Kulki Kaikanka 12:13 - DAWAN BÎLA AISKA

¹³ Bara Moses bui Dawan ra wini, naku win: “Gâdki, mamkabisna, nanara pali man bui witin ba rakma.”

Kulki Kaikanka 12:13 ပူးပေါင်းရင်းမြစ်များ

Blasi Sturka 20:17

Bara baku Ebraham lika Gâd ra ai pura sunan, bara Abimélec wihki maya wâlsut ra sikniska wina rakan; baku sin albika mairin nani sut biara prakan kan ba wina Gâd mita rakan, bara witin nani luhpa baikaia sip kan;

1 King Nani 13:6

Bara king ba Gâd prapitka ra win: —Mamkabisna, Dawan Gâdkam ra yang dukira pura suni makama, baku mika mihti na kli yamni takbia. Bara prapit Dawan ra ai pura sunan, bara king mihta ba kli yamni takan pas kata baku.

Lawana Nani 30:2

Dawanki, yang Gâdki, man ra puri sunri bara sikniski wina ai rakram;

Lawana Nani 41:4

Yang wîri: “Dawan, umpira ai kaiks; sikniski na wina ai râks, mampara saura yabri sakuna.”

Impakan Sturka 15:26

Witin nani ra win: ‘‘Man nani ra mai wisni, aisisna na man nani aman wali brima kaka, yang, man nani Dawan Gâdkam, man nani ra mai wisni, yang yamni kaikaia brin ai dauki ba man nani daukma kaka, lâika bîla nani ba wali daukma kaka, Idsip uplika nani purara klala blikri ba klalka nani ba, man nani puramra blikamna apia. Yang sika Dawan, man nani ra sikniskam nani wina mai rakisna ba.”

Impakan Sturka 4:7

Bara Dawan kli witin ra win: —Mihtam ba kli lamam bilara dingks. Moses kli baku daukan, bara kli sakan ra kaikan, ai mihta ba sut yamni takan kan ai wîna tara aiska ba sim baku.

Aiseya 30:26

Dawan ba ai uplika klauhanka nani raki, bara klauhanka nani ba kwala ni wilkan kabia. Baku bamna kati ba lapta baku ingni kabia, bara lapta ingnika ba kau aima 7 kau ingni kabia, lapta asla 7 kumi ra ingwi ba ingnika baku kabia.

Jirimaya 17:14

Dawan, siknis wina ai râks, bara aiska rawi takamna; swaki ai sâks, bara aiska swaki ai sakan takamna, man ra baman yang mamyunisna bamna.

Kulki Kaikanka 11:2

Bamna upla nani ba bal wini, Moses ra hilp makaban, bara witin hilpka dukiara Moses bui Dawan ra ai pura sunan bara pauta klauhan kata ba daswan.

Kulki Kaikanka 12:12

Miriam ba ban swirka tukta lupia kumi pruan aisubi taki ba baku kabiara, ai yapti biara wina nan aisubi taki bara wîna ba bakriki prais âpu ba baku.”

Kulki Kaikanka 14:2

Witin nani sut Moses bara Eran wal mapara brukwi saura aisi banhwan. Witin nani aisi kata: “¡Yawan Idsip tasbaya ra pruan kaka kanra yamni kaia kan, apia kaka nâra upla iwras tasbaya ra yawan pruaia!

Kulki Kaikanka 16:41

Yu wala Israel luhpia nani sut kli Moses bara Eran mapara aisin: —¡Man nani mita Dawan uplika nani ba ikisma!

Luk 23:34

Witin nani dus prihni ra sabi kan ba ra, Jisas bila: —Aisa, naha pâtka na witin nani ra ban swih tiks, kan witin nani dîa dauki sapa ai tânka briras. Bamna suldiar nani Jisas kwalka ba yaura tawbia sapa kaikaia, lat lulkan.

Luk 6:28

lamhtubi nani ra pana yamni muns, swiram dauki nani ba dukiara puram suns.

Apastil Nani Sturka 7:60

Baha ningkara, witin ai lula kriki ai bîla baikra karna wini aisin: “¡Dawan, naha saurka na witin nani ra kulkpara!” Bara naha aisin ningkara, pruan.

Roman 12:21

Bamna saurka ba mita yarka puram lubiara. Sakuna, yamni lâka ba ni saurka ba pura lus.

Jems 5:15

Bara witin nani kasak luki ai pura sunbia ba ra, siknis uplika ba rawbia, bara Dawan mita witin ra bukbia; bara saurka nani daukan kaka, sut swih tikan kabia.

1 Samuil 12:23

Bara yang maipa ra sin saurka kabia man nani tâmwan puri sunras kamna kaka, baha ba kanra yamni sa, yang mai smalkamna diara kau yamni bara wapni ba daukaia.

1 Samuil 15:11

—Yang sari sna Saúl king mangkri ba, witin bui yang wina tnaya tawan bara bîli kat wali daukras. Samuil kupia ra trabil munan bamna, witin tihmia aiska Dawan ra ai pura suni lalawan.