Kulki Kaikanka 12:2 - DAWAN BÎLA AISKA

² Baha purkara sin aisi banhwan: “Dawan lika Moses ra baman aisaras, sakuna yang nani wal sin aisin.” Bara Dawan baha walan.

Kulki Kaikanka 12:2 ပူးပေါင်းရင်းမြစ်များ

Blasi Sturka 29:33

Lea kli kwihra tiwan, bara luhpa waitna wala baikan, bara ai nina ba Simian mâkan, bara witin win: “Yang ra bahki ai kulki aisi kan Dawan walan, bahamna kau luhpi waitna wala kum aikan.”

2 Samuil 11:27

sakuna witin ai sarka ba luan ba ra, Debit upla blikan mairka ba mata, bara witin king ai watla ra brin ai maya, bara witin luhpia kum baikan. Sakuna Debit daukan ba, Dawan bui yamni kaikras kan.

2 King Nani 19:4

Ban kra Dawan man Gâdkam ba walan baku sa, Asiria kingka bui ai wihta tara kum saki blikan Gâd rayakira ra lahtubaia bara sturi saura nani wiaia, Dawan Gâdkam ba bui naha uplika nani ra klala yabia, baha aisanka yamni apia nani Dawan mapara aisan ba tâwan. Witin nani ai tila kat kau kum kum takaskan bâra sa, baha nani dukiara puram suns.”

Impakan Sturka 4:14

Baku bamna, Dawan kupia baiwan Moses mapara, bara win: —¡Ban kaka, man muihkam Eran Libait ba bâra ki! Yang kaikisna witin lika twisa skalwi aisaras. Ba purkara witin sin taki aula sa man wal prawaia, bara kaikisna witin lilia pali kabia mai kaikaia.

Impakan Sturka 4:30

Bara Eran mita witin nani ra Dawan bui Moses ra aisin bîla nani ba sut pali win, baha purkara diara aihkakira nani dauki marikbia win ba, baha sin sut witin nani mawanra dauki marikan.

Impakan Sturka 5:1

Baha ningkara Moses ba Eran wal king fero mawanra wan wiaia: —Dawan, Israel luhpia nani Gâdka ba, naku aisata: ‘Upliki nani ba swis upla iwras tasbaya ra taki wabia, bahara yang nini yamni kulkaia maiyunaia dukiara lilia tara daukbia.’

Impakan Sturka 7:10

Moses bara Eran wal king fero mawanra wan ba ra, Dawan mita dîa daukbia win ba daukan. Eran ai kînka ba tasba ra lulkan, king fero bara ai uplika tara nani ba sut mawanra, bara wapaika dusa kata ba piuta takan.

Sins Lâka 13:10

Praut lâka bri ba wina lika unsaban baman sâkbia, kuna sins lâka ba lika, bawan lâka bri uplika nani ba wal sa.

Aiseya 37:4

Ban kra Dawan man Gâdkam walbia naha bîla aisanka nani ba, witin ra sika Asiria kingka ai Dawanka ba mita blikan ba Gâd rayakira ra lahtubaia dukiara, bara sturi saura nani wiaia dukiara sin, naha bîla aisanka nani ba sika man Gâdkam pat walan sa, bahamna kau kiamka nani tila takaskan nani na dukiara puram suns.’ ”

Miqueas 6:4

Yang lika Idsip tasbaya wina mai saki bri balri, alba lâka wina sin mai swaki mai sakri. Yang mita Moses, Eran, Meri sin man nani tâm briaia blikri.

Kulki Kaikanka 11:1

Yu kum Israel luhpia nani ba Dawan mapara brukwi aisi kan, witin nani pât wahwi ba tâwan. Baha Dawan walan ba ra ai kupia sauhkan, bamna Dawan pauta klauhan ba witin nani purara blikan kauhan, bara watla nani ba angki âpu daukan.

Kulki Kaikanka 11:29

Bara Moses pana win: —¿Man bui yang tâiwan lawisma ki? Aitani kaia kan upla sut ba Dawan prapitka kata, Dawan spiritka ba witin nani sut purara kahban kan sa kaka.

Kulki Kaikanka 12:3

Kasak aisabia kaka, Moses ba waitna bawikira pali kan, tasba aiska ra waitna nani iwi ba sut tilara.

Kulki Kaikanka 16:3

Witin nani sut asla taki banhwan ba ra, Moses wihki Eran wal mapara naku aisin: —Naha kat ba aitani sa, man nani wal. Upla sut ba Gâd mita sunu atia sakan sa, bara Dawan sin yang nani wal sa. ¿Bara dîa muni man nani baman kau karnika bri baku Dawan uplika nani purara aimakisma?

Roman 12:10

Man nani muihkam ra, lamkra ra baku pana pana latwan kaiks, pain kulki yamni ba yabi bas.

Roman 12:3

Baha karbanka Gâd kupia pinhka ba mita purira sunan ba mita sika, man nani sut ra mai wisna, upla kumi bani ai dukiara dîa lukaia ba kau pura lui lukbiara. Ban sakuna, kumi bani ai sinska pain bri lukaia sa, Gâd ai kupia yamni prisantka nani mita kasak lukan lâka mita yaban ba kat.

Pilipai 2:14

Diara nani sut brukras bara blahwan sin âpu dauki bas,

Pilipai 2:3

Yakan dukiamra bara waihla lâka mita ban sin diara kumi daukpara; sakuna bawikira nani bas, bara kumi bani ai walka nani ba witin purkara kau pain sa kulkbia.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”