Kulki Kaikanka 12:10 - DAWAN BÎLA AISKA

¹⁰ Kasbrika ba tint watla ba wina uli wan ba ra, Meri ba lipar sikniska alkan, ai taya aiska pihni pali takan. Eran bui Meri tawi kaikan ba ra, lipar sikniska alkan kan,

Kulki Kaikanka 12:10 ပူးပေါင်းရင်းမြစ်များ

2 King Nani 15:5

Ban sakuna, Dawan bui lipar sikniska ba wal klala yaban, bara ai yua nani aiska ra lipar sikniska brin, pruan yua ba kat. Bara witin ba utla kumi tnaya ra yaban iwi kan, king watla ra apia. Bara Jotam king luhpia ba king watla ba kaiki kan, bara tawan ba sin pura kaiki kan.

2 King Nani 5:27

Baha tâwan, Naamán liparka ba man ra mai alkbia, ba purkara sin man kiamkam nani sut ra ban kaia ra. Bara Guehazí ba Ilaidsa mawan wina taki wan ba ra, liparkira taki wan, pihni pali wahmuk pinhka baku.

2 King Nani 7:3

Kau baha aisi kan ba ra, liparkira waitna walhwal bâra kan tawan dimaika ra bara aisi banhwi kan: —¿Yawan nâra dîa daukisa pruaia baman bîla kaiki?

Impakan Sturka 4:6

Bara Dawan kli win: —Nanara mihtam lamam bilara dingks. Bara Moses ai mihta ai lama bilara dingkan, bara kli sakan ra, kaikan ai mihta aiska lipar sikniska ni pihni takan kan wahmuk pinhka baku.

Oseas 9:12

Witin nani ban kra luhpa baikbia kaka sin, yang mita luhpia nani ba sut mihta dakbamna. Yang lika witin nani wina tnaya ra tawamna bara naha uplika nani sari pali kabia.

Kulki Kaikanka 5:2

“Israel luhpia nani ra wis: Lipar bri uplika nani ba sut upla tila wina laihura saki swibia, tala plapan sikniska bri nani ba sin, bara upla pruan wîna ra kangban uplika nani ba sut sin.

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Kli Smalkanka 24:9

Man nani Idsip wina yabal ra takram piua ra, luki bas Dawan Gâdkam Meri ra daukan ba.