nani bâra sa, sakuna baha nani sut ba kuninkira baman. Guilgal ra bîp wainhka nani sakripaiska daukisa; walpa ailalka baku altar nani ba ai lainka ra paski brisa.”

Joel 3:1

Dawan aisisa: “Baha piua nani bal aimakbia ba ra, yang daukamna, upla nani Juda bara Jerusalem wina saki alba briaia priski brih wan nani ba kli balaia.

Sakaraya 1:8

Tihmia kum naha lilka aihka kaikri: Waitna kum aras pauni ra uli kan; witin il bîla langnika kumi ra takaskan kan, tangni nani pâwi kan ba tilara, bara baha ninara aras wala nani sin bûi kan, tila taya pauni, taya sai, pihni sin kan.

Kulki Kaikanka 24:4

yaprisauhkan kaiki baku witin ra marikan, bara witin kau pain tânka brin. Karnika sut bri Gâdka aisi ba wali, witin aisaia bîla ba brin.

Matiu 1:20

Naha luki kan ba ra, Dawan insalka kum yaprisauhkan ra latan taki, naku win: “Josep, Debit kiamka sma ba, man Meri ba mayam briaia si bripara, ai luhpia bribia ba lika Spirit Holikira karnika wina sa bamna.

Matiu 2:19

Sakuna Herod pruan ba ningkara, Idsip tasbaya ra Dawan insalka kum yaprisauhkan ra Josep ra latan taki, win:

Matiu 23:31

Baha mita, nanara pain kaikisma man nani ba prapit ikan nani ra ikan nani kiamka sma.

Matiu 23:34

Baha mita, yang bui man nani ra prapit nani, sinskira nani bara smasmalkra nani sin mai blikamna. Sakuna man nani mita witin nani tila wina tila nani ba ikma, dus prihni ra sama, wala nani ra lika prias watla nani bilara prukma, bara tawan kum wina tawan wala ra nina bliki rausauhkma.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Matiu 27:19

Pailat lâ daukaika pliska ra iwi kan ba ra, ai maya ai bîla bliki, naku win: “Baha waitnika kasakkira ba tilara dimpara, witin pâtka mita na tihmia yang yaprisauhkan saura pali kum kaikri bamna.”

Luk 1:11

Dawan insalka kumi Sakaraya ra latan takan, bara baha altarka aihkika tani ra bûi kan.

Luk 1:22

Baku bamna, Sakaraya bal takan, sakuna upla nani ra sip diara aisaras, ai mihta baman wauhi sain baman dauki kan. Bara baha nani kaikan witin ba tempel holi pali pliska ra diara aihka kum kaikan.

Luk 20:6

Bara upla nani wina yawan wibia kaka, upla sut mita walpa ni sabi wan ikbia, kan witin nani kasak lukisa, Jan dîa aisi kan ba lika Gâd wina kata.”

Apastil Nani Sturka 10:11

Witin kaikan kasbrika pura ba kwawan, bara kwala pîs tara baku kum, tâ walhwal wilkan naha tasba kat alahbi ikan.

Apastil Nani Sturka 10:17

Baha diara aihka kaikan ba dukiara Pita kau ai kupia wal aisi kan ba ra, Cornelio blikan waitnika nani pat dur ra bûi banhwi kan, witin nani Saiman watla ba ani sapa makabi wali kan.

Epesus 4:11

Bara upla nani ra prisant nani yan, tila nani apastil nani kaia, wala nani ra lika Gâd dahra aisaia, bara wala nani ra swaki sakan lâka sturka ba smalkaia, wala nani ra lika sepad nani bara smasmalkra nani kaia.

Kli Smalkanka 18:15

“Dawan Gâdkam mita prapit kum yang baku man nani tilam wina maikbia, bara man nani lika witin ra bîla walma.

Kli Smalkanka 18:18

Yang yarka witin nani ai uplika tila wina prapit kum takbia man baku, bara yang dîa wiaia adar yabamna ba baha ba witin aisi kabia, wibia bara kli sin wiaia.

Hibru Nani 1:1

Patitara piua ra, ai prapitka nani bâk Gâd wan damika nani ra natka sât sât ra aima ailal aisin;

Param Marikanka 11:10

Tasba ra iwi uplika nani ba naha wâl pruan na dukiara lilia baman kabia. Witin nani lilia tara dauki, pana pana ai walka ra prisant blîkbia; kan baha witniska wâl Gâd dahra aisi nani kan ba mita, witin nani ra uya rausauhki kan bamna.

Param Marikanka 11:3

Bara yang mita witnis wâl blikamna daihra aisaia dukiara yu 1,260, bara witin nani sari kwalka sin dimi kabia.”

1 Samuil 28:6

Bara witin Dawan wal aisaia plikan, sakuna Dawan pana witin ra aisaras kan yaprisauhkan ra, Urim bâk, prapit nani wal sin apia.

1 Samuil 3:15

Baha ningkara, Samuil mahka yapan yu wala titan kat buan, bara Dawan watla durka ba sakan. Samuil sibrin dauki kan baha sturka ba Elí ra wiaia, Dawan bui witin ra diara aihka kaikan ra param marikan ba.

1 Samuil 3:21

Dawan kli witin ra param takan Siló ra, kan bahara sika witin ai bîla aisi Samuil ra param mariki kan;